ارجوكم الافادة سريعا-عن الماتركس

[ashraf122]

السلام عليكم انا مقتنع تماما بالمتركس انها عربية كويسة و ان شاء اللة حنزل احجزها بكرة بس يا جماعة التافيل التركى كويس يعنى اتكل على اللة واية حكاية ان التوكيل حرامى انا مرة واحدة فقط اتعملت معاهم فى عربيى اكسيل هما مش حرامية بس عايزين يعملوا شغل

ارجو الافادة من الاخوة اللى اشتروا 2008 او سمعوا عنها هل فية شكاوى منها

[theking2690]

اتوكل على الله يا باشا العربيه معايا بقالها شهرين شغاله زى الفل الحمدلله مافيش مشاكل وبعدين لو حبيت تستفسر عن اى حاجه للماتريكس فى موضوع مخصص لكده

[bassam nagy]

الف مبروك مقدما
وماتقلقش ان شاء الله هاتعجبك

[ashraf122]

صباح الخير يا جماعة انا حستلم العربية كمان ساعتين ، اتكل على الله ولا اخلع و كمان لاحظت ان الانذار معلق من اولها لانى شوفت العربية امبارح و قالولى ان الفيوذات مش متركبة كويس و حيوضبوا كل حاجة

ممكن اراجع معاكوا العربية

1-استبن 2-كوريك 3-كتيب العربية 4-مفتاح العجل و مفك و ذراع الكوريك
5-ريموت الانذار لوحدة مش مع المفتاح
6-المشكلة انى مش لاقى الاريل

[bassam nagy]

مش عارف
اقوللك مبروك ولا لسة ماستلمتش
عمتا الاريال وولعة السجاير وبص على الفوجات والكاتالوج
والف مبروك مقدما وربنا يباركللك فيها ويكفيك شرها
ولو محتاج اى حاجة فى الموضوع دة فى كل شى عن الماتريكس

http://www.nilemotors.net/Nile/showthread.php?t=21142&page=13

[ashraf122]

يا باشا ربنا يخليك انا خلاص استلامتها امبارح و كل شئ كامل و الحمد الله صحيح انا لسة مسوقتهاش كتير بس واضح انها عربية ممتازة

[COLDMAN]

لا توكل على الله انا معايا 2008 من شهر 2 وعاملة 10000 كيلو وزي الفل التركي زي الكوري ولا تفرق ،، مبروك مقدما ،،اما بالنسبة للتوكيل هوا فعلا زبالة جدا ،، بس ربنا يعينك