باركولى ... اشتريت هيونداى اكسينت 1999

[momo100010]

السلام عليكم ورحمة الله وبركاته
الاخوة الكرام
انا اشتريت الحمد لله تعالى هيونداى اكسينت 1999 1500 كاملة مانيوال
انا كنت بدور على عربية من حوالى اكتر من 7 شهور بعد ما بيعت ال 131
والثورة جت وخلصت ورحت وجيت ولفيت
لحد الحمد لله ما جه نصيبي على العربية دى
انا اشتريتها من قريب ليا
العربية هو يعتبر تانى يد
وانا ان شاء الله تالت يد
وهو اصلا واخدها من صاحبه
يعني ان شاء الله بيتي
هو بس كان عمل بيها حادثة
استعدل فيها الجزء الايمن من الحوض دون المساس بالقوايم
وظبطها الحمد لله
ورش الحوض
انا خلصت فيها معاه على 27500

ايه رأيكوا حلوة ولا غاليه كده

مع الوضع ف الاعتبار :
العفشة ممتازة ومجددة بالكامل
الموتور لسه عامل له طقم شنبر
جميع كمايليات العربية تعمل بكفاءة تامة ( تكييف تلاجة - باور - سنتر - ازاز كهربا امامى - ايريال كهربا )
الحالة الداخلية للعربية (الصالون - الفرش - جميع العدادات- التابلوه - الخ) تعتبر ممتازة
الحالة الخارجية بعد الرش وتظبيط الشكل جيد جدا
4 فرد كاوتش جديد
بطارية جديدة
انا هصورها ان شاء الله خلال ايام وهحط الصور



واخيرا كل سنة وانتوا طيبين
ورمضان كريم

[HOSSAM99]

الف مبروك علي حضرتك
و طالما الكماليات شغالة يبقي تمام حافظ عليها و ربنا يحميها إن شاء الله
الف مبروك و بالتوفيق

[momo100010]

الف مبروك علي حضرتك
و طالما الكماليات شغالة يبقي تمام حافظ عليها و ربنا يحميها إن شاء الله
الف مبروك و بالتوفيق

استاذ hossam99 بنفسه ؟
لا لا لا لا
دا كتير عليا اوى يا باشا
الله يبارك فيك
بس برده مقلتليش كده كتير شوية ولا ايه؟

[HOSSAM99]

استاذ hossam99 بنفسه ؟
لا لا لا لا
دا كتير عليا اوى يا باشا
الله يبارك فيك
بس برده مقلتليش كده كتير شوية ولا ايه؟

ربنا يخليك يا فندم
السعر جميل و ربنا يبارك لحضرتك فيها
و أهتم بها
و بالتوفيق إن شاء الله

[Screenplays]

مكنتش تاخدها عشان موضوع رش الحوض ده لان لما حضرتك تحب تغير هتخسر كتير

[momo100010]

مكنتش تاخدها عشان موضوع رش الحوض ده لان لما حضرتك تحب تغير هتخسر كتير

انا عارف يا باشا انه هيؤثر ف البيع طبعا
ولكن انا مبفكرش ابيع خالص
على الالقل ف ال 5 سنوات الحالية
لكن هخسر ايه ؟
يعني لو هيونداى اكسنت 99 كاملة بحالة ممتازة وراشة حوض نتيجة حادثة
حاليا تتباع بكام ؟

[Screenplays]

يعني زود 11 بواكي علي السعر اللي خلصت بيه

[Ashraf_Ibrahim]

ألف ألف ألف مليون مبروك
انسى سعر العربية وافرح بعربيتك
ربنا يحفظهالك يا رب ويباركلك فيها ويحميك من شرها يا رب
اللهم آمين

[Hacker5]

موضوع رش الحوض مش مشكلة لان فيه عربيات زيرو واقفة فى معارض رشة دواخل و مغيره سقف كمان و اللى هايشتريها هايشربها
ايه اللى يضمنلك ان العربية الزيرو اللى حضرتك رايح تشتريها ماتكونش رشة ؟

[Screenplays]

ممكن برضه و ده راجع لانعدام الضمير

[megamoudy]

ألف مبروك لحضرتك .......... بس معلش هو حضرتك جايبها ب 27 ولا 37

[احمد فهمى]

سعر هايل حتى وهى راشه حوض

[momo100010]

ألف ألف ألف مليون مبروك
انسى سعر العربية وافرح بعربيتك
ربنا يحفظهالك يا رب ويباركلك فيها ويحميك من شرها يا رب
اللهم آمين

ربنا يخليك يا باشا
اللهم امين

سعر هايل حتى وهى راشه حوض

ربنا يخليك
اتفضلها:)

موضوع رش الحوض مش مشكلة لان فيه عربيات زيرو واقفة فى معارض رشة دواخل و مغيره سقف كمان و اللى هايشتريها هايشربها
ايه اللى يضمنلك ان العربية الزيرو اللى حضرتك رايح تشتريها ماتكونش رشة ؟

كلام منطقى جدا
وانا كمان لما جيت افكر ف موضوع رشة الحوض دي فكرت انها عربية ماشية بقالها 12 :13 سنة ف شوارع مصر

ألف مبروك لحضرتك .......... بس معلش هو حضرتك جايبها ب 27 ولا 37

لا 27.000 يا باشا
سبعة وعشرون الف جنيه مصري ان شاء الله

[ahmedbasto]

alf mabroook

[ahmedzizo131]

بسم الله الرحمن الرحيم
اولا : الف الف مبروك و ربنا يكفيك شرها يا رب
ثانيا : موضوع رشة حوض دة يقلق
عموما جربها فى الجرى و الملفات و ظبط الزاويا