ظبط الزوايا

[samirsaid1]

انا مظبتش زوايا بقالى كتييييييييييييييير يمكن من سنتين تقريبا

بس العربية مش بترمى لا يمين ولا شمال

هل لازم اظبط برضة لان خايف اجى اظبتها تتبهدل ومعرفش أرجعها تانى

[Screenplays]

حضرتك المفروض بتربط العفشه كل 10000 كيلو مثلا فاظبط زوايا بالمره و رصص لو بتسافر

[mohammadrashee]

وتلعب في العربيه ليه طالما سليمه سيبها بخير الفبريكه ربط عفشه وبس طالما مفيش مشكله

[samirsaid1]

حضرتك المفروض بتربط العفشه كل 10000 كيلو مثلا فاظبط زوايا بالمره و رصص لو بتسافر

بقالى كتير معملتش حاجة فى العربية هو بس لما كنت فى التوكيل من 13000 ك تقريبا كنت بغير طقم دبرياج

فالصنايعى قاللى انه ربطلى العفشة معرفش عشان البقشيش ولا ايه

[Screenplays]

ما هي لازم العفشه تتربط و كده كده الصنايعي ياخد البقشيش مفيش مشكله

وتلعب في العربيه ليه طالما سليمه سيبها بخير الفبريكه ربط عفشه وبس طالما مفيش مشكله

يا فندم صاحب الموضوع بيتكلم عن ظبط زوايا و ليس تغيير اجزاء في السياره

[mohammadrashee]

يا فندم صاحب الموضوع بيتكلم عن ظبط زوايا و ليس تغيير اجزاء في السياره

انا عارف والله بس بتاع العفشه لو مش بيفهم اول حاجه يقولوا عايزه زرجينه وممكن يعمل حاجه غلط و ساعتها هيزعل
كلام حضرتك مظبوط لو هيويها التوكيل يعني على الأقل مش هيبوظوا

[samirsaid1]

شكرا على ردودكم

بس انا سؤالى هى الزوايا بيبان تاثير عدم ظبطها على حاجة تانية غير انها بترمى يمين وشمال وانا ماشى

وفية حاجة تانية بتحصل وانا ماشى وأجى افرمل بلاقى صرخة فى الكاوتش مع انى لسة مغير التيل والكاوتش متفير من حوالى 25 الف كيلو تقريبا وتاريخ صناعتة منتصف عام 2009

وشكرا

[mohm82]

السلام عليكم
عن نفسى محبش ألعب فى العربية أو أروح لميكانيكى إلا لما يحصل حاجة
الى اعرفه ان الزوايا بتأثر فى حدف العربية و ده الاساسى و ثانيا تعمل صوت حاد كانه صرخة لما تدخل ملف على الهادى.
حاجة كمان ان مشفتش حد بيظبط زوايا كويس فى مصر , للاسف طبعا
انا رحت ظبط مرة عند واحد المفروض انه كويس اوى - فى العباسية- و كان زحمة و طبور عليه بس وكنت مسافر تانى يوم و اكتشفت ان الزوايا باظت جداً عن قبل ما اظبطها عنده(كنت بظبط زوايا عشان الكاوتش الجديد مش عشان عيب فى العربية).
و الله اعلم طبعاً
سلام

[samirsaid1]

السلام عليكم
عن نفسى محبش ألعب فى العربية أو أروح لميكانيكى إلا لما يحصل حاجة
الى اعرفه ان الزوايا بتأثر فى حدف العربية و ده الاساسى و ثانيا تعمل صوت حاد كانه صرخة لما تدخل ملف على الهادى.
حاجة كمان ان مشفتش حد بيظبط زوايا كويس فى مصر , للاسف طبعا
انا رحت ظبط مرة عند واحد المفروض انه كويس اوى - فى العباسية- و كان زحمة و طبور عليه بس وكنت مسافر تانى يوم و اكتشفت ان الزوايا باظت جداً عن قبل ما اظبطها عنده(كنت بظبط زوايا عشان الكاوتش الجديد مش عشان عيب فى العربية).
و الله اعلم طبعاً
سلام

عندك حق ودة اللى خايف منه تبوظ وارجع اندم انى روحت لحد يعملها

بس انا سؤالى ان ناس كتير بتقول لازم تظبط الزوايا كل فترة
عشان المطبات الحلوة بتاعتنا