مشكلة فى تشغيل الالنترا و النقلات

[ahmad_luca]

يا جماعه انا عندى النترا اوتوماتيك 2007
المشاكل دى ظهرت بعد اما رجعت بيها من سفر
بقالها تلت ايام باجى ادورها بتطول فل الدوران اوى و ممكن ما تدورش ابطل و اجى ادور بعدها بكام ثانيه تدور على طول بسلاسه
يعنى اول محاوله بتطول و تانى مره بعدها مباشره بتشتغل على طول
و دا كل مره اجى اشغلها تفس الكلام يعنى كل اما اجى اخرج بشغلها على مرتين
ما اشكش انها بطاريه لانها بتدور تانى مرة بسلاسه جدا بالاضافى الانوار والكاسيت وكل حاجه مفهاش مشاكل
و البيجوهات متغيره مبقلهاش 6 او 7 تلاف كيلو

و تانى حاجه بدات تعك فل النقلات و هى اتوماتيك على ال d
يعنى من الاول للتانى مممكن تسقط فل النص و تاخر النقل و اما اجى اشد بتقطع فل النقل و الاربيى ام بيهنج ساعات فل النص
يعنى وانا ماشى عادى على 30 و هتنقل للتانى اوتو و انا ظاغط بنزين تقوم ماخره النقله ثانىتين مثلا والاربيى ام بيثبت
الكلام دا بيحصل قليل يعنى لو مشوار صغير بتهنج تلت اربع مرات
بس مقلقنى من العربيه


مشكله ايه دى ! وحد حصلو حاجه قريبه من دى طيب ؟

شكرا مقدما

[HOSSAM99]

إن شاء اللع خير
لكن حضرتك قولنا عمر البطاريه و آخر صيانه أتعمل فيها تغيير فلاتر و كشف كمبيوتر وتنظيف بوابه و أيدل
و هل فيه نتشه في الفتيس أو نقلات غير طبيعيه

[ahmad_luca]

إن شاء اللع خير
لكن حضرتك قولنا عمر البطاريه و آخر صيانه أتعمل فيها تغيير فلاتر و كشف كمبيوتر وتنظيف بوابه و أيدل
و هل فيه نتشه في الفتيس أو نقلات غير طبيعيه

فلتر البنزين و الهوا 62الف و هى عامله دلوقتى 68
و معملتش صيانه هوا تغير فلاتر بس
ومن 500 كيلو غيرت زيت و فلتر و حطتيط 3 لتر بس ناقص 0.3 لتر
اخر صيانه كانت 55 تقريبا
معتقدش كان فيه تنظيف بوابه او ايدل (انا معرفش يعنى ايه اصلا الحاجات دى) و معملتش كشف

و فيه نقلات ونتش فعلا بس قليل

طب لو كده ايه مركز صيانه كويس ؟ و عندو كشف كومبيوتر وكده

الف شكر يا استاذ حسام

[EslaM_NagY]

متأكد من ان قواطيش البطارية ماسكة 100 % ومش عاملة ملح ؟؟؟

[HOSSAM99]

العفو يا أستاذ أحمد

مقلتليش البطاريه بقالها كام سنه أو كام ألف كيلو
مهم جدا نعرفعا علشان لو العيب منها ميجيش حد يلعب في أي حاجه في العربيه و يسيب البطاريه و معظم نتشات الفتيس بتبقي يا إما بطاريه أو زيت و فلتر فتيس مبيتغيروش

المطلوب
عمر البطاريه
عمر زيت و فلتر الفتيس

[ahmad_luca]

متأكد من ان قواطيش البطارية ماسكة 100 % ومش عاملة ملح ؟؟؟

تمام انا بصيت عليها بردو اول حاجه
هى ماسكه كويس و مفيش اى املاح

العفو يا أستاذ أحمد

مقلتليش البطاريه بقالها كام سنه أو كام ألف كيلو
مهم جدا نعرفعا علشان لو العيب منها ميجيش حد يلعب في أي حاجه في العربيه و يسيب البطاريه و معظم نتشات الفتيس بتبقي يا إما بطاريه أو زيت و فلتر فتيس مبيتغيروش

المطلوب
عمر البطاريه
عمر زيت و فلتر الفتيس

عمر البطاريه ميعديش سنه و انا شبه واثق انو مش منها لان بتدور طبيعىمن تانى مره لو بطاريه وقت التشغيل بيزيد مع كل محاوله دا على حد على
بالاضافه انى مركب 4 سماعات 400 وات و جى ام 740 وات غير سماعات العربيه وبشغلهم و انا طافى و مفيش اى مشاكل

بالنسبه لزيت الفتيس و اول مره اعرف ان ليه فلتر متغيروش هى زى ما جايه من المصنع
وفى الكاتالوج مش مكتوب ان زيت الفتيس الاوتوماتيك بيتغير و بعدين انا كل فتره بشوفه هو شكلو نضيف يعنى و مش ناقص
هى العربيه ماشيه 69001 لسه ماشى حبه دلوقتى كنت بجربها
هوا واحد صاحبى ركب معايا و جربها بيقولى هى حاجه ليها علاقه مع البنزين طرونبه بنزين او حاجه كده او حبه توراب

انا حسيت ان كالامو صح ممكن النتشات دى مش نقلات
يعنى مثلا حاجه تاخير فدخول البنزين للموتور فعشان كده بيطول فل الدوران و اما ادورها بعدها على طول بتشتغل عادى جدا
والنتشات دى و التهنيجات مثلا بردو البنزين بيتاخر او فيى مشكله فل العربيه بتتجنن و بتنقل متاخر
الموضوع بيزيد مع الكبس على الدواسه بتقططع كتير و بتاخر النقل وكده

هو فل المشى الطبيعى بتعملها قليل اوى يعنى العربيه مش ماشيه تقطع يعنى كل 10 كليو امشيهم تقطع مرتين تلاتا غالبا مع الشد و الكبس

كل دا تخمينات
انا كده عايز اروح مركز صيانه يكشف على كهربت العربيه
و البزين و الكلام دا

[HOSSAM99]

مشكلة الغياب في الدواره تنحصر في الصيانه الدوريه و لازم حساس السلانسيه ستنضف و البوابه تتنضف و تتزيت

و موضوع غيار الزيت التوكيل بيغيره علي 40000 و لو طلبت تغيير فلتر بيغيروه

و لو الموضوع طلمبة بنزين بتسبب التقطيع ففي الغالب الطلمبه بتقطع خالص بدون سابق إنذار (بتتحرق) لكن في حالات معينه ممكن تقطع و تشتغل تاني لكن ماتدورش بسرعه لازم تهدا و بعد فتره ممكن تدور

أما النتشات اللي في الفتيس عايزين نفرق بين النتشه اللي هي بتمثل عطل و عدم سلاسه في النقل و بين النتشه المصاحبه للكيك داون لما بتدوس بنزين جامد و تلاقي العربيه بتعلي الأر بي أم و بتنقل متأخر و صوتها يعلي

النتشه الأولانيه تحسها علي الأر بي أم القليل يعني تلاقي العربيه بتنتش بين التاني و التالت مثلا علي أر بي أم واطي و نتشه بدون سبب
أما التانيه فبتكون بسبب إن السواقه أتحولت لنظام رياضي

فعند حضرتك مين في دول

[ahmad_luca]

مشكلة الغياب في الدواره تنحصر في الصيانه الدوريه و لازم حساس السلانسيه ستنضف و البوابه تتنضف و تتزيت

و موضوع غيار الزيت التوكيل بيغيره علي 40000 و لو طلبت تغيير فلتر بيغيروه

و لو الموضوع طلمبة بنزين بتسبب التقطيع ففي الغالب الطلمبه بتقطع خالص بدون سابق إنذار (بتتحرق) لكن في حالات معينه ممكن تقطع و تشتغل تاني لكن ماتدورش بسرعه لازم تهدا و بعد فتره ممكن تدور

أما النتشات اللي في الفتيس عايزين نفرق بين النتشه اللي هي بتمثل عطل و عدم سلاسه في النقل و بين النتشه المصاحبه للكيك داون لما بتدوس بنزين جامد و تلاقي العربيه بتعلي الأر بي أم و بتنقل متأخر و صوتها يعلي

النتشه الأولانيه تحسها علي الأر بي أم القليل يعني تلاقي العربيه بتنتش بين التاني و التالت مثلا علي أر بي أم واطي و نتشه بدون سبب
أما التانيه فبتكون بسبب إن السواقه أتحولت لنظام رياضي

فعند حضرتك مين في دول

اولا الف شكر على اهتمامك

ثانيا
انا عارف النتشه لما تتحول رياضى لانى بشد بيها اوقات
لا هى بتنتش واطى و عالى وكلو


دلوقتى انا لسا راجع من برا والعربيه بقت مقرفه بتنتش كتير اوى الموضوع مش فتيس ولا بطاريه
جربت على ال 2 و التالت والاول L وبردو بتنتش
اللى هو بضغط بنزين و فجاه بتقطع (اكنى شيلت رجلى ) ثانيه وترجع تدى بنزين تانى
وهكذا على جميع السرعات
انا حاسس ان الموضوع بنزين انا حطيط ب بعشرين جنيه 92 من بنزينا فل الطريق وانا مسافر حاسس كده انو 80 ولا حاجه
و دلوقتى التقطيع بيزيد لان التنك بيفضى علامه البنزين منوره دلوقتى لان الاتنك قرب يفضى ف التقطيع على ودنو

وهو مع الضغط الزياده على الدواسه بتقطع اكتر
مع الضغط الحنين اوى التقطيع بيكون قليل اوى اللى هوا معديش ال2000 rpm

فهو غالبا كده البنزين سيئ اوى ودا البواقى بتاعتو و هو ا سد حاجه جوا مثلا
فزى ما حضرتك بتقول حاجه عايزه تتنضف

دلوقتى هفرض ان البنزين كان وحش و اتسبب فى واساخه جوا الموتور
المفروض ايه بيتعمل و ايه بيتنضف ؟

يعنى انضف السلانسيه والبوابه ولا ايه ؟

يعنى دلوقتى عشان ابقى فاهم لو روحت لحد اقولو يعمل ايه
و اغير فلتر البنزين ؟ ولا لا ؟

و الف شكر
تعبك معايا والله

[HOSSAM99]

لا كده الكلام مختلف طالما مونت من بنزينه متعرفهاش و بالأخص علي الطريق ممكن يكون البنزين يا إما مغشوش أو فيه شوائب
يبقي العربيه تسبها تخلص بنزين و تمون و زجاجه تنضيف رشاشات من المحطه و خدها مشوار طوالي و ارفع أر بي إم علي قد ما تقدر لو تقدر تسوق علي الـ3 سوق و حط علبه المنظف علي نص تانك
إن شاء الله المشكله تتحل
و بعد كده لو مظبطش هاتبقي محتاجه تغير فلتر بنزين (أتمني إن حضرتك تغيره من دلوقتي )

تحت أمر حضرتك في أي إستفسار و الموضوع ده حصل مع معظم الناس

[elpasha1]

بص يا احمد بية
الحل يتلخص فى 3 حاجات
1) فلتر بنزين
2) منظف انجكشن
3) ان شاء الله مش هتوصل كدة طرمبة بنزين

[ahmad_luca]

بص يا احمد بية
الحل يتلخص فى 3 حاجات
1) فلتر بنزين
2) منظف انجكشن
3) ان شاء الله مش هتوصل كدة طرمبة بنزين

الف شكر يا باشا
بس هو ا منظف انجكشن دا اللى بينتحط مع البنزين ؟ فيه منو نوع معين او حاجه حلوه ؟

فيه حاجه تانيه تتنضف ؟

[ahmad_luca]

لا كده الكلام مختلف طالما مونت من بنزينه متعرفهاش و بالأخص علي الطريق ممكن يكون البنزين يا إما مغشوش أو فيه شوائب
يبقي العربيه تسبها تخلص بنزين و تمون و زجاجه تنضيف رشاشات من المحطه و خدها مشوار طوالي و ارفع أر بي إم علي قد ما تقدر لو تقدر تسوق علي الـ3 سوق و حط علبه المنظف علي نص تانك
إن شاء الله المشكله تتحل
و بعد كده لو مظبطش هاتبقي محتاجه تغير فلتر بنزين (أتمني إن حضرتك تغيره من دلوقتي )

تحت أمر حضرتك في أي إستفسار و الموضوع ده حصل مع معظم الناس

اغير الفلتر قبل ولا بعد المنظف ؟؟

يعنى دلوقتى اخلص التانك سهله دى (هو قرب يخلص ) ,, اشغله و اسيبها لحد اما تطفى و احطله لتر يمشها للبنزينه اللى جنب البيت المنظف دا اللى هوا بتاع الانجكش ؟

احطو على نص تانك ؟ هو بيبقى اد ايه ؟



يعنى بالترتيب احسن حاجه اعملها ايه ؟

اصل ممكن اجيب فلتر وافضى التانك وانا واقف قدام البيت و احط الفلتر الجديد وهى فاضيه تماما و احطله اى حبه بنزين يوصلونى للبنزينه اللى جنبى ؟ و احط المنظف وربنا يستر ؟

[ahmad_luca]

و خدها مشوار طوالي و ارفع أر بي إم علي قد ما تقدر لو تقدر تسوق علي الـ3 سوق

احب انا النصايح الحلوه دى
دا انا ها اجرى للصبح
ادام فى مصلحه العربيه :e_braces[1]:

تحت أمر حضرتك في أي إستفسار و الموضوع ده حصل مع معظم الناس

الله يخليك لينا يا استاذ حسام

[HOSSAM99]

بالترتيب
1_سم الله
2_العربيه تكون منوره لمبة البنزين و علي الـe
3_التوجه لمحطة البنزين
4_شراء زجاجة تنظيف رشاشات من محطة البنزين
5_تمون 25 ليتر بنزين
6_تفضي علبة المنظف في التانك
7_تتوكل علي الله و تطلع بالعربيه مشوار طوالي و تشد بالعربيه يعني إشتغل بالـl و الـ2 و الـ3 و تخلي العربيه ترفع أر بي أم
طبعا لو حضرتك تقدر تخلص كميه كبيره من البنزين يبقي تمام علي قد ما تقدر
8_تفول تفويله محترمه من محطة بنزين موثوق بها
بالتوفيق
و في إنتظار النتيجه إن شاء الله
كل ما ذكرته جربته قبل كده مش أقتراحات

[HOSSAM99]

الله يخليك لينا يا استاذ حسام

يا فندم أنا تحت أمرك
أهم حاجه إننا نوصل لحل إن شاء الله