هو مفيش حد راكب سوناتا ولا ايييييه؟؟؟!!!

[taswos]

ازيكم يا رجالة المنتدى
كل سنه وانتم طيبين انا بقلب فى قسم الهيونداى وقاعد بدور على حاجة عن السوناتا الجديدد ولكن مش لاقى حاجة خالص هو ايه الحكايه هى العربيه وحشه ولا ايه ولا عيوبها كتير للدرجه دى ولا غاليه ولا ايه مشاكلها
انا نويت والنيه لله يا اجيب سوناتا يا اجيب بى ام طبليو موديل 2007 320
ب اللى مخلينى حابب السوناتا انها جديده وانا عمرى فى حياتى ما ركبت جديد واللى مخوفنى انى عارف يعنى ايه بى ام دبليو بس برضه ركبت السوناتا مش كتير بس كانت جامده جدا وخصوصا موضوع الشقف الجامد اللى فيها


ياريت اللى عنده العربيه او اللة عنده خلفيه عنها يفيدنى ضرورى وبرضة لو فى اى اخبار عن الفئات واسعارها فى مصر هيبقى فل قوى

شكرا والسلام عليكم
sent from my Ipad

[HOSSAM99]

و عليكم السلام و رحمة الله
هي العربيه ببساطه مفيهاش عيوب لكن العربيه غاليه و حجمها كبير
لكن عربيه ميله جدا
و أنا شوفت موضوع حضرتك في البي أم لاقيت حضرتك راصد للعربيه 150 ألف و ده ممكن يجيبو السوناتا بيز لاين مانيوال و أظن مش هاتبقي مريحه
و الكماليات هتبقي قليله علي الثمن

لو حضرتك عيز جديد بالثمن ده و عربيه محترمه يبقي الإلنترا

و شوف رغبة حضرتك أيه هل تفضل البي أم موديلات قبل 2004 و لا حضرتك عايز تركب زيرو

و للعلم الإلنترا فيه منها الأفانتي و عضو معانا هنا أشتراها و بمواصفات كوري و مفيش عربيه بتنزل بكماليتها و أرخص من أعلي فئه و كيل بـ5000 جنيه و موتور gdi 140 حصان (138)

أتمني غن حضرتك تستقر عايز زيرو و لا مستعمل

[Screenplays]

السوناتا بتبدأ من 170000 جنيه فالاحسن اشتري bmw مستعمله موديل حديث و كيلومترات قليله و اهه اسمها الماني مش كوري

[yehia]

يا جماعة على حد علمي ما بقاش فيه الأسعار اللي حضراتكم بتتكلموا عليها في السوناتا اللي هي 150 ألف و 170 ألف ... دي كانت أسعار السوناتا الشكل القديم الـ 2000 سي سي و 2400 سي سي اللي كان غبور بيجمعها في مصر وآخر عربيات اتباعت منها في شهر ديسمبر 2010 ... السوناتا اللي موجودة حاليا الشكل الجديد مستوردة بالكامل من كوريا و 2000 سي سي يعني شريحة الجمارك العالية وبالتالي أسعارها بتبدأ بـ 300 ألف تقريبا وانت طالع حسب الكماليات .......

فلو قصد حضرتك السوناتا الشكل القديم اللي غبور كان بيجمعه يبقى مفيش قدامك إلا المستعمل منها ........

[Screenplays]

يا جماعة على حد علمي ما بقاش فيه الأسعار اللي حضراتكم بتتكلموا عليها في السوناتا اللي هي 150 ألف و 170 ألف ... دي كانت أسعار السوناتا الشكل القديم الـ 2000 سي سي و 2400 سي سي اللي كان غبور بيجمعها في مصر وآخر عربيات اتباعت منها في شهر ديسمبر 2010 ... السوناتا اللي موجودة حاليا الشكل الجديد مستوردة بالكامل من كوريا و 2000 سي سي يعني شريحة الجمارك العالية وبالتالي أسعارها بتبدأ بـ 300 ألف تقريبا وانت طالع حسب الكماليات .......

فلو قصد حضرتك السوناتا الشكل القديم اللي غبور كان بيجمعه يبقى مفيش قدامك إلا المستعمل منها ........

الشكل القديم لسه بيتباع زيرو انا شايفها بعيني في غبور عندنا و الجديده باسعار المرسيدس و ال bmw فمفيش حد عاقل هيشتريها

[taswos]

طيب انا الانهارده شفت السوناتا وركبتها مرة تانيه بس كانت البانوراما حجة بجد وهم مش طبيعيه
بس الكلام اللى انتو بتقولوه بالنسبه للسعر لو صحيح ان اركب ٣٣٠ موديل ٢٠٠٨
وبالنسبه للافانتى ايه فرقها عن الالانترا الجديده؟؟!!! وبكام؟؟!!
sent from my Ipad

[Screenplays]

مفيش حاجه اسمها النترا جديده و العربيه اللي لسه نازله جديد اسمها افانتي

[taswos]

اهااااا انا كنت فاكر ان الافانتى حاجة غير الالنترا ال٢٠١٢ ولما قريت فى الموضوع بتاع الدكتور عرفت مميزاتها ومازلت ببحث وربنا يهدى الحال وشكرا على مساعدتك المستمره

[Screenplays]

الله يخليك يا فندم