New Hyundai crash test for 2012

[eng.m7md.ali]

الاختبارات الاتية من مؤسسة KNCAP الكورية المعترفة من الENCAP الاوروبية وتتم بنفس الاختبارات ونفس السرعة


فيلوستر

‪2012 Hyundai Veloster NCAP Side Pole Impact (KNCAP)‬‏ - YouTube

افانتي- النترا

‪2011 Hyundai Elantra/Avante NCAP Frontal Offset Impact (KNCAP)‬‏ - YouTube
‪2011 Hyundai Elantra/Avante NCAP Side Impact (KNCAP)‬‏ - YouTube
‪â–؛ CRASH TEST 2011 Hyundai Elantra VS. 2001 and 2005 Elantra‬‏ - YouTube
وده الاختبار الاسترالي
‪Hyundai Elantra 2011‬‏ - YouTube

واخيرا الاكسنت
‪2012 Hyundai Accent/Verna/i25 NCAP Frontal Impact (KNCAP)‬‏ - YouTube
‪2012 Hyundai Accent/Verna/i25 NCAP Side Impact (KNCAP)‬‏ - YouTube

طبعا كلهم حققوا نتائج مبهرة تدل ان الصانع الكوري العملاق لا يعرف المستحيل (5نجوم)


فعلا هيونداي اثبتت انها على الطريق الصحيح لمنافسة الكبار
ومحدش يقولي دي كوري

[nouranwar]

100 100
هيونداي تستحق بجدارة علشان هي ماشية في الاتجاه الصحيح و بتلبي متطلبات السوق علي مستوي العالم

[linux1man]

معلش انا مش فاهم
ماهى العربيات كلها ادشملت اهى وطلع عين اللى خلفوها
وما بقتش تنفع حصاله كل اللى اتخبط من قدام

ايه بقى الطريق الصح اللى ماشية عليه دا

حد يفهمنى معلش الكلام دا

[shaddadfalcon1]

معلش انا مش فاهم
ماهى العربيات كلها ادشملت اهى وطلع عين اللى خلفوها
وما بقتش تنفع حصاله كل اللى اتخبط من قدام

ايه بقى الطريق الصح اللى ماشية عليه دا

حد يفهمنى معلش الكلام دا

مش العم العربيه تدمر من بره وتبقي فرافيت
اهم حاجه الدمي اللي جوه حصلهم حاجه ولا لآ والصدمات كانت عامله ازاي

هو لاقدر الله عملت حادثه اول حاجه هتفكر فيها ايه؟ ان العربيه تفضل سليمه ولا انت تفضل سليم؟

[linux1man]

انا عارف طبعا بس انا ما فكرتش كدا

دلوقتى انا فكرت انه اختبار جودة او اختبار تحمل صدمات للسيارة

وغير كدا احنا العربيات عندنا فى مصر بتنزل من غير اى وسائل الامان دى
ومن غير الايرباج والاى بى اس

وهوا دا برضو اللى خلانى مفكرش فيه كاختبار امان اطلاقااااااااااااااااا

وربنا يحفظنا جميعا يارب من كل شر

ويزيح عننا غبور بقى

[HOSSAM99]

شكرا لك علي الفيديوهات الرائعه

[HOSSAM99]

معلش انا مش فاهم
ماهى العربيات كلها ادشملت اهى وطلع عين اللى خلفوها
وما بقتش تنفع حصاله كل اللى اتخبط من قدام

ايه بقى الطريق الصح اللى ماشية عليه دا

حد يفهمنى معلش الكلام دا

انا عارف طبعا بس انا ما فكرتش كدا

دلوقتى انا فكرت انه اختبار جودة او اختبار تحمل صدمات للسيارة

وغير كدا احنا العربيات عندنا فى مصر بتنزل من غير اى وسائل الامان دى
ومن غير الايرباج والاى بى اس

وهوا دا برضو اللى خلانى مفكرش فيه كاختبار امان اطلاقااااااااااااااااا

وربنا يحفظنا جميعا يارب من كل شر

ويزيح عننا غبور بقى

أختبار الأمان أو التصادم مش مطلوب فيه من العربيه إنها تطلع سليمه (أي عربيه في الدنيا بتدمر )
لكن المطلوب منه هو تشوف الصدمه بتنفذ من جسم العربيه الخارجي و تخترق الصالون و تأثر علي اللي جواه و لا لأ
و علي فكره هو مش أختبار بمجرد النظر لا الناس اللي راكبه دي (الدمي) متوصل بها أجهزة أستشعار و خلافه بتحس بالصدمه يعني لو الصدمه أثرت فيها عمر العربيه ما تعدي أختبار التصادم
و الأختبار مش للأيرباج و الايه بي أس لا ده للعربيه كاملة و بالأخص الصاج و تصميم العربيه اللي بيساعد علي تشتيت الصدمه

[linux1man]

شكرا لحضرتك جدا على المعلومات القيمة

[Screenplays]

النتايج جيده من وجهه نظري و لكن السؤال الذي يطرح نفسه هل هي دي العربيات اللي بنستوردها ؟ لا اظن ذلك و هو ده مربط الفرس هنا و المفروض يكون في مواصفات قياسيه مصريه و اختبار امان مصريه نظرا لطبيعه البشر المصريه العجيبه و طرقنا المصريه المدغدغه

[HOSSAM99]

هي هي العربيات اللي بنستورده عمر الشركه ما هاتعمل خط إنتاج صاج لكل منطقه أو خط إنتاج تقفيل لكل منطقه و كذلك الخامات الخامات هي الخامات و اللي بيفرق الإضافات (أبانوس _جلد ألوان_و حليات و خلافه........)
و اللي يفرق الكماليات المطلوبه في كل منطقه

[Screenplays]

و الله اتمني ان يكون كلام حضرتك صحيح