اشتريت النترا2011 الشكل القديم وليا استفسار

[M_Abdallah]

الحمد لله جبت النترا الشكل القديم وكيل .عايز اعرف هي فعلا بتيجي من غير دواسات
وبالنسبة للماتور مترب اوي فأنضفه عند اي كار كير ولا اعمل ايه وبالنسبة للتكيف اشغله امتي
العربية مشيت 150 كم .
وبشكل عام قولولي نصايحكم اللي مفروض التزم بيها.

[HOSSAM99]

ألف مبروك علي حضرتك
و إن شاء الله يكون فيها الخير
المعارض دلوقتي مبقتش تدي دواسات هديه مع العربيه و الحل إن حضرتك تجيب دواسات في حدود 100 جـ الطقم
أما الموتور مترب من التخزين ... و الحل ليه نفخ هوا بسيط و متغسلش الموتور
أما التكييف ممكن تشغله بعد الألف كم الأولي
حضرتك عامل بالعربيه 150 كم و عايز طبعا تلين
نبدأ بسم الله
أول مدور العربيه سيبها تسخن خمس دقايق
إتحرك بسلاسه بدون ضغط جامد للبنزين
متثبتش علي سرعه واحده أتنقل بين السرعات
متحطش نفسك في موقف يستدعي دوس فرامل جامد يعني إستخدام الفرامل يبقي بشويش
متتعاداش سرعة 90 و يا ريت يبقي التليين علي مشوارين أو تلاته بالكتير
و بعد التليين تطلع علي التوكيل تعمل صيانة الألف و تعرفهم أي شكوي من العربيه

حضرتك هاتلاحظ ضعف في الاداء أو إستهلاك عالي للبنزين متقلقش بعد التليين كله هايتظبط
التكييف يا ريت تستني عليه علي قد ما تقدر

بالتوفيق إن شاء الله

[Ashraf_Ibrahim]

ألف مبروك علي حضرتك
و إن شاء الله يكون فيها الخير
المعارض دلوقتي مبقتش تدي دواسات هديه مع العربيه و الحل إن حضرتك تجيب دواسات في حدود 100 جـ الطقم
أما الموتور مترب من التخزين ... و الحل ليه نفخ هوا بسيط و متغسلش الموتور
أما التكييف ممكن تشغله بعد الألف كم الأولي
حضرتك عامل بالعربيه 150 كم و عايز طبعا تلين
نبدأ بسم الله
أول مدور العربيه سيبها تسخن خمس دقايق
إتحرك بسلاسه بدون ضغط جامد للبنزين
متثبتش علي سرعه واحده أتنقل بين السرعات
متحطش نفسك في موقف يستدعي دوس فرامل جامد يعني إستخدام الفرامل يبقي بشويش
متتعاداش سرعة 90 و يا ريت يبقي التليين علي مشوارين أو تلاته بالكتير
و بعد التليين تطلع علي التوكيل تعمل صيانة الألف و تعرفهم أي شكوي من العربيه

حضرتك هاتلاحظ ضعف في الاداء أو إستهلاك عالي للبنزين متقلقش بعد التليين كله هايتظبط
التكييف يا ريت تستني عليه علي قد ما تقدر

بالتوفيق إن شاء الله

معذرة يا صديقي
المحركات الجديدة لا تحتاج لكل هذه الفترة للتسخين
فقط تحتاج لبضع ثواني ولنقل 20 او 30 ثانية فقط قبل التحرك


نصائح للتليين:-
التليين هو الفترة التي تنشيء فيها وتربي فيها محرك سيارتك
لو قمت بعملية تليين جيدة ستجد محركا يستجيب لك في كل المواقف ولا يرفض لك طلبا ولكن لو اسأت التليين فقد تحصل على محرك غشيم او محرك كسول حسب الطريقة الخاطئة في التليين

*لا تتحرك بالشيارة بسرعة مرتفعة مفاجأة
*لا تتوقف بالسيارة بشكل مفاجيء
*لا تتجاوز سرعة 90 كم
*ادي الغيار حقه بدون حرق
*انقل على الار بي ام السليم ودا موضح اكيد في المانيوال بتاع العربية
*اياك ان تقوم بجر اي سيارة او شيء ثقيل او وضع احمال او اعداد كبيرة من الافراد في السيارة -بمعنى واح متخليش العربية تقيلة عشان الموتور لسة بيبي ميقدرش عليهم -
*مفيش تنبيه واضح من ناحية التكييف ولكن يفضل عدم تشغيلة لأول ألف كم
*متستمرش على سرعة واحدة للفترة طويلة
*متثبتش على غيار لفترة طويلة
*بعد تجاوز الألف الولى ننتقل لمرحلة التليين فائق الجودة او التطبيع الكامل ودا يعني انك هتحرق على الغيارات وتطلع الوحش اللي تحت الكبوت وتبدأ تجري بالعربية وتجيب بيها سرعات عالية لا تقل عن 150 والحركة دي تعملها قبل صيانة الألف كم عشان لو العربية مجابتش معاك لابد تقلهم في الصيانة عشان كدة فيه مشكلة
وربنا يباركلك فيها يا رب
متهتمش باستهلاك البنزين عشان هتلاقيه عالي لول 5000 كم بس هيتظبط بعد كدة
صوت الموتور برده متهتمش بيه هيكون عالي شوية وهيتعدل بعد اول 5000 كم
الموتور هيديك كامل قوته وكفاءته بعد اول 5000 كم
وبالتوفيق يا رب

[HOSSAM99]

أستاذي Ashraf_Ibrahim أزي حضرتك
موضوع المواتير الجديده بتسخن أو مبتسخنش هو موضوع مختلف عليه إختلاف شديد
و مع التسليم بإنها مبتتسخنش
طب اللي لسه بيلن و خلوص أجزاء الموتور غير منضبطه و مش بالوسع الكافي لإنتشار الزيت في أجزاء الموتور نعمل أيه يبقي أعتقد المفروض نسخن العربيه علشان الزيت يوصل لجميع الاجزء

[Screenplays]

في صيانه ال 1000 خليهم يغسلوا المكنه بالفوم و 1000 مبروك

[M_Abdallah]

انا متشكر جدا يا جماعة علي ردودكم.
عايز اسئل علي حاجة تانية العربية لونها اسود فدايما انضفها ازاي لأني بسمع ان
الفوطة الزفرة بتخربش البوية مع الوقت

[HOSSAM99]

قطعة قماش ناعمه (قطن) و نضيفه
و علشان العربيه تنضف بقطعة القماش دي لازم متكنش متراكم عليها تراب و حاجات لازقه كتير

أبعد عن الفوطه الزفره بجد بتبوظ الدهان و بتمسح طبقة الورنيش (طبقة حمايه فوق الدهان و بتدي لمعان ) من عليه

و تحت أمر حضرتك في أي إستفسار

[Screenplays]

قطعة قماش ناعمه (قطن) و نضيفه
و علشان العربيه تنضف بقطعة القماش دي لازم متكنش متراكم عليها تراب و حاجات لازقه كتير

أبعد عن الفوطه الزفره بجد بتبوظ الدهان و بتمسح طبقة الورنيش (طبقة حمايه فوق الدهان و بتدي لمعان ) من عليه

و تحت أمر حضرتك في أي إستفسار

بس العمليه دي بتستغرق وقت كبير و لازم تتعمل كل يوم

[tamerosman]

من فضلكم يعنى ايه فوطة زفرة ؟ هل المقصود الفوطة الشمواه الى ببتباع عند كارفور ؟

[Screenplays]

الفوطه الصفرا ام 2 جنيه بتتسمي زفره من كتر التراب اللي عليها

[HOSSAM99]

من فضلكم يعنى ايه فوطة زفرة ؟ هل المقصود الفوطة الشمواه الى ببتباع عند كارفور ؟

الفوطه الصفرا ام 2 جنيه بتتسمي زفره من كتر التراب اللي عليها

الفوطه الزفره دي بتبقي قطعة قماش متغرقه زيت و جاز و كل ما لز و طاب و بتلاقي اللي بيمسح بها مش طايق يلمسها و ماسكها بكيس بلاستيك
بتبقي سوده كده
دي ضررها أكبر من نفعها
بتشيل طبقة حماية الدوكو (الورنيش )

[Screenplays]

شكرا علي التوضيح حسام باشا

[Ashraf_Ibrahim]

أستاذي ashraf_ibrahim أزي حضرتك
موضوع المواتير الجديده بتسخن أو مبتسخنش هو موضوع مختلف عليه إختلاف شديد
و مع التسليم بإنها مبتتسخنش
طب اللي لسه بيلن و خلوص أجزاء الموتور غير منضبطه و مش بالوسع الكافي لإنتشار الزيت في أجزاء الموتور نعمل أيه يبقي أعتقد المفروض نسخن العربيه علشان الزيت يوصل لجميع الاجزء

طبعا خلينا نتفق على ان الخلاف في الرأي لا يفسد للود قضية
واننا جميعا بنتناقش لأجل الوصول للمصلحة العامة للجميع يعني مش مسألة ظهور في الرأي او ما شابه
صديقي حسام
هتلاقي في مانيوال العربية مكتوب
تم تليين محركات هيونداي آليا أي أنها لا تحتاج لتليين ولكن لاستعمال أفضل وعمر أطول للمحرك اتبع هذه الاحتياطات للقيادة لأول ألفين كم
يعني الموتور متلين اساسا ولكن دي مجرد احتياطات عشان تظبط الموتور ليس الا ففترة التسخين لا اعتقد انها هتزيد اوي
ممكن يخليها دقيقة مثلا بحد أقصى
وربنا يكرم الجميع يا رب

[Screenplays]

بالنسبه لموضوع التسخين في العربيات الحديثه بيتم التسخين لمده 30 ثانيه علي الاكثر و خلاص عقبال ما تربط حزامك و تعدل مراياتك اما العربيات القديمه لازم تسخن 5 دقايق علي الاقل