شوفت الالينترا الجديده فى دمنهور امبارح

[MOUSTAFA_SAAD]

السلام عليكم ورحمة الله وبركاته

نزلت امبارح الف فى البلد على غيرعادتى فى النزول من البيت لانى غاوى قعدة البيت جدا خصوصا بسبب نايل موتورز بس كنت عاوز اشترى موبايل Samsung Galaxy Fit S5670 ولاسف مالقيتهوش

وشوفت 3 الينترا جديده
واحده بيضاء وواحد كحلى وواحده رصاصى لسه مش معلقه نمر
بصراحه احلى لون الرصاصى والعربيه شكلها وهمى ياجماعه خرافه فعلا وتصميم جميل جدا وشكلها حتكسب السيراتو فى الانتشار
بس ياخساره لو غبور المفترى ده كان يظبط سعرها شويه او ينزلها بوسائل امان اكتر يبقى فعلا تستاهل تمنها
الا قولولى العربيه دية فيها كام ايرباج

[fahmy]

2 بس علشان غبور دة بخيل اوى

[MOUSTAFA_SAAD]

ده جلده مش بخيل بس
انا حاسس كده انها حاتوقف حال الكروز

[memo823000]

السلام عليكم ورحمة الله وبركاته

نزلت امبارح الف فى البلد على غيرعادتى فى النزول من البيت لانى غاوى قعدة البيت جدا خصوصا بسبب نايل موتورز بس كنت عاوز اشترى موبايل samsung galaxy fit s5670 ولاسف مالقيتهوش

وشوفت 3 الينترا جديده
واحده بيضاء وواحد كحلى وواحده رصاصى لسه مش معلقه نمر
بصراحه احلى لون الرصاصى والعربيه شكلها وهمى ياجماعه خرافه فعلا وتصميم جميل جدا وشكلها حتكسب السيراتو فى الانتشار
بس ياخساره لو غبور المفترى ده كان يظبط سعرها شويه او ينزلها بوسائل امان اكتر يبقى فعلا تستاهل تمنها
الا قولولى العربيه دية فيها كام ايرباج

انا عايزك تروح اى معرض واركب فيها وخبط على الخامات الداخليه واطلع اضغط على الصاج وبعدين اركب باقى العربيات
ياباشا العربيه فيها تكلفه اكتر من السيراتو عشان كدا اغلى بحوالى 15 الف
شاسيه اعرض - خامات افضل - صالون افخم - صاج اقوى - موتور احدث وافضل فى استهلاك البنزين 130 حصان - عفشه انعم واحسن من السيراتو - وطبعا الضمان شامل كل العربيه مش زى السيراتو - هارد ورك وقلت اعطال اكتر من السيراتو
واخيرا الشكل الاسطورى وسعر اعادة البيع لصالح الهيونداى عامتا
فعشان كدا هيا اغلى
وطبعا العربيه دى فعلا وقفت حال الكرولا والمازدا والكروز والسيراتو واثرت على مبيعات الفلونس فعلا
غبور لو عمل عرض عليها 5 الاف عن سعرها الاصلى دلوقتى اؤكدلك ان مصر كلها هتركب النترا 2012

[MOUSTAFA_SAAD]

طبعا انا مشوفتش خاماتها ايه ولا صاجها عامل ازاى
بس التصميم ملفت جدا وتحس انها عريضه مش عارف متهيالى ولا ايه
هى اسعارها نظامها ايه وبتنزل بكام فئه واسعارهم و مواصفاتهم ايه

[megamoudy]

طبعا انا مشوفتش خاماتها ايه ولا صاجها عامل ازاى
بس التصميم ملفت جدا وتحس انها عريضه مش عارف متهيالى ولا ايه
هى اسعارها نظامها ايه وبتنزل بكام فئه واسعارهم و مواصفاتهم ايه

لا مش بيتهيألك ولا حاجة يا استاذ مصطفى

أنا لاحظت انها أعرض بالفعل وقريبة كمان شوية للارض ......... اعتقد ان ده هيديها ثبات

وشكلها فظييييييييييييييييييييييييييييييييييييع جميل اوي اوي اوي اوي اوي

[raedegypt]

الالنترا خامات صالون وتصميم اعلى بكثير من السيراتو طبعآ بصراحه تصميم حكايه .

[MOUSTAFA_SAAD]

الالنترا خامات صالون وتصميم اعلى بكثير من السيراتو طبعآ بصراحه تصميم حكايه .

طب ماتقولنا مواصفاتها واسعارها وفئاتها ايه استاذ رائد
يمكن نفيد بيها حد محتاج النصيحه سواء فى المنتدى او بره
انت خبير هيونداى فى المنتدى

[Screenplays]

خامات افضل - صاج اقوى

انا احب اعقب علي النقطتين دول انا شفت التابلوه بتاعها ممكن تكون خاماته افضل من السيراتو بس مش افضل من الكروز و بالنسبه للصاج مفيش اي اتجاه من اي شركه انها تعمل صاج تقيل حاليا و ممكن صاجها افضل من السيراتو الورق بس مش هيبقي برضه افضل من الكروز يعني الكروز بتتفوق علي منافسينها الكوري في النقطتين دول حاليا

[MOUSTAFA_SAAD]

فعلا مفيش اتجاه بين شركات السيارات انها تعمل صاج تقيل
بس هى وزنها كام

[Screenplays]

اتمني رفع ال Brochure الخاص بالسياره

[HOSSAM99]

دي مواصفات العربيه
الفئة سيدان
منظومة الدفع أمامي
طراز عام 2012

الأبعادالطول 4530 مم
العرض 1775 مم
الإرتفاع 1435 مم
قاعدة العجلات 2700 مم
الوزن الصافى 1190 كجم – 1225 كجم
سعة خزان الوقود 48.5 لتر
المحرك الأول 4 / 1.6 / 130
متوسط الإستهلاك 6.1 – 7.0
ناقل الحركةآلى متوفر / 6 نسب
يدوى متوفر / 6 نسب

الفئات

الطراز الأول 114.900 m/t
الطراز الثانى 121.900 m/t ab + abs
الطراز الثالث a/t gl 122.900
الطراز الرابع 129.900 a/t gl ab + abs
الطراز الخامس 130.900 a/t gl highline
الطراز السادس 132.900 a/t gl 2ab + abs
الطراز السابع 136.900 a/t gls
الطراز الثامن 139.900 gls a/t + ab
الطراز التاسع 142.900 gls a/t + abs
الطراز العاشر 154.900 fully loaded

الضمان
عدد السنوات 3
الكيلومترات 100.000

التجهيزات
التجهيزات الأساسيةباور ستيرينج متوفر
التحكم فى النوافذ كهربائى
مكيف هواء متوفر – أوتوماتيك
قفل مركزى متوفر / تحكم عن بعد
النظام السمعى راديو cd + mp3 + aux + usb + sd
الجنوط رياضية
abs متوفر
وسائد هوائية متوفر / 2

[MOUSTAFA_SAAD]

شكرا حبيبى حسام باشا

بس انت متاكد ان الفتيس اليدوى 6 سرعات

وممكن تعملى مقارنه بينها وبين اللوجان ههههههههههههه

[HOSSAM99]

شكرا حبيبى حسام باشا

بس انت متاكد ان الفتيس اليدوى 6 سرعات

وممكن تعملى مقارنه بينها وبين اللوجان ههههههههههههه

العفو يا باشا
و هي 6 سرعات مانيوال فعلا
أنت تطلب و إحنا ننفذ
بالنسبه للوجان دي حبيبتنا كلنا

[MOUSTAFA_SAAD]

موضوع 6 سرعات مانوال ده جامد جدا
وحيخلى التسارع بتاعه رهيب