سعر هيونداي جيتز 2011

[MoMaDoW]

السلام عليكم..
كل رمضان وانتم الى الله أقرب..
شباب أنا باشتري عربية في حدود من 70 لـ 90 ألف واستقريت كده من يومين على الجيتز.. شفتها عند أبو غالي داون تاون اسكندرية.. اداني سعر للاوتوماتيك من غير فتحة سقف 89000 وفتحة السقف تزيد 2000 والمانيوال قال تمنها 85000

المشكلة في حاجتين:

1) دي نفس أسعار مواقع الانترنت اللي هي طبيعي بتكون أغلى من السوق من 2000 لـ 4000 جنيه

2)الحاجة التانية انه خوفني من المعارض الصغيرة اللي اسمها مش معروف.. وفال انهمبيكونوا ارخص لانهم بيفكوا حاجات اوريجينال من العربية و بيركبوا حاجات تانية (مرايات مثلا - كاسيت - حاجات زي دي) و بالتالي هم بيكونوا كسبانين اكتر من الخصم اللي هم بيكونوا عاملينه والرخص بتاعهم عن المعارض الكبيرة (ابو غالي - الطارق - ...)

محتاج حد يقولي اعمل ايه؟ وايه سعر الجيتز المناسب.. اللي لما اشتريه بيه ما يكونش انضحك عليا.. يعني مثلا في على المنتدى بنت اشترت بيكانتو خليجي اوتوماتيك بـ 78000 وهي عندنا في المنصورة بـ 84000.. فاهمين قصدي ايه؟

رجاء المساعدة..

اخيرا لو حد عنده ملاحظة على العربية في حد ذاتها كاختيار يا ريت يفيدني (غير ان التوكيل سئ لان دي سمعتها كتيييييييير اوي.. وان كنت برده عايز اعرف سئ من اي نوع؟؟ مواعيد؟ اسعار؟ اهمال؟ عدم فهم؟ بيبوظوا العربية؟ ارجو الافادة)


شكراً مقدماً

[Screenplays]

اشتريها من التوكيل مباشره او من موزع معتمد و بالنسبه للعربيه هي مفيهاش مشاكل بس هي مش منتشره اوي فمش هتعرف تبيعها بسهوله بعد كده و قطع غيارها مش هتبقي متوافره اوي بره التوكيل و بالنسبه للتوكيل في فروع زحمه زي ابو رواش مثلا بتبقي الخدمه فيها سيئه فممكن تشوف فرع رايق تعمل فيه الصيانات الدوريه

[MoMaDoW]

شكراً يا ريس على المعلومة.. بس انت لو مكاني تجيبها هي ولا الكيا ريو؟ أسمع ان الكيا توكيلها ممتاز..

[Screenplays]

الريو مشوفتهاش ماشيه في الشارع خالص و واضح ان مبيعاتها في الارض و فعلا توكيل كيا من افضل التوكيلات في مصر و لو معندكش مشكله مع العربيات الصغيره ممكن تشتري البيكانتو و بالمناسبه الجيتز اتوقف انتاجها خلاص

[MoMaDoW]

شكراً يا ريس.. بالنسبة للريو.. بس انا محتاج اعرف ده هيأثر عليا في ايه بالضبط؟ يعني سعر قطع الغيار مرتفع و غير موجودة غير في التوكيل؟ لانها قليلة؟ هل مثلا هيأثر على سعر البيع لما اجي ابيع؟ ولا كل الكيا بيتباع بسعر كويس؟ الكيا البيكانتو الجديدة غالية اوي بالنسبة للريو.. ب حوالي 80000 الكاملة اوتوماتيك.. والريو ب حوالي 80000 كاملة مانيوال.. بس كاملة كاملة.. سي دي - ام بي 3 - مرايات كهربا - كل اوبشنز الاوتوماتيك موجودة في المانيوال مش سايبيبن ولا اوبشن.. والكلام على عهدة موقع كيا ايجيبت..

يعني برده لو قدامي الجيتز 1600 مانيوال - والبيكانتو 1250 اوتوماتيك خليجي - والريو 1400 مانيوال.. وكلهم ب 80000 جنيه.. اجيب مين فيهم؟ شكراً

[Screenplays]

يعني سعر قطع الغيار مرتفع و غير موجودة غير في التوكيل؟ لانها قليلة؟ هل مثلا هيأثر على سعر البيع لما اجي ابيع؟

الاجابه نعم للاسئله دي

ولا كل الكيا بيتباع بسعر كويس؟

لا طبعا

اجيب مين فيهم؟

متدخلش في مقارنات عشان متتعبش نفسيا و حضرتك عارف الشعب المصري بيحب الفتي قد عينيه فطالما مستريح للجيتز و هي اصلا مفيهاش مشاكل معينه يبقي توكل علي الله بس انا وضحت لحضرتك ان انتاجها اتوقف عشان تعرف الموقف من اعاده البيع و قطع الغيار

[MoMaDoW]

شكراً يا باشا.. حضرتك كنت خير عون.. انشاء الله لما اشتري هابقى زائر دائم.. بس اتقديم النصائح والاجابة عن الاسئلة.. :-) My user review

[Screenplays]

1000 مبروك مقدما يا فندم

[engtmk]

اشتريها من التوكيل مباشره او من موزع معتمد و بالنسبه للعربيه هي مفيهاش مشاكل بس هي مش منتشره اوي فمش هتعرف تبيعها بسهوله بعد كده و قطع غيارها مش هتبقي متوافره اوي بره التوكيل و بالنسبه للتوكيل في فروع زحمه زي ابو رواش مثلا بتبقي الخدمه فيها سيئه فممكن تشوف فرع رايق تعمل فيه الصيانات الدوريه

انا كنت عند غبور ولقيتهم بيقولو ا للناس مفيش جيتز عندهم ولا ماتريكس مش هيستوردوهم تاني


فالجيتز حاليا مش هتكون موجوده عند الوكيل

[ashouhdy]

رأيى لا دى ولا دى هات الجين2

[MoMaDoW]

انا عارف انكم هاتقولوا عليا مذبذب

شكرا يا جماعة والله.. تعبتكم معايا.. انا حاليا مستقر على الصني.. وبادور على احسن سعر لان السبع مغلي 2000 عن السعر الرسمي.. اللي هو 87000 ... وال abs + ebd بيزيد كمان 3000 ... يعني توتو على كبوته.. 94000 كاملة مانيوال مع abs ومعاها هدية دفتر شيكات ب 1000 جنيه للصيانة.. فلو حد عنده سعر احسن احسن من كده يبقى 100 100

[Screenplays]

انا كنت عند غبور ولقيتهم بيقولو ا للناس مفيش جيتز عندهم ولا ماتريكس مش هيستوردوهم تاني

فالجيتز حاليا مش هتكون موجوده عند الوكيل

حتي الماتريكس ؟

[ahmad_luca]

الريو مشوفتهاش ماشيه في الشارع خالص و واضح ان مبيعاتها في الارض و فعلا توكيل كيا من افضل التوكيلات في مصر و لو معندكش مشكله مع العربيات الصغيره ممكن تشتري البيكانتو و بالمناسبه الجيتز اتوقف انتاجها خلاص

اشتريها من التوكيل مباشره او من موزع معتمد و بالنسبه للعربيه هي مفيهاش مشاكل بس هي مش منتشره اوي فمش هتعرف تبيعها بسهوله بعد كده و قطع غيارها مش هتبقي متوافره اوي بره التوكيل

هى مش متوفره لو هتقارن بفيرنا او لانوس
لكن ك هاتشبك و كاهيونداى متوفره جدا و بعدين دا فل الاكسيسوريس بس فونيس و ابواب و مرايات و و و ممكن متكونش اوى لكن موجوده و بعدين ممكن تنزل تسال عن الفواتيس و الاسعار فل التوفيقه او فدمشق او فاى بنزينه عن قطع غيار العربيه اللى حاببها ابل ما تشترى
لكن متور وفلاتر و و و كلو الهينوداى متوفر موتورها نفس الفيرنا تقريبا او النيو اكسنت فهتلاقى قطع متوفره

و بالنسبه للتوكيل في فروع زحمه زي ابو رواش مثلا بتبقي الخدمه فيها سيئه فممكن تشوف فرع رايق تعمل فيه الصيانات الدوريه

الاجابه نعم للاسئله دي

لا طبعا

متدخلش في مقارنات عشان متتعبش نفسيا و حضرتك عارف الشعب المصري بيحب الفتي قد عينيه فطالما مستريح للجيتز و هي اصلا مفيهاش مشاكل معينه يبقي توكل علي الله بس انا وضحت لحضرتك ان انتاجها اتوقف عشان تعرف الموقف من اعاده البيع و قطع الغيار

رأيى لا دى ولا دى هات الجين2

انا اوويد هذا الراى كعربيه مش كا قطع غيار

شكرا يا جماعة والله.. تعبتكم معايا.. انا حاليا مستقر على الصني..
الصنى عربيه محترمه جدا انا عندى 2007 اوتو بس حضرتك يستحسن تكون ركبتها و جربتها عشان صوتها عالى شويا على السريع و اما بتحرق بس كاخامات تعيششششششش
و موتور محترم بس بنزينو كتير
بس فل السعر دا هى تقريبا احسن حاجه
يعنى تقريبا اوبترا و جين تو و اكسنت ار بى دا المنتشر


حضرتك خد راى نفسك اولا
بس انا شايف انو احسن تركب اى عربيه قبل ماتشتريها وتجربها (عربيه حد تعرفو او كده )

نصيحتى

اكسنت ار بى واسال حد جابها ( انا بشجع اى هيواندى )
صنى ( عندى و عربيه محترمه جدا )
جبن تو ( سمعتها حلوه اوى , اكسسوره مش متوفر غير طبعا فل التوكيل (كنت بفكر اجبيها ونزلت اسال فل التوفيقيه كانت موجوده قليل مش زى الهيونداى او النيسان ا و واوواو )
اوبترا (عفشتها ناشفه بس كبيره )
جتز (لو شاب صغير و نفسك تسابق غير كده مش عمليه زيها زى البيكانتو و البونتو بس قطع غيار ارخض )

و مفيش ولا عربيه فى السعر اللى هتدفعو وحشه كلها عربيات محترمه و منتشره و كويسه يعنى فى اى حال مش هتندم ان شاء الله على اى اختيار فمتترددش وربنا يوفقك

وبادور على احسن سعر لان السبع مغلي 2000 عن السعر الرسمي.. اللي هو 87000 ... وال abs + ebd بيزيد كمان 3000 ... يعني توتو على كبوته.. 94000 كاملة مانيوال مع abs ومعاها هدية دفتر شيكات ب 1000 جنيه للصيانة.. فلو حد عنده سعر احسن احسن من كده يبقى 100 100

لو تتطلع لل100 و سيراتو او النترا القديمه يبقى دا الصح
لو لا مفيش اى مشاكل و كلها عربيات اصلا باربع عجل

انا كنت جايب الصنى من السبع
بس ماكنتش غاليه عن السعر الرسمى شوف اى معرض يكون مشهور لو هيبع بسعر عادى و توكل على الله
المصريه او اوتو سمير ريان مثلا و بعدين فاصل مع السبع بردو شوف اخرو كام قلو هى سعرها كده و اخدها بالسعر الرسمى

بالتوفيق ورمضان كريم

[Screenplays]

هى مش متوفره لو هتقارن بفيرنا او لانوس
لكن ك هاتشبك و كاهيونداى متوفره جدا و بعدين دا فل الاكسيسوريس بس فونيس و ابواب و مرايات و و و ممكن متكونش اوى لكن موجوده و بعدين ممكن تنزل تسال عن الفواتيس و الاسعار فل التوفيقه او فدمشق او فاى بنزينه عن قطع غيار العربيه اللى حاببها ابل ما تشترى
لكن متور وفلاتر و و و كلو الهينوداى متوفر موتورها نفس الفيرنا تقريبا او النيو اكسنت فهتلاقى قطع متوفره

+1111111111

[MoMaDoW]

شكراً احمد 290 .. معلومات مفيدة جدا.. شكرا لكل الشباب.. انا استفدت جدا من كل اللي قلتوه..