نصيحة عن السواقة الاوتوماتيك

[Mostafa.Ismail]

فى بعض العربيات:
1- العربية مش هتدور الا لو كان الفتيس على n (المور) او p
2- لازم دوسة فرامل لتحريك عصا الفتيس اذا كانت فى الوضع p
3- انا عن نفسى بجيب n ساعات وانا ماشى على d العكس من غير مدوس فرامل ومش مكتوب انو غلط فى المانوال بتاعى وعمرى مقريتها
فى اى موقع او موضوع بالرغم من كدة فى ناس كتير بتقول انة غلط ... فبلاش منة.

مش فاكر اية تانى :)

[Nanona2011]

فى بعض العربيات:
1- العربية مش هتدور الا لو كان الفتيس على n (المور) او p
2- لازم دوسة فرامل لتحريك عصا الفتيس اذا كانت فى الوضع p
3- انا عن نفسى بجيب n ساعات وانا ماشى على d العكس من غير مدوس فرامل ومش مكتوب انو غلط فى المانوال بتاعى وعمرى مقريتها
فى اى موقع او موضوع بالرغم من كدة فى ناس كتير بتقول انة غلط ... فبلاش منة.

مش فاكر اية تانى :)

اها
كلام حضرتك مظبوط بس مش عارفة دي النيسان ولا التيريوس المهم انا مش عارفة الالينترا اي نظامها بالنسبة للاخت الي بتسال بس هتجربي وهتعرفي عربيتك هي انهي نوع ولو الموتور مدارش على ال d بسيطة هاتي n او p بس لو هي بتدور على ال d بلاش تدوريها على بي او ان علشان تحافظي على الفتيس

[Nanona2011]

فى بعض العربيات:
1- العربية مش هتدور الا لو كان الفتيس على n (المور) او p
2- لازم دوسة فرامل لتحريك عصا الفتيس اذا كانت فى الوضع p
3- انا عن نفسى بجيب n ساعات وانا ماشى على d العكس من غير مدوس فرامل ومش مكتوب انو غلط فى المانوال بتاعى وعمرى مقريتها
فى اى موقع او موضوع بالرغم من كدة فى ناس كتير بتقول انة غلط ... فبلاش منة.

مش فاكر اية تانى :)

بس سؤال حضرتك بتجيب ال n ليه وانت سايق؟ اذا كانت ال d هي علامة الحركة؟
كده حضرتك بتوقفها وانت ماشي؟؟؟؟؟؟

[badmood]

بس سؤال حضرتك بتجيب ال n ليه وانت سايق؟ اذا كانت ال d هي علامة الحركة؟
كده حضرتك بتوقفها وانت ماشي؟؟؟؟؟؟

لأ مش بتقف
انا كنت بعملها كتير الحركه دي قبل كده
الفكره ان العربيه بتبقي ماشيه علي ال "دي" عادي و انت مثلا داخل علي اشاره وهتقف فيها وعارف انك كده كده هتجيب ال " إن" لما تقف - اللي بيحصل كالاتي
ماشي علي ال دي و داخل عالاشاره بتجيب علي ال إن - من غير فرامل - العربيه هتفضل ماشيه بالقصور الذاتي - من غير بنزين - وبعد شويه ضغيرين هتقف لوحدها من غير ما تبطل - يا ام انت بتفرمل عادي لو هي موقفتش

مثال اكثر بساطه:
لو راكب عجله وبتبدل هتفضل ماشي - ولو عملت فرامل العجله هتقف
طيب لو بتبدل و بطلت تبدل من غير ما تعمل فرمل
العجله هتفضل ماشيه لحد ما تقف لوحدها او انت اللي توقفها

[Donzi]

و خلي بالك ان ايدك اليمين هاتكون متعودة على نقل الفتيس فخلي بالك انك لما تبقي خلاص على الd و سايقة تشيلي ايدك من على الفتيس عشان ماتنسيش و تنقلي نقلة غلط لا قدر الله

و دا في الاول بس لحد ما تتعودي و كمان عودي نفسك تشوفي انت نقلتي على ايه من الشاشة الديجيتال اللي قدامك في التابلوه بين العدادات يعني لما تيجي تنقلي الفتيس مش لازم تعدي تبصي عليه و انتي بتنقلي و خلي دايما عينك لقدام لحد ما تحفظي ترتيب النقلات و هاتلاقي نفسك بعد كدا بتنقلي تلقائي من غير ما تبصي في اي حاجة اصلا

مبروك العربية و ربنا يديكي خيرها و يكفيكي شرها ان شاء الله

[Screenplays]

نصيحه برضه محدش يغير ال d الي ال n و العربيه ماشيه نهائي لان كده بيبهدل في الفتيس

[M.Mokhtar]

اها
كلام حضرتك مظبوط بس مش عارفة دي النيسان ولا التيريوس المهم انا مش عارفة الالينترا اي نظامها بالنسبة للاخت الي بتسال بس هتجربي وهتعرفي عربيتك هي انهي نوع ولو الموتور مدارش على ال d بسيطة هاتي n او p بس لو هي بتدور على ال d بلاش تدوريها على بي او ان علشان تحافظي على الفتيس:b4_556:

جميع انواع السيارت لو اوتوماتك مش بتدور وهى على ال d الا لو مشط فيشه الفتيس بايظ والكهربائى لغاه خالص بكده هدور على اى حرف حتى لو r

الوضع الصحيح لتشغيل المحرك هو ال p ومفيش مانع لو دورتى على ال n
بعض العربيات اصلا مش بتديكى فرصه تشيلى المفتاح الا لو بطلتى العربيه وجبتى الفتيس على ال p وده لاسباب عديده من اهمها

1- العربيه ما تتحركش وهى راكنه
2- لو معاكى ريموت بيدور العربيه مادورش الا لو هى على وضع الوقوف (تخيلى كده لو دارت وهى على ال d هيحصل ايه؟ :) )

هذا والله أعلى وأعلم

[Mostafa.Ismail]

نصيحه برضه محدش يغير ال d الي ال n و العربيه ماشيه نهائي لان كده بيبهدل في الفتيس

حلو ... ممكن بقى مصدر المعلومة دى وياريت توضيح فنى اية اللى بيحصل بالظبط غلط والنتيجة بتكون بهدلة الفتيس؟

[إبراهيم المصرى]

اهم حاجه رجلى على الفرامل وبعد الدواره برضوه رجلى على الفرامل وامسك عصا الفتيس وانقل من البى الى الدى لما اكون عايز اتحرك الى الامام ورجلى لازم تكون على الفرامل علشان العربيه متتحركش وانا لسه مش مستعد وبعد ما استعد تماما للحركه اسيب فرامل حبه حبه والعربيه هتبتدى تتحرك ولما الاقى السكه سالكه وانا مستعد ابتدى ادوس على البنزين وطول منا ماشى مش بغير تانى وأتاكد ان رجلى الشمال بعيده وبيبقى معمول حساب مسند على الشمال خالص فى الدواسه نريح عليها الرجل الشمال علشان منستعملهاش خالص
انا بس حبيت اأكد على انه اثناء نقل الفتيس وانا واقف لازم أكون دايس على الفرامل
والف مبروك ربنا يديكى خيرها ويكفيكى شرها

[Screenplays]

حلو ... ممكن بقى مصدر المعلومة دى وياريت توضيح فنى اية اللى بيحصل بالظبط غلط والنتيجة بتكون بهدلة الفتيس؟

مصدر ايه ؟ دي حاجه معروفه جدا و بعدين لما تيجي تمور العربيه المانيوال بتعمل ايه ؟ بتدوس دبرياج طب هو فين الدبرياج ده في الاوتو ؟ مفيش و ده تفسيري الشخصي

[ahhe21]

فيه نصيحة واحدة
اول مرة سقت فيها اوتوماتيك كنت داخل علي مطب و لاني انا متعود علي المانيوال ، رجلي الشمال اتحركت تلقائيا عشان تضغط علي الدبرياش ( اللي مش وجود اصلا ) فضغطت علي دواسة الفرامل ( العريضة جدا في الاوتوماتيك )
طبعا اتفاجئت بصوت الفرامل و العربية كلبشت في الارض
و لولا ستر ربنا و الطريق ما كانش فيه حد ، كان اي حد ورايا لبس في شنطة العربية
علشان كده حاولي تركزي في عدم استخدام الرجل الشمال خالص حتي لو اضطريتي في الاول ترجعيها لورا او تتنيها تحت الرجل اليمين

انا مش عارف الحكاية دي ممكن تحصل مع حد تاني و لا لأ بس الاحتياط واجب

و ربنا يباركلك فيها و يكفيكي شرها

[Mohamed_Hamid]

ماشاء الله انا شايف ان السيدات موسوعة فى عالم الاوتوماتيك :)
مبروك العربية وربنا يرزقك خيرها ويكفيكى شرها وكل عام والجميع بخير

[Screenplays]

ماشاء الله انا شايف ان السيدات موسوعة فى عالم الاوتوماتيك :)

هههههههههههههههههههههه لان هو ده الفتيس المفضل عندهم

[Amro_ON]

مصدر ايه ؟ دي حاجه معروفه جدا و بعدين لما تيجي تمور العربيه المانيوال بتعمل ايه ؟ بتدوس دبرياج طب هو فين الدبرياج ده في الاوتو ؟ مفيش و ده تفسيري الشخصي

مش فاهم حضرتك بصراحه .... انا عن نفسي ساعات كتيره بريح دماغي و اجيب ال n والعربيه مثلا على 80 لحد متهدا وادوس فرامل براحتي

ومش حاسس ان الفتيس بيعمل حاجه غلط وكل حاجه ماشيه طبيعي جدا....حتى كمان ام ادي العربيه N بلاقي ال rpm نزل مره واحده من 3000 لفه ل 1500 وسعات اقل وده في رأيى بيريح المتور ويهدي العربيه لوحدها وميخلنيش استهلك التيل على الفاضي

ده رأي الشخصي .... ياريت توضحلنا أكتر

[Mostafa.Ismail]

مصدر ايه ؟ دي حاجه معروفه جدا و بعدين لما تيجي تمور العربيه المانيوال بتعمل ايه ؟ بتدوس دبرياج طب هو فين الدبرياج ده في الاوتو ؟ مفيش و ده تفسيري الشخصي

مفيش حاجة اسمها معروفة؟ انا عن نفسى مختهاش فى المدرسة!!!
هو سيادتك عربيتك اتوماتيك ولا كل فكرتك عن انك ركبت عربيه واحد صاحبك من سنتين تلاتة مثلا.


انا مصدقت لقيت حد بيقول غلط وكان نفسى الاقى حد يقولى غلط لية من وجهة نظر فنية ...