عيب فنى قاتل فى السيارة نيو اكسنت

[kmansy]

والله عال عال عال سيارات هيونداى تثبت كفاءة غير عادية وهاهيا أيضا تتسبب فى مقتل عشرات الأبرياء بس برده الموضوع مش خطير على رأى الأستاذ كيشو المهم هيونداى تكسب ومش مهم أرواح الناس, السؤال الذى أريد أن أسأله للهيونداوية بإعتبارى واحد منهم سابقا ليه الناس بتحكيش على عيوب الأمان فى سيارات هيونداى رغم إنى أعرف شخصيا ناس حصلتلها حوداث خطيره نتيجة لعيوب إتزان السيارة (ضعف الثبات) وغيرها من المشاكل واللى خليتنى بصراحة أقاطع سيارات هيونداى وغير نادم عليها ولكن عليكم نصح الناس وسيبكو بقى من حكاية إن العربية سعرها ينزل ويطلع فرغم إن السوق المصرى سوق سعر إلا إنى متأكد إن العربيات دى لازم حتتطلع من السوق فى يوم من الأيام وغير مأسوف عليها خاصة بعد تطبيق الجات لتصبح السيارات قريبة من بعض فى السعر ويعلن الناس أنهم سيختارون السيارة الأفضل فى الأمان ةالصيانة وغيرها

[Matrixawy]

والله عال عال عال سيارات هيونداى تثبت كفاءة غير عادية وهاهيا أيضا تتسبب فى مقتل عشرات الأبرياء بس برده الموضوع مش خطير على رأى الأستاذ كيشو المهم هيونداى تكسب ومش مهم أرواح الناس, السؤال الذى أريد أن أسأله للهيونداوية بإعتبارى واحد منهم سابقا ليه الناس بتحكيش على عيوب الأمان فى سيارات هيونداى رغم إنى أعرف شخصيا ناس حصلتلها حوداث خطيره نتيجة لعيوب إتزان السيارة (ضعف الثبات) وغيرها من المشاكل واللى خليتنى بصراحة أقاطع سيارات هيونداى وغير نادم عليها ولكن عليكم نصح الناس وسيبكو بقى من حكاية إن العربية سعرها ينزل ويطلع فرغم إن السوق المصرى سوق سعر إلا إنى متأكد إن العربيات دى لازم حتتطلع من السوق فى يوم من الأيام وغير مأسوف عليها خاصة بعد تطبيق الجات لتصبح السيارات قريبة من بعض فى السعر ويعلن الناس أنهم سيختارون السيارة الأفضل فى الأمان ةالصيانة وغيرها

انا بسمع عن موضوع الجات دة بقالى 15 سنة و لسة ما جات
لعل المانع خير

[farahat]

اثناء عملى للصيانة الدورية بالتوكيل سمعت هذه المعلومة من شخص كان معه نيو اكسنت بأن توكيل غبور لا يقوم بأصلاح الباور الكهربائى للنيواكسنت بل يقوم بتغيره بهيدروليك و هذا الكلام معناه خطير
لذلك ارجو ان تكون حذر على السرعات العالية و تتأكد من هذه المعلومة بنفسك من شخص موثوق به فى التوكيل

ماينفعش حضرتك يكون بيحول العربية من بور كهرباء لهيدروليك ، لأن دة معناه إنه يغير علبة دركسيون و يزود طرمبة بور و خراطيم ،ده غير سيور وطنابير عشان تاخد الحركة من الموتور و خزان زيت و يغير عمود الدركسيون القديم بالبور الكهربة اللي عليه و يركب واحد عادي و يغير ضفيرة الكهربة اللي كانت وصلة على البور القديم و ال-ECU بتاعته .
مظنش إن غبور يعمل كل ده ، مش بس لأن غالي جداً يعني حسبة كام ألف جنيه ، لأ دة كمان عشان مش هيلقي مكان في الحوض عشان يحط كل الفيلم ده خصوصاً إن العربية مش معمول حساب الحاجات دي فيها و هي بتتصمم و متصممة على بور كهربة .
أرجو من سعادتك تتأكد من المعلومة اللي وصلتك دي .

[Matrixawy]

ماينفعش حضرتك يكون بيحول العربية من بور كهرباء لهيدروليك ، لأن دة معناه إنه يغير علبة دركسيون و يزود طرمبة بور و خراطيم ،ده غير سيور وطنابير عشان تاخد الحركة من الموتور و خزان زيت و يغير عمود الدركسيون القديم بالبور الكهربة اللي عليه و يركب واحد عادي و يغير ضفيرة الكهربة اللي كانت وصلة على البور القديم و ال-ECU بتاعته .
مظنش إن غبور يعمل كل ده ، مش بس لأن غالي جداً يعني حسبة كام ألف جنيه ، لأ دة كمان عشان مش هيلقي مكان في الحوض عشان يحط كل الفيلم ده خصوصاً إن العربية مش معمول حساب الحاجات دي فيها و هي بتتصمم و متصممة على بور كهربة .
أرجو من سعادتك تتأكد من المعلومة اللي وصلتك دي .

النيو اكسنت نازل منها نظام باور كهربائى و منها باور هيدروليك اى ان بها امكانية لتركيب باور هيدروليك و علبة دريكسون هيدروليك بمشتملاتها من خراطيم و علبة زيت و مكان لتثبيت طلمبة الباور فى الموتور و الاستعانة بسير اكبر فى المقاس لتشغيلها .
و المنتشر فى السوق منها الباور الكهربائى لانه اقل فى التكلفة و المكونات و يوجد على النت ايضا موضوع بهذا الخصوص فى سوريا و ذكروا فية ان التوكيل الخاص بهيونداى عندهم قاموا بتعديل 60 سيارة و استبدلوا الباور الكهربائى بهيدروليك بعد ظهور هذا العيب عندهم و تسببه فى حوادث قاتلة
و اثناء تواجدى فى اخر صيانة فى غبور سمعت من شخص معه نيو اكسنت ان من يشتكى من الباور الكهربائى لا يقوموا بأصلاحه مرة اخرى يستبدلونه بهيدروليك و لم ابحث فى صحة هذا الموضوع من عدمة لان ليس معى نيو اكسنت و المفروض اللى معه نيو اكسنت يتصل بالتوكيل او يكلم استاذ عاطف هنا للتأكد من هذا الموضوع لخطورته الواضحة .