الفيرنا والبنزين

[Angel_wolf]

السلام عليكم


انا معايا فيرنا 1500 موديل 2006 عاملة 18 الف كيلو بس
البنزين عندى استهالكة عالى فى كل الظروف سواء زحمة او طريق عادى
الصفيحة بتعمل عندى بالكتير اوى 180 لو الطريق فاضى والدنيا حلوة ومفيش زحمة
ركبت بوجيهات NGK G-Power الى المفروض بتوفر البنزين بردة نفس النتيجة مفيش فرق
فياريت لو حد يقلى اعمل ايه وهل المعدل دة كويس وانا الى غلطان لانى كل لما اكلم واحد يقلى الفيرنا موفرة فى البنزين وانا دة مبيحصلش معايا

[midoonesaid]

متابع معاك لاني عندي نفس المشكلة

[Screenplays]

اخبار الصيانات الدوريه ايه ؟ و نضف الرشاشات

[Angel_wolf]

اخبار الصيانات الدوريه ايه ؟ و نضف الرشاشات

بص ان اخدت العربية من قرايبى عاملة 12 الف كيلو اول لما اخدتها غيرت زيت وفلاتر هواء وزيت و بنزين بس منضفتش الرشاشات

[Screenplays]

ممكن تكون الرشاشات بتسيل فبتزود استهلاك البنزين عموما هل دواره العربيه طبيعيه و خصوصا الصبح ؟ عفشتك اخبارها ايه ؟ ضغط الكاوتش كويس ؟ لان اي حاجه غلط في العربيه بتأثر علي استهلاك البنزين بالسلب

[Angel_wolf]

ممكن تكون الرشاشات بتسيل فبتزود استهلاك البنزين عموما هل دواره العربيه طبيعيه و خصوصا الصبح ؟ عفشتك اخبارها ايه ؟ ضغط الكاوتش كويس ؟ لان اي حاجه غلط في العربيه بتأثر علي استهلاك البنزين بالسلب

الدوارة طبيعية جدا وبعد البوجيهات االجديدة احسن و الصوت بتاعى العربية هادى جدا كمان وهى واقفة والعفشة مفيهاش حاجة

[tantu]

بمناسبه حوار البنزيين حديكم ملخص لرحله عملتها النهارده
المكان : الطريق الزراعي
السرعه: كانت مابين 80 -90
محطه السفر : الاسكندريه
محطه الوصول : كفر الزيات
نوع المهمه : سريه مش حقولوكو عليها هههه
( كنت رايح اجيب كتااااااااب شرح الشبكاات وكراسه اللي كنت كاتب فيها الشرح بتاع الكتاب كنت ناسيهم في البيت علشان بزااااكرها علشان ربنا يكرمني واشتغل بقي نفسي والله ههههههههههه
من البيت ورااجع تاني يعني المشوار صد - رد ) طبعا ح تستعجبو؟؟؟
المهم نكمل
عدد الكيلومترات المقطوعه: 205 كيلو من الباب للباب ( صد - رد )
كميه الترات المستهلكه :11 لتر بنزين 92 (العربيه كانت متفوله وانا مسافر وفولتها وانا راجع البنزينه اللي في سموحه )
الحساب: 20 جنيه هههههه
بس خلاص بس عايز اعرف بقي كدا كويس ولا اييه
طبعا العربيه فيرنا 2009

[ashouhdy]

انتم عالم مفترية 11 لتر فى 200 كيلو ومش عاجبكم !

[tantu]

طيب بس انتا زعلان لييه كدااا
انا ااااسف ياسيديي

[aif]

م الآخر
الفيرنا اقتصادية جدا ع الطريق ممكن 350 كيلو في الصفيحة بدون تكييف بسرعة 100 كيلو متر / ساعة
لكن في البلد ...... استهلاكها عالي
في البلد بالتكييف فيرنا 2007 اوتوماتك 1600 في الصفيحة من 130 كيلو الى 170 كيلو حسب كمية الزحمة وكشفت ع العربية عند متخصصين كله تمام