غبور : من اغلى التوكيلات فى مصر ان لم يكن اغلاها مقارنة بفئات سياراته

[HeMa1981]

السلام عليكم
يعنى عم غبور هارينا اعلانات كلها هجس وكذب عن قطع غياره الرخيصة المتوفرة وبس يحذر من عدم وجود العلامة المائية حتى لو مكتوب عليها صنع فى كوريا وافلام واحلام مش عارف بيضحك بيها على مين

انا نفسي الموضوع ده يكون تعاون من الاعضاء على وضع اسعار قطع غيار غبور ومقارنها بمثيلاتها والقصد هنا اسعار التوكيل نفسه خااااصة على قطع غيار العفشة




انا هبدأ باللى عملته :
تغيير " كوبلن واحد يمين " واكرر كوبلن واحد يمين وبلى العجلة اليمين "
تكلفته عند غبور افندى 2200 جنيه للكوبلن الواحد يا نااس بالبلى بالمصنعية !!!!!

ولا اكنى راكب مرسيدس !!

الرادياتير 1500 جنيه من غير مصنعية !!


واللى جرب حاجات تانية ياريت يدلنا وانا هحط الباقى مع مقارنته بأسعار التوكيلات الاخرى المنافسة زي ميتسوبيشي وتويوتا وغيرهم بإذن الله

[Nile_Storm]

لو علي وضع اسعار قطع غيار هيونداي يبقي ماشي
انما نقارن بين اسعارها و اسعار الماكرات الاخري
يبقي - سوري مش قصدي حاجه - ايه لازمتها

يعني انا عندي فيرنا اروح اشتري كوبلن لانسر

ولو قصدك ان غبور غالي في قطع غياره اهي قطع الغيار ماليه البلد من براه
ياجدعان غبور ده مش عقبه خالص في شرا السياره
انا فاكر مقوله احد الاعضاء هنا ان هيونداي من العربيات اللي ممكن تشتريها و متحتاجش التوكيل اساسا
الا في الصيانه
و لو حصلت حاجه في الضمان برضه تبفي الاسعار دي ملهاش لازمه لاتك هتغير ببلاش
اما الضمان عملوه ليه
وارجو ان ميكونش اسلوبي ضايقك او حاجه

[HeMa1981]

ياباشا
اضايق منك ازاى
انا كل اصدى انه كذاب كذب فى اعلاناته !

انا كان اصدى بس ان البعض كان دايماً بيقول ان توكيل هيونداى ارخص من غيره بس بالعكس الموضوع غير كده خالص


وانا راكب فيرنا من 2004 وبحب الهيونداى جداً خاصة من اول الفيرنا الكورى دى والله عربية اصيلة لغاية دلوئت
وطبعاً التوكيل مش عقبة ابداً بس مايمنعش ان اسعارة غير طبيعية على الاطلاق

[Nile_Storm]

فعلا قطع غياره بيبالغ فيها ساعات
بس فيه غيره كتير بيغلي
المهم كما قلت ان سيارتك مريحاك و يارب ما يحوجنا لقطع غيار

[Sharky]

انا هبدأ باللى عملته :
تغيير " كوبلن واحد يمين " واكرر كوبلن واحد يمين وبلى العجلة اليمين "
تكلفته عند غبور افندى 2200 جنيه للكوبلن الواحد يا نااس بالبلى بالمصنعية !!!!!

ولا اكنى راكب مرسيدس !!

الرادياتير 1500 جنيه من غير مصنعية !!

ملهاش غير حل واحد تغوووور قطع الغيار لو من غبووووووووور

إنزل إشتريها من أى محل تانى لإنى أسمع إن قطع غيارها مليانة بره بس مش عارف أصلى و لا تقليد .

على أمل إن غبور لما يلاقى الناس ماتشتريش منه يمكن يخفض أسعارها
هو بيعوض أسعار الفيرنا القليلة فى قطع الغيار !!!

[SEATLOVER]

يا جماعة قطع غيار هيونداى دلوقتى غير زمان
والعمر الافتراضى بتاعها ماعدش ذى ايام زمان
قطع غيار الهيونداى بقت لا تقل جودة عن مثيلاتها من يابانى والمانى مع فرق الاداء فقط لكن بتأتى متشابهة إلى حد كبير فى العمر الافتراضى المعقول ..ودة سبب زيادة سعرها

يعنى شوف قطع غيار الاكسنت زمان ..كانت بتقعد اد اية ..وشوف قطع غيار الالنترا دلوقتى بتعيش اد اية ...فى تطور و كفاءة لا يمكن تجاهلها

وإن كان دة طبعاً غير مبرر لإلاتفاع المبالغ فية فى سعر القطعة ..لو سألت عليها برة ولقيت إن فى فرق كبير
وبيبقى برضو قدامك الاختيار تجيبها منين ..ودى برضو ميزة

[HeMa1981]

يعنى على سبيل المثال طبعاً والدتى هى اللى ادبست فى الكوبلن لأنها كانت وانا كمان خايفين من الصوت التكسير اللى طالع من العربية ومتخيلتش انه كوبلن وطبعاً هناك الولها احنا هنخلى مسؤليتنا لو مشيتى بيها كده ... إلخ
الكبالن بره كورى الجوز ب 210 جنيه فقط فقط
بس مش الأصلى اللى غبور هارينا بيه ابو علامة مائية ده بئا انا هسأل عليه بكره فى منافذ التوزيع المعتمدة واعرف سعره

[lanos2]

السلام عليكم
يعنى عم غبور هارينا اعلانات كلها هجس وكذب عن قطع غياره الرخيصة المتوفرة وبس يحذر من عدم وجود العلامة المائية حتى لو مكتوب عليها صنع فى كوريا وافلام واحلام مش عارف بيضحك بيها على مين

انا نفسي الموضوع ده يكون تعاون من الاعضاء على وضع اسعار قطع غيار غبور ومقارنها بمثيلاتها والقصد هنا اسعار التوكيل نفسه خااااصة على قطع غيار العفشة




انا هبدأ باللى عملته :
تغيير " كوبلن واحد يمين " واكرر كوبلن واحد يمين وبلى العجلة اليمين "
تكلفته عند غبور افندى 2200 جنيه للكوبلن الواحد يا نااس بالبلى بالمصنعية !!!!!

ولا اكنى راكب مرسيدس !!

الرادياتير 1500 جنيه من غير مصنعية !!


واللى جرب حاجات تانية ياريت يدلنا وانا هحط الباقى مع مقارنته بأسعار التوكيلات الاخرى المنافسة زي ميتسوبيشي وتويوتا وغيرهم بإذن الله

عندك حق اسعار غبور مبالغ فيها جدا بالنسبة للاسعار خارجه و هذا الموضوع مفيد لكل مالكى هيونداى حتى يعرفوا حقيقة اسعار قطع الغيار التى يغالى فيها غبور بدون مناسبة لعدم الضحك عليهم و استغلال جهلهم بالاسعار و ارجو ان تستمر فى هذا الموضوع المفيد و لا يحبطك انصار غبور المعروفين هنا .

[Salah_sr]

ياشباب هل فكر حد بمعرفة الأسعار العالمية لقطع غيار الهيونداي الأصليه ... أنا لاأدافع عن غبور و لكن أنا عندي ألنترا في مصر و في سلطنة عمان و الأسعار في عمان أغلي من عند غبور و كو بلن الألنترا أنا فقط سألت كان 220 ريال أي حو الي 3000 جنية بدون تركيب و سعر تيل الفرامل الأمامي 32 ريال حوالي 450 جنية و ده أسعار أقل من أسعار اللانسر مثلا يعني أنا عايز أقول إن الدنيا و لعت مش غبور أما التقليد فهو هنا رخيص جدا حتي لو كان كوري وعلي فكرة أنا لسه سائل عن سعر كشافات الضباب في مسقط و السعر كان 26 ريال حوالي 400 جنيه حد عنده فكرة بكام في مصر وشكرا

[Nile_Storm]

لا يحبطك انصار غبور المعروفين هنا .

يا لانوس مش عشان اي عضو هنا يدافع عن هيونداي يبقي غبوري عميل خائن :D حلوه غبوري دي :D

و اذا كنت عارفهم قولنا هما مين عشان الكل يعرفهم وهات الدليل
والا متبقاش عارفهم " اساسا مش موجودين :)" و ساعتها يبقي ميصحش ترمي اتهامات عشوايه و خلاص
ان بعد الظن اثم

و اكيد انت متحبش و انت بتعرض وجهه نظرك ان حد يتهمك انك عميل
مش كده;)
صحيح مع ان اسمك لانوس مبشوفكش في منتدي دايو ليه :D:D
انت منورنا طبعا مش قصدي حاجه ;)

[lanos2]

يا لانوس مش عشان اي عضو هنا يدافع عن هيونداي يبقي غبوري عميل خائن :D حلوه غبوري دي :D

و اذا كنت عارفهم قولنا هما مين عشان الكل يعرفهم وهات الدليل
والا متبقاش عارفهم " اساسا مش موجودين :)" و ساعتها يبقي ميصحش ترمي اتهامات عشوايه و خلاص
ان بعد الظن اثم

و اكيد انت متحبش و انت بتعرض وجهه نظرك ان حد يتهمك انك عميل
مش كده;)
صحيح مع ان اسمك لانوس مبشوفكش في منتدي دايو ليه :D:D
انت منورنا طبعا مش قصدي حاجه ;)

ههههههههههههه
تعرف لو ان انصار غبور بيدافعوا عن هيونداى كماركة كان الواحد احترم ارائهم كثيرا
لكن عندما نجد الدفاع الاعمى عن غبور نفسه و تكذيب الناس اللى بيشتكوا منه و اعتبار كلامهم اشاعات دائما فهذا يثير التساؤل و يجعل الواحد يشعر ان هناك بالفعل انصار لغبور بالمنتدى و ليس انصار لهيونداى كماركة
و نتكلم بصراحة اكثر من غير زعل يعنى حضرتك مثلا كل ما تيجى سيرة غبور اجدك تتعفرت و تكذب الناس اللى بتشتكى منه و تقول ان كلامهم اشاعات رغم انها ليس اشاعات ابدا و اذا كل واحد نصب عليه غبور و سكت على ذلك فسوف يستشرى غبور فى نصبه و لن ينصلح حالنا ابدا الا اذا انتقدنا عيوبنا و عملنا على اصلاحها و الناس هنا ليس بينها و بين غبور ثأر شخصى و لكن الموضوع ببساطة اننا جميعا نريد الصالح العام و الا يقع احد منا ضحية لنصب توكيل معروف عنه ذلك و هيونداى كماركة على عينى و راسى و لكن التوكيل فعلا مش مظبوط و قد لمست ذلك بنفسى و اذا كنت حضرتك شغال فى غبور فأنا اسف لكن هذه هى الحقيقة .

[bassam nagy]

قطع الغيار تعتبر غالية بس لو هاتشترى من غبور او منافذ البيع بتاعتة
انما قطع غيار هيونداى موجودة فى معظم محلات قطع الغيار وسهل جدا انك تعرف انه اصلى ولا مغشوشة وموجود فى الكاتالوج ازاى اعرف قطعة الغيار الاصلى من الكرتونة برة

[bassam nagy]

و لكن التوكيل فعلا مش مظبوط و قد لمست ذلك بنفسى و اذا كنت حضرتك شغال فى غبور فأنا اسف لكن هذه هى الحقيقة .

ممكن حضرتك تعرض اية المشكلة الية تسبب فيها غبور فى عربية حضرتك

[YHYAKOTB]

على فكرة التوكيلات كلها كدة لكل العربيات

[som3aa]

أولا فعلا قطع غيار غبور مبالغ فيها جدااااا جدااااا
بس اسعار العربيات عند غبور ممتااااااازة و ارخص من كل منافسيها.

ياشباب هل فكر حد بمعرفة الأسعار العالمية لقطع غيار الهيونداي الأصليه ... أنا لاأدافع عن غبور و لكن أنا عندي ألنترا في مصر و في سلطنة عمان و الأسعار في عمان أغلي من عند غبور و كو بلن الألنترا أنا فقط سألت كان 220 ريال أي حو الي 3000 جنية بدون تركيب و سعر تيل الفرامل الأمامي 32 ريال حوالي 450 جنية و ده أسعار أقل من أسعار اللانسر مثلا يعني أنا عايز أقول إن الدنيا و لعت مش غبور أما التقليد فهو هنا رخيص جدا

كلامك صح بس معروف ان الخليج بيغلوا فى الاسعار اكتر من مصر يعنى لو التوكيل فى مصر بيكسب 100% فى الخليج بيكسب 200% علشان فى مصر مفيش وعى بحقوق المستهلك و الناس بتشترى و خلاص و يضحك عليها عادى خالص انما فى اوروبا و امريكا (الدول المحترمة يعنى) الاسعار ارخص كتير علشان الشعوب عندها وعى (طبعا فى دول اوروبية زى انجلترا الاسعار فيها يمكن مرة و نص اسعار بقية الدول علشان الدخل عالى اوى و كمان العملة عالية جدا) اما الخليج فهم زى مصر مفيش وعى بحقوق المستهلك و الناس بتشترى و خلاص برده و بيضحك عليها بس الفرق ان هناك فى فلوس فبيقلبوا زيادة اما هنا قليل.

والعمر الافتراضى بتاعها ماعدش ذى ايام زمان
قطع غيار الهيونداى بقت لا تقل جودة عن مثيلاتها من يابانى والمانى مع فرق الاداء فقط لكن بتأتى متشابهة إلى حد كبير فى العمر الافتراضى المعقول ..ودة سبب زيادة سعرها
يعنى شوف قطع غيار الاكسنت زمان ..كانت بتقعد اد اية ..وشوف قطع غيار الالنترا دلوقتى بتعيش اد اية ...فى تطور و كفاءة لا يمكن تجاهلها
وإن كان دة طبعاً غير مبرر لإلاتفاع المبالغ فية فى سعر القطعة ..لو سألت عليها برة ولقيت إن فى فرق كبير
وبيبقى برضو قدامك الاختيار تجيبها منين ..ودى برضو ميزة

يا سلااام عليك كلام مظبوط جدا و ادى الدليل للمشككين

http://www.autoblog.com/2007/06/06/hyundai-tops-in-strategic-vision-total-quality-awards-toyota-a/

http://www.autoblog.com/2007/11/21/toyota-exec-calls-hyundai-strong-enemy/

أما بالنسبة لمكونات العربيات معروف ان مفيش شركة بتصنع عربية كاملة (و لا حتى مرسيدس (انا كنت فاكر مرسبدس بتصنع العربية كاملة) و لا اى شركة بتصنع عربيات كاملة) شركات العربيات بتشترى قطع من موردين (بس القطع الاساسية زى الموتور و الفتيس و الكلام دا هى اللى بتصنعه ) , تيوتا و هيونداى كانوا بيشتروا قطع من نفس الموردين فتيوتا بتطلب من موردينها عدم بيع اى قطعة لهيونداى

http://www.autoblog.com/2006/06/17/toyota-to-suppliers-don-t-sell-to-hyundai/

فانا مقتنع تماما بجودة هيونداى بس مش مقتنع خالصصص باسعار غبور المبالغ فيها(بالنسبة لقطع الغيار).