إعـــــــلان

Collapse

.

,
See more
See less

مشكلتين ابسط من بعض النترا 2005

Collapse
X
 
  • Filter
  • الوقت
  • Show
Clear All
new posts

  • مشكلتين ابسط من بعض النترا 2005

    السلام عليكم ورحمة الله وبركاته...
    انا معايا النترا 2005 اوتو وكيل مش خليجى...بصراحة العربية دى قبل مااشتريها كنت عارفها وعارف ان صاحبها راجل محترم جدا وكان بيصونها ديما وصيانتها ديما قطع اصلية...باختصار مش متهانة نهائى... ركبتها كذا مرة وكانت بتقفل 200 او 190 مرتاحة جدا...
    المهم اشتريتها وجيت اجربها بعدها بفترة على الطريق لقيت مشكلتين ظراف جدا :
    اولا : العربية رافضة رفض تاااااام انها تعدى ال160 وكمان بترجع على المطالع على الطرق بطريقة صعبة قووووى...وبتاكل بنزين جامد جدا على الطرق ...كشفت عليها على الموتور والفتيس والاتنين تمام جدا ومفيش مشاكل نهائى...لكن برده العيب ده موجود...صيانتها لسة معمولة وكاتينتها مظبوطة جدا وموتورها مظبوط جدا ...هل ممكن يكون العيب علبة شكمان؟؟؟ واتاكد ازاى ان ده العيب؟؟؟ولو مش ده العيب ايه ممكن يكون العيب غير كدة؟
    ثانى عيب بقى : العربية دى تكييفها جامد جدا بجد...انا ركبته فى كذا عربية خصوصا المستوردة من برة ( المعوقين يعنى).. وتكييفها بجد رهيب...عندى بقى فيه مشكلة ظريفة جدا ان الكومبيرسور بيفصل كتير جدا يعنى التسقيع مش عالى قوى زى باقى الالنترا اللى شوفتها...غسلت التلاجة ونظفتها وفلتر جديد وشحن مظبوط....سؤالى هنا..هل فيه اى ترموستات او وسيلة تحكم فى درجة فصل الكومبيريسور بحيث انى ااخر زمن فصله شوية؟؟؟

  • #2
    اصل لو مانيوال كنت قلت الدبرياج فيه مشكله بس خليني اسأل اخر صيانه دوريه اتعمل فيها ايه بالظبط ؟ هل لمبه الفحص منوره ؟ هل حضرتك اصلا شوفت كبس المكنه قبل ما تشتري ؟ بالنسبه لموضوع التكييف معرفش المشكله من ايه بس انا شايف ان عربيه ماشيه 6 سنين و اوتو بتجيب 160 يبقي المكنه دي زي الفل

    Comment


    • #3
      المشاركة الأصلية كتبت بواسطة srorr4ever مشاهدة المشاركة
      السلام عليكم ورحمة الله وبركاته...
      انا معايا النترا 2005 اوتو وكيل مش خليجى...بصراحة العربية دى قبل مااشتريها كنت عارفها وعارف ان صاحبها راجل محترم جدا وكان بيصونها ديما وصيانتها ديما قطع اصلية...باختصار مش متهانة نهائى... ركبتها كذا مرة وكانت بتقفل 200 او 190 مرتاحة جدا...
      المهم اشتريتها وجيت اجربها بعدها بفترة على الطريق لقيت مشكلتين ظراف جدا :
      اولا : العربية رافضة رفض تاااااام انها تعدى ال160 وكمان بترجع على المطالع على الطرق بطريقة صعبة قووووى...وبتاكل بنزين جامد جدا على الطرق ...كشفت عليها على الموتور والفتيس والاتنين تمام جدا ومفيش مشاكل نهائى...لكن برده العيب ده موجود...صيانتها لسة معمولة وكاتينتها مظبوطة جدا وموتورها مظبوط جدا ...هل ممكن يكون العيب علبة شكمان؟؟؟ واتاكد ازاى ان ده العيب؟؟؟ولو مش ده العيب ايه ممكن يكون العيب غير كدة؟
      ثانى عيب بقى : العربية دى تكييفها جامد جدا بجد...انا ركبته فى كذا عربية خصوصا المستوردة من برة ( المعوقين يعنى).. وتكييفها بجد رهيب...عندى بقى فيه مشكلة ظريفة جدا ان الكومبيرسور بيفصل كتير جدا يعنى التسقيع مش عالى قوى زى باقى الالنترا اللى شوفتها...غسلت التلاجة ونظفتها وفلتر جديد وشحن مظبوط....سؤالى هنا..هل فيه اى ترموستات او وسيلة تحكم فى درجة فصل الكومبيريسور بحيث انى ااخر زمن فصله شوية؟؟؟
      حتت ان العربيه مجبتش معاك فوق ال 160 دى بترجع لحموله العربيه وهل انت مضاد لأتجاه الريح ولا ماشى معاه
      اما موضوع التكييف فا لو التكييف تاتش فى زى ترمومتر بيستشعر الحراره جوه صالون العربيه لو وصل للدرجه المطلوبه بيفصل الكمبروسر عشان يريح الموتور ويوفر فى استهلاك البنزين ويرجع يشغله لمجرد ارتفاع درجه الحراره جوه الصالون مره تانيه وبصراحه التكيييف ماشاء الله عليه حلو وكويس
      اما موضوع اكل البنزين فانا عندى نفس المشكله العربيه بتعمل 130 كم فى الصفيحه جوه البلد مع انى لسه مغير بوجيهات وفلتر هواء وفلتر بنزين ومشيك على دوره البنزين بالكامل بس عايز اقولك على حاجه لو العربيه بتغيب معاك فى الدواره احتمال كبير يكون المشكله من الرشاشات
      It’s not about having the perfect relationship.. But its finding someone who matches you and would go through everything without giving up.

      Comment


      • #4
        انا روحت مركز خدمة معتمد عندنا اسمه برقان...كشفت على العربية ولسة راجع حالا....بعد ماكبير المهندسين هناك هو اللى فحصها بنفسه طلع ان العيب طقم رشاشات بيسيل...يعنى بيرمى زيادة بنزين...المفروض الاستاندر بتاعها على السلانسيه يبقى 3.3 من غير تكييف...ومابين 4.1 و 4.2 بالتكييف...انا عندى ماشاء الله الرشاشات كانت كريمة قوى بترمى 5.7 من غير تكييف تقريبا او بتكييف مش فاكر....المهم قولتلهم شكرا على كدة وطلعت برا اشتريت طقم رشاشات كامل استيراد اتفك قدامى من موتور ب150 جنيه...وركبتهم برا ورجعت تانى مركز الخدمة وكشفت تانى لقيتها ظبطت معايا الحمدلله فعلا على القرايات الاستاندر....وفعلا العربية فرقت كتير فى السحب والمشى عن الاول بمراحل....سألتهم هناك برده على موضوع التكييف قالولى ان ده بيبقى عيب حساس من اتنين موجودين واحد على الكومبيريسور نفسه والتانى على ماسورة الفريون....قالى كبير المهندسين اللى هناك ان واحد من الحساسين دول عندك هو اللى بيعمل القصة دى واكشف عليهم عند حد بتاع تكييف....بصراحة راجل محترم جدا اسمه مهندس توفيق...وخلصت الحكاية المعقدة على خير والعربية اتظبطت الحمدلله تمام.....سؤال بس للأستفسار مش اكتر....كم سعر الطنابير الامامية الاصلية للعربية دى برا التوكيل او مراكز الخدمة؟؟؟ بالمناسبة انا من بنى سويف

        Comment


        • #5
          و عليكم السلام و رحمة الله
          شكرا جدا لحضرتك (طرحت المشكله و حلتها و قولت لنا)
          لكن بالنسبه للبرقان هو أسعار الصيانه فيه عامله أيه ... و كفاءة العمال أيه أخبارها

          أما التكييف فهو كلام المهندس منطقي جدا ... لكن الدور علي فني تكييف يقدر يعرف أي حساس هو اللي بيخرف و لا الأتنين
          وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

          Comment


          • #6
            برقان بصراحة انا اتعاملت معاهم على اساس انهم ككشف اعطال بس وفحص عربية...
            بصراحة ناس محترمة جدا وكبير المهندسين اللى هو توفيق ده راجل محترم جدا وحساب كشف الجهاز وتجربة طقم رشاشات من عندهم وتشيك كامل على العربية 50 جنيه فقط لا غير بالفاتورة....
            بالنسبة لأسعار قطع الغيار فعندهم حاجات غالية طبعا زى مثلا سعر حساس التكييف بتاع الماسورة ده سعره 650 جنيه ...مش عارف ليه كدة طبعا...بص هى افضل حاجة ميكانيكى محترم تكون عارفه تتعامل معاه ديما مع الاستعانة بالتوكيل ده ككشف اعطال وتشيك بيه على العربية كلها كل فترة..
            انما انا عاوز اعرف ازاى اميز الحساس البايظ من الاتنين بتوع التكييف؟؟؟ وايه اعراض يوظان كل واحد فيهم؟

            Comment


            • #7
              علي ما أعتقد و هو مجرد تخمين إن الحساس اللي بايظ هو حساس الكمبيريسور لأنه هو أكيد راكب علي الكمبيرسور و بالتالي هو اللي بيفصله و في الغالب هيبقي بطرفين طرف بيستشعر الحراره و آخر بيفصل الكمبيريسور
              وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

              Comment


              • #8
                عند واحد اسمه محمد عاصم في شارع دمشق

                الطنابير الاماميه كانت ب 600 الاتنين اصلي بتوع غبور بيه وكان فيه ايطالي ب 450 وعند باقي المحلات هتلاقي الطنابير الكوري العاديه ب 200 ل 250 وبرضو معقولين وطبعا انضف حاجه الاصلي بس غاليه جدا عليها

                ممكن تخليك في الايطالي او الكوري والكوري انا جربته قبل كده في عربيه نيو اكسنت كان حلو


                بالنسبه للعربيه مش بتعدي 160 ليها مليون سبب لو صاحبها مش بيجري بيها صعب انها تجري معاك وده كان حاصل معايا جدا في عربيتي بس بعد ما قعدت معايا فتره كبيره بدات تجري حلو وفاقت

                بس برضو في اسباب تخلي العربيه متجريش وتبقى مخنوقه منها البوجيهات والفلاتر والسيور وممكن برضو الكبالن الداخليه لو بايزه متخليش العربيه تجري برضو

                Comment


                • #9
                  طب بعد اذنكم اسعار حساسين التكييف الاتنين كام استيراد وجديد؟؟ واقصد هنا اللى فوق الماسورة واللى على الكومبيرسور

                  Comment


                  • #10
                    للرفع والتذكير للأهمية

                    Comment

                    Working...
                    X