عيب فنى قاتل فى السيارة نيو اكسنت

[S H @ F T]

يا جماعة ده مش عيب في الباور الكهربا كله
ده عيب صناعة في النيو أكسنت
في عربيات كنير باور كهربا وشغالة زي الفل
وعلى فكرة أي باور في الدنيا لازم يتقل على السرعات مش الكهربا بس
ولو الباور خفيف على السرعة العالية يبقى فيه مشكلة

[Nile_Storm]

طب ازاي الباور الهيدروليك ها يتقل ؟

[حماده المصري]

مهو لو هتسال ازاي الباور يتقل

يبقى من حقي اسال ازاي باور عربيتي يتقفل 3 مرات وفي ناس قالت انه من الفيوز

يعني الفيوز باز ورجع اشتغل لوحده...؟؟

طبيعي اي باور بيتقل فعلا على السرعات العاليه

والي حاصل في النيو اكسنت ده شيء طبيعي عيب وبيتم اصلاحه

زي مليون عيب حاصل في مليون عربيه غير هيونداي

والموضوع مش خطير الباور بيتقفل بس الطاره بتتحرك

وطول ما العربيه بتتحرك سهل التحكم فيها حتى لو مفيهاش باور

[Nile_Storm]

استاذ حماده فهمتني غلط انا بسال للمعرفه بس مش اكتر :)

اما بالنسبه للنيو اكسنت فانا و اغلب الاعضاء هنا عارفين انه موضوع قديم و مش عارف اتفتح ليه و عامه هيونداي عدلت العيب و خلاص و النيو اكسنت في انتشار ماشاء الله
عربيه زي الفل و ربنا يباركلك فيها
بس حافظ عليها شويع
دغدغتها ليه ياعم :) :)

[Sharky]

السلام عليكم
في الحقيقة هذا المنتدى من اروع المنتديات و اعضاؤه من اروع الاعضاء

بالنسبة لمقود الفيرنا في سوريا و انا سوري بطبيعة الحال و عاصرت الحالة كلها

و هي للاسف مغايرة لتعليقات و تفسيرات الشباب و على كل حال مقودي في سيارتي اللادا كهربائي

بالنسبة للفيرنا هناك عيب في تصنيع المقود في السيارات القادمة لسوريا عام 2005 و 2006
وهو بالعامي كما نقول يقفل على السرعة العالية و المنخفضة على حد سواء فالمشكلة ليست في انه يفصل و من ثم يرفض ان يعود للعمل

و لكنه يصبح فجاة على اليسار لين جدا جدا جدا لدرجة انه بنفخة يروح للاخير و على اليمين صلب كالصخر او العكس و هنا تكمن الكارثة و هناك العديد و العديد و العديد من الوفيات التي حدثت و بخاصة على السرعة العالية جدا حيث الوفاة اكيدة

يعنى ما طلعش بيقل على السرعات العالية فقط !!!!
دا طلع كمان بيقل على السرعات المنخفضة !!!!

ياجماعه انا معايا نيو اكسنت 2006

الباور كهربا هو بصراحه باور تحفه خفيف جدا في السرعات المنخفضه وبيتقل كل ما العربيه تزيد سرعتها بس تقله مش ملحوظ اوي

وفعلا في عربيات نيو اكسنت الدركسيون خفيف في ناحيه وتقيل في ناحيه تانيه بس المفروض ده عيب في بارات الدركسيون نتيجه خبطقه نقره او بلاعه البار بيتعوج سنه

وقصه ان الدركسيون بيقفل دي غلط هو الباور الي بيتقفل ومش شرط على السرعات العاليه

انا باور عربيتي اتقفل كزا مره فعلا بس كلها كنت في الهادي ومره كنت على مطب واتقفل

وكلهم كانوا في الصيف وفي عز الحر ده مع اعتبار ان عربيتي انا مكسر كل حاجه في عفشتها وعلبه الدركسيون بايزه كمان بس من اول ما جبت العربيه وهي جديده الباور زي الفل

بطفي العربيه واشغلها يرجع طبيعي ولا روحت توكيل ولا غيرته ولا حاجه

إيه دا يا جماعة يعنى العيب دا حقيقى و موجود كمان فى مصر !!!

يعنى Lanos2 بيقول معلومة حقيقة حصلت فى سوريا زى ما زميلنا السورى قال وو ضح كامن حصلت إزاى و بتحصل فى مصر زى ما واحد من ملاكها بيقول

[Sharky]

عامه هيونداي عدلت العيب و خلاص و النيو اكسنت

هى هيونداى عدلت العيب إللى فى مصر برضه ؟؟؟؟؟؟

[Nader]

هى هيونداى عدلت العيب إللى فى مصر برضه ؟؟؟؟؟؟

هيونداي مش غبور D:

[Sharky]

هيونداي مش غبور D:

:D :D :D :D :D :D

[Nile_Storm]

ايه ده ياجماعه شاركي هنا يامرحبا يامرحبا :D
مع ان استاذ حماده يبقول الباور زي الفل ياشاركي
مش عارف شكلي مش فاهم كلامه اوي
صحيح متعرفش حد جاتله المشكله دي كمان :D:D;)
بالظبط هيونداي مش غبور يانادر :D:D

[Sharky]

أولا مرحبا بيك يا باشا فى المنتدى :D

يا باشا
إنت واضح إنك مختش بالك هو ما هو كلامه واضح بيوقلك إن الباور بيقفل على سرعات بطئية و سرعات عاليه لكن الدريكسون بيشتغلبيبقى تقيل لإن ما فيهوش باور

بالنسبة للمشكلة حصلت مع حد تانى و لا لأ دى ياريت نشوف اعضاء المنتدى إللى معاهم نيو أكسنت و يوقلولنا حصلت معاهم زى الأستاذ حماده ولا لأ

[Nile_Storm]

ياريت
وهذا فيه استفاده للناس

[Nader]

اسئلوا سواقين تاكسي العاصمة عند ستي ستارز D:

[Sharky]

تصدق فكرة حلوة يا نادر ;)

[lanos2]

انا باور عربيتي اتقفل كزا مره فعلا بس كلها كنت في الهادي ومره كنت على مطب واتقفل

يا نهار ازرق يعنى النيو اكنست اللى فى مصر فيها نفس المشكلة مش قولتلكم ان عندنا منها و ماحدش دريان

بطفي العربيه واشغلها يرجع طبيعي ولا روحت توكيل

:D:D و بتعمل كمان ريستارت للسيارة زى الكمبيوتر علشان تفك تهنيج الباور شىء عظيم جدا لا حقيقى سيارة ممتازة انا هروح بكرة اشترى منها عشر حتت ان شاء الله .
ههههههههه الغريب فى الموضوع انك شايف كل اللى بيحصل دة عادى و طبيعى و بيقولوا عليه تكنولوجيا جديدة دة على كدة الباور العادى ارحم منه الف مرة .

[حماده المصري]

ههههههههه الغريب فى الموضوع انك شايف كل اللى بيحصل دة عادى و طبيعى و بيقولوا عليه تكنولوجيا جديدة دة على كدة الباور العادى ارحم منه الف مرة

هههههههههه لا طبعا مش طبيعي بس عربيتي طالعه من الضمان

ومش هروح اغير كنترول وادفع 6000 جنيه واسيب العربيه مش اقل من اسبوعين

عشان باور قفل مرتين او تلاته ده مع اعتبار ان انا الي مبوظ العربيه وهي مكنش فيها اي عيب لمده سنه