ارجو الافادة ضرورى للالنترا الشكل القديم 2011

[DidoDraw]

بعد اذن الاعضاء الكرام

انا عربيتى دلوقتى عامله 5000 ورايح ان شاء الله اعمل الصيانة بس انا لاحظت حاجه غريبة

معرفش هيا حاجة عادية ولا عيب ولا ايه وانا مثلا ماشى على الغيار الاول او الثانى وى الا ار بى ام مثلا على 2.5 او 3

بحس فى الدواسة بتاعت الدبرياج برعشة شديدة عاملة زى الفايبوريشن الموضوع ده بحس بيه وانا يدوب مشعر رجلى

على دواسه الدبرياج يعنى انا مش دايس عليها لا انا بس يدوب مريح رجلى تشعيره مش دايس عليها جامد

ياتره ده بيكون ايه ارجوء الافاده

[Screenplays]

يدوب مريح رجلى تشعيره مش دايس عليها جامد

الفعل ده في حد ذاته غلط يا تدوس علي الدبرياج للاخر يا متدوسش خالص و غالبا طقم الدبرياج محتاج تغيير و بتحصل عادي جدا و هي ماشيه قليل كده بس هل بيحصل كده و حضرتك دايس دبرياج علي الاخر ؟

[DidoDraw]

الفعل ده في حد ذاته غلط يا تدوس علي الدبرياج للاخر يا متدوسش خالص و غالبا طقم الدبرياج محتاج تغيير و بتحصل عادي جدا و هي ماشيه قليل كده بس هل بيحصل كده و حضرتك دايس دبرياج علي الاخر ؟

لا لا اطلاقا هيا بتحصل بس وانا يدوب رجلى لمسة الدواسة بتاعت الدبرياج

وبعد اذنك سؤال لو فعلا طقم الدبرياج محتاج تغير هل ده شىء عادى ولا ايه ومثلا سعره ف التوكيل وانا بعمل الصيانه هيكون ف رنج كام .... ؟

[TAMERHASSAN]

انا حصلتلى اول مجبت الفيرنا في فتره التلين وبعد كده قلت خالص واعتقد ده العادي بتاع الهيونداي

[DidoDraw]

انا حصلتلى اول مجبت الفيرنا في فتره التلين وبعد كده قلت خالص واعتقد ده العادي بتاع الهيونداي

مش فاهم قصد حضرتك ايه ممكن توضح لى

[Screenplays]

لا لا اطلاقا هيا بتحصل بس وانا يدوب رجلى لمسة الدواسة بتاعت الدبرياج

وبعد اذنك سؤال لو فعلا طقم الدبرياج محتاج تغير هل ده شىء عادى ولا ايه ومثلا سعره ف التوكيل وانا بعمل الصيانه هيكون ف رنج كام .... ؟

لو محتاج تغيير هيتغير في الضمان ده المفروض بس سؤال برضه هل الفتيس بيعلق مثلا او السحب مش تمام ؟

[HOSSAM99]

رجلااااااااااااااااااش دواسة الديبريااااااااااااج
هاتلاقيها بتختفي بعد كل صيانه و تظهر قبل ميعاد الصيانات
لكن المره الجايه في الصيانه
قول للمهندس و أكد عليه يرجلش مسمار دواسة الديبرياج
كل سنة و حضرتك طيب

[DidoDraw]

لو محتاج تغيير هيتغير في الضمان ده المفروض بس سؤال برضه هل الفتيس بيعلق مثلا او السحب مش تمام ؟

بحس اما بدى الغيار بيكون تقيل مش خفيف وبحس بصراحه السحب مش كويس

[Screenplays]

يبقي اسطوانه دبرياج و ان شاء الله تتغير في الضمان

[DidoDraw]

يبقي اسطوانه دبرياج و ان شاء الله تتغير في الضمان

هيا اسطوانة الدبرياج حاجة غير الديسك والاسطوانة ....؟

[HOSSAM99]

ممكن بعد إذن أستاذ DidoDraw
تقول لي
هل العربيه بترجرج من حضرتك في أول الطلعه علي الغيار الأول
هل حضرتك العربيه بتلاقيها تقيله مبتطلعش مطالع مثلا أو كباري
هل دواسة الديبرياج بقت ناشفه و محجره
هل العربيه بتسخن بتشم ريحة إحتراق من حوض العربيه (ريحة كاوتش أو بلاستيك محروق)
هل فيه أصوات بتظهر أثناء الدوس علي الديبرياج و ترك الديبرياج يعني هل فيه صوت في التعشيق و فك التعشيق

[DidoDraw]

ممكن بعد إذن أستاذ didodraw
تقول لي
هل العربيه بترجرج من حضرتك في أول الطلعه علي الغيار الأول
هل حضرتك العربيه بتلاقيها تقيله مبتطلعش مطالع مثلا أو كباري
هل دواسة الديبرياج بقت ناشفه و محجره
هل العربيه بتسخن بتشم ريحة إحتراق من حوض العربيه (ريحة كاوتش أو بلاستيك محروق)
هل فيه أصوات بتظهر أثناء الدوس علي الديبرياج و ترك الديبرياج يعني هل فيه صوت في التعشيق و فك التعشيق

ولا حاجه من ال حضرتك ذكرتها موجوده هو كل ال موجود انى وانا على الاول او الغيار الثانى بلمس رجلى على دواسة الدبرياج بحس برعشة زى الفايبوريشن معرفش اذا كان ده عادى ولا ايه لانى لسه واخد بالى منها اليومين دول

وحاجة تانى بصراحه بحس وانا بحمل على الغيار بحس ان العربيه خشنة مثلا وانا ايدى على الفتيس وانا بحمل على الغيار بحس برضة برعشة زى الفايبورشن بس الكلام ده بعد ما الار بى ام بيعدى 3 معرفش برضه ده طبيعى ولا لا

[Screenplays]

اه الديسك حاجه و الاسطوانه حاجه تانيه مع ان المسمي واحد بس هما قطعتين فعلا

[Screenplays]

سعر طقم الدبرياج هيكون في حدود 700 الي 800 جنيه و المفروض يتغير مجانا طالما حضرتك لسه في الضمان و العربيه لسه ممشتش اصلا

[HOSSAM99]

يبقي اسطوانه دبرياج و ان شاء الله تتغير في الضمان

ولا حاجه من ال حضرتك ذكرتها موجوده هو كل ال موجود انى وانا على الاول او الغيار الثانى بلمس رجلى على دواسة الدبرياج بحس برعشة زى الفايبوريشن معرفش اذا كان ده عادى ولا ايه لانى لسه واخد بالى منها اليومين دول

وحاجة تانى بصراحه بحس وانا بحمل على الغيار بحس ان العربيه خشنة مثلا وانا ايدى على الفتيس وانا بحمل على الغيار بحس برضة برعشة زى الفايبورشن بس الكلام ده بعد ما الار بى ام بيعدى 3 معرفش برضه ده طبيعى ولا لا

عربية حضرتك مفيهاش حاجه
أعمل الصيانه و خلي المهندس يراجع عليها و يربط دواسة الديبرياج و يزيتها
و يا ريت تبقي تطمنا عملت أيه