الحمد لله جبت الالنترا المانيوال 2012

[bigwarrior]

الحمد لله جبت الالنترا المانيوال 2012
1- عاوز اركب سينسور بكاميره اركبه في التوكيل وبكام ولا بره
2- مكان الusb اللي تحت الولاعه مش موجود ومقفول بقطعة بلاستيك فممكن يتركب usb

[fahmy]

الف مبروك وربنا يديك خيرها ويكفيك شرها

[linux1man]

الاول 100000 مبرووك ربنا باركلك فيها يارب
ويديك خيرها ويكفيك شرها ويحفظك ويحفظها من العين

بالنسبة لاى اضافات تتركب فى العربية فأعتقد ان التوكيل بيرفض رفض تام يركب فيها اى حاجة
حتى لو نازله فى فئات اكبر منها وبرضو شوف رأى الاخوة هنا فى الموضوع دا

هوا ممكن يتركب كل حاجة بس زى ما وضحتلك هيقولولك على مسئوليتك انتا
ولو ركبت حاجة كهربة العربية بره الضمان

ودى الكلمة اللى بيخوفونا بيها بس رأيى شخصى
يغور غبور بضمانة بصيانته

انتا ما تركبش حاجة لحد ما تعمل صيانة الالف وصيانة ال 5 الاف
تتأكد باذن الله ان العربية مفيهاش عيوب صناعه

وتسيبك منهم خالص وتركب اللى انتا عاوزة لان حتى لو العربية فيها حاجة بعد كدا هتعملها على حسابك
واسعارهم مبالغ فيها وخدمتهم اسوء من السؤ نفسة ربنا يخلصنا منهم بجد

وتانى مرة الف مبروك وربنا يباركلك فيها يارب ويكفيك شرها

[HOSSAM99]

الف مبروك و ربنا يبارك لحضرتك فيها
أما الإضافات أسأل في التوكيل هاينفع يركبوها و لا لأ لو ينفع أشتريها و ركبها
و لو مش هاينفع يبقي حضرتك مضطر تصبر لغاية أنتهاء الضمان
و في إنتظار تقريرك المفصل

[Screenplays]

1000 مبروك مره تانيه يا فندم

- عاوز اركب سينسور بكاميره اركبه في التوكيل وبكام ولا بره

لو ركبته بره هتطلع الضفيره من الضمان فركبه في التوكيل افضل و ممكن يتكلف 3000 جنيه مثلا بالمصنعيات

مكان الusb اللي تحت الولاعه مش موجود ومقفول بقطعة بلاستيك فممكن يتركب usb

ممكن يتركب عادي بس برضه في التوكيل

[bigwarrior]

الله يبارك فيكم كلكم وان شاء الله بعد ماارخصها واروح بيها كام مشوار هتديلكم تقرير تفصيلي عنها بكل امانه
واعرف ايه الفرق بينها وبين الواجا بس كشكل وفخامة صالون وتابلوه ماشاء الله مع ان ديه الفئه الاولى

[M.Elgergawy]

ألف مبروك وربنا يديك خيرها ويكفيك شرها

[aymanshebl]

1000 مبروك مره تانيه يا فندم

لو ركبته بره هتطلع الضفيره من الضمان فركبه في التوكيل افضل و ممكن يتكلف 3000 جنيه مثلا بالمصنعيات


المبلغ ده عالى و غالى اوى على تركيب سينسور و كاميرا خلفية ؟؟؟؟؟؟؟؟؟؟؟!!!!!!!!!!!!!!!

ممكن يتركب عادي بس برضه في التوكيل

[taswos]

بكام اشتريتها ويارب يكفيك شر الطريق

[linux1man]

معلش هتعبك واسألك ايه كل الكماليات اللى جيه فيها

جنوط ولا لاء خامة الكراسى
خامات التابلوة

باقى الكماليات اتمنى تقولنا نظامها ايه ووقفت عليك بكام

[Screenplays]

المبلغ ده عالى و غالى اوى على تركيب سينسور و كاميرا خلفية ؟؟؟؟؟؟؟؟؟؟؟!!!!!!!!!!!!!!!

و الله ده تخميني و غالبا مش هيقل عن المبلغ ده

[bigwarrior]

اشتريتها ب115 الف طبعا دي اول فئه مانيوال وكماليتها فتيس 6سرعات /شبوره/ مرايات كهرباء /كاسيت بال usb/سنتر لوك وفتح الشنطه من الريموت/تكييف بكر