واااااااحصراتااااااااااااا

[aatif]

حبيب قلبى هوا ده بالظبط اللى حصل معايا فى عربيتى النترا 2012 برضه بس مش 10 سم لأ دى حوالى 40 سم
المهم الناس قالتلى مترشهاش برضه وسيبتها يجى اسبوعين تلاته عشان موضوع العين ده برضه وبعد كده قريت فى المنتدى هنا واحد بعربية نيسان سابها كده لحد ما الصدى طلع عليها وهنا كلمت شركة التأمين وعملت اخطار حادث ورحت مودرن موتورز وهما هيظبطوها ان شاء الله فى خلال يومين على حسب كلامهم


انا الصراحة عملت الموضوع ده عشان تلات اسباب مع ان الكل قالى رشها بس لو خايف من الصدى:
1- انا مأمن بـ 5000 جنيه استفيد بقى من الفلوس دى
2- انا صعبان عليا العربية الصراحة انا مكملتش بيها شهر ونص وانا بمشى براحة ومحافظ عليها جدا
3- انا جايبها عشان تبقى عربية العمر يعنى رش او مش رش مش فارقة المهم العربية تفضل حلوة فى نظرى

حاجه بقى شوفتها فى مودرن موتورز النهارده والحمد لله شكرت ربنا على ما اصابنى
عربية النترا 2012 سكرى الأكصدام واقع والرفرف اليمين ضايع والكبوت معووج والمراية الشمال طايرة يعنى ضايعة ربنا يحفظكم وشوفو بقى الصدمة دى
العربية واقفة بقالها خمس ايام عشان ملهاش قطع غيار ومركز الصيانة مش عارف يعملها حاجة
نصيحتى ليك بقى اعمل اللى فيه راحتك عشان هوا ده اصل الأشياء العربية لراحتك انت مش لراحة الزبون اللى هيشتريها منك
و الحمد لله فى السراء والضراء

[Hussein_Ramdan]

حبيب قلبى هوا ده بالظبط اللى حصل معايا فى عربيتى النترا 2012 برضه بس مش 10 سم لأ دى حوالى 40 سم
المهم الناس قالتلى مترشهاش برضه وسيبتها يجى اسبوعين تلاته عشان موضوع العين ده برضه وبعد كده قريت فى المنتدى هنا واحد بعربية نيسان سابها كده لحد ما الصدى طلع عليها وهنا كلمت شركة التأمين وعملت اخطار حادث ورحت مودرن موتورز وهما هيظبطوها ان شاء الله فى خلال يومين على حسب كلامهم


انا الصراحة عملت الموضوع ده عشان تلات اسباب مع ان الكل قالى رشها بس لو خايف من الصدى:
1- انا مأمن بـ 5000 جنيه استفيد بقى من الفلوس دى
2- انا صعبان عليا العربية الصراحة انا مكملتش بيها شهر ونص وانا بمشى براحة ومحافظ عليها جدا
3- انا جايبها عشان تبقى عربية العمر يعنى رش او مش رش مش فارقة المهم العربية تفضل حلوة فى نظرى

حاجه بقى شوفتها فى مودرن موتورز النهارده والحمد لله شكرت ربنا على ما اصابنى
عربية النترا 2012 سكرى الأكصدام واقع والرفرف اليمين ضايع والكبوت معووج والمراية الشمال طايرة يعنى ضايعة ربنا يحفظكم وشوفو بقى الصدمة دى
العربية واقفة بقالها خمس ايام عشان ملهاش قطع غيار ومركز الصيانة مش عارف يعملها حاجة
نصيحتى ليك بقى اعمل اللى فيه راحتك عشان هوا ده اصل الأشياء العربية لراحتك انت مش لراحة الزبون اللى هيشتريها منك
و الحمد لله فى السراء والضراء

الله ينور ياباشا
الصراحة انا مش مامن علية عشان انا فلوس العربية كلت عندى الاخضر وواليابس وكونت جايبها كاش
المهم فعلا الصراحة انا صعبان علية عربية بقالها شهرين تبقا مخبوطة
وخصوصا ان السمكرى قالى الموضوع مش هيكمل 100 جينة
وفعلا فى اكتر من واحد قالى على موضوع الصدا دة
عشان كدة ان شاء الله قررت اعملها
انا كدة كدة
رايح ابو رواش يوم الجمعة الى جاية عشان لية كام ملاحظة على العربية هعملها وبعدين ارجع على السمكرى
وان شاء الله بعد ما اعملها هعمل ليك تقرير وصور ليكو الخبطة قبل ما تتعمل وبعديها
اون شاء الله خير
وفعلا الواحد بيقول ان الموضوع بسيط مش كبير

[Hussein_Ramdan]

احمد ربنا و بوس ايدك وش و ضهر

انا كنت في مرور مدينة نصر بجدد رخصة العربية و عربية زي بتاعتك بيضاء و لسه مفحصتشي حتي و الراجل بيلف و دخل في عمود قصير كده معمول فخ عشان الناس تلبس فيه و الاكصدام اتقطع بقي و الشبكة السودة اللي بين فوانيس الشبورة وقعت و العربية بااااااااااظت باااااااااااااظت

احمد ربنا بقي ههههههه

هههههههههههههههههههههههههههههههه حلوة اوووووووووووووى معمول فخ دى انا فطست من الضحك تلقى واحد مؤذى منو لله

[freeman207]

الحمد لله قدر الله و ما شاء فعل

المشكلة مش فيك المشكلة في شوارع المحروسة و الناس اللي بتحط طوب في الشوارع مرة بلف في نص شارع كدا روحت لابس حجر زي اللبوسة كسرلي الاكصدام منة لله اللي حاطوا في نص الشارع

و لا يهمك و صدق اللي قال you cannot keep a nice car in a terrible country

حلوة زى اللبوسة دى ضحكتنى والله اصل حصلتلى قبل كده

[حماده المصري]

متعملش حاجه سيبها شويه هوه اللي خدها عين مش هيستريح الا لما يشوفها مخبوطه عشان يبص لليجنبه شوفت مش بقولك عالم حراميه اهو خبطها ولا تلاقيها باعت هانم

تصدق بايه ياباشا اناعمري ماعرفت حد عربيته جديده الا وخدت خبطه ورسمي هيا عين

والكلام اللي فوق ده حصل قدام عينيا في عربيتي لما كانت جديده وخدت برضو خبطه وسمعت اتنين معدينى وساكنين في المنطقه

[Screenplays]

اخدت العين بس الحمد لله بسيطه

[Mik_t4]

اعمل العتب استيكر او كاربون هتداريها وريح نفسك

[organic_magic]

سيبها تاخد العين
وبعدين هاترش عربية 2012
حراااااام

فعلا +1111111111111

[Nanona2011]

فعلا +1111111111111

انا كمان مش مع الرش حتى لو هي باذن الله عربية العمر ومش هتتغير باذن الله قبل مدة طويلة

[pop504]

سيبها كده ولا يهمك . احنا هنا فى حرب شوارع عربية قديمة عربية جديدة احنا بنرمى فلوسنا فى الارض فى مصر ربنا يعوض علينا !! يبقى اتمتع بيها ومتحطهاش فى دماغك ..

[Hussein_Ramdan]

شكرا ياشباب على الردود الجميلة
بس هى فعلا هفكر فى فكرة الاستيكر او الكربون

وفعلا احنا فى حرب شاوارع

[Mik_t4]

شكرا ياشباب على الردود الجميلة
بس هى فعلا هفكر فى فكرة الاستيكر او الكربون

وفعلا احنا فى حرب شاوارع

اي خدمة فكرتي تمام اهي
بس انت اعمل العتب كلو كاربون نضيف عشان ميطلعش وهتلاقي نفسك نسيت انها كانت مخبوطة اساسا

[Hussein_Ramdan]

ياباشا تسلم
هو بئا الكربون دة بيتعمل فين بظبط ومكن يتكلف كام وهو بيكون شكلة اية عشان الى انا اعرفو الاستيكر بس
لكن الكربون دى جديدة عليا

[Medicalist]

يا باشا دى بلد استغفر الله العظيم
وانا كنت رايح ارخص العربيه واذ فجاه عربيه بحمار دخلت فى الناحيه اليمين وصوت رزع انا نازل بقول الجمب اليمين ضاع نزلت لقيت المرايه اتشخرمت ولونها راح و الاشاره وقعت بس الحمد لله كانت بسيطه
اللون النبيتى ده كمان مشكله انا معاايا الانترا 2010 اول ما جبتها وركنتها تحت البيت تانى يوم لقيت الاكصدام الادمانى مخبوط ومتجرح من ايه لحد دلوقتى الله اعلم والشارع الى واقفه فيه ماحدش بيدخله
بعدها بكام يوم الغطا اتسرق
ودتيها جراج بعدها بكام يوم لقيت الرفرق متجرح بالطول لحد الصاج من ايه الله اعلم
بعدها بفتره واحد بيتعلم عليا كسر عليا على الطريق وقمت لابس فيه ضيعلى الرفرف ده بس اتعدل على البارد الحمد لله
بعدها بفتره عملت حادثه جامده بس الرفرف ده ادمر واتغير ههههه ده غير الاكصدام الورانى و الادمانى وفانوس
بس على فكره اغلب الحوادث دى بتكون وانا غاسل العربيه مش عارف ليه
يعنى من فتره قلت انضفها واروقها كانت بتبرأ واللون الاحمر ده غبى ومحسود جداا طلعت مشوار نزلت لقيت عربيه الرش جايبالى الاكصدام الورانى و الرفرف الورانى مطبقاهم وطبعا ما شفتهاش اختفت العربيه
ومن كام يوم برضه حصل حاجه نرفذتنى داخل البنزينه امون عربيه لانسر ورايا طالع عين ابوها قام لازق فى الاكصدان الورانى جرحه طب اعمل لامه ايه ؟ انا مسكت نفسى وعملت نفسى مش واخد بالى اصلى هنزل هضيع صيامى
فاستنتاجى الحمد لله انه البلد دى عايزه عربيه مدمره عشان تمشى وانت مرتاح البال لكن عربيه جديده ونضيفه هتتعب اوى
والسلام عليكم ورحمة الله وبركاته

[Mik_t4]

بص انا مش من القاهرة فا معرفش بيتعمل فين بس اكيد الي بيعمل الاستيكر بيعمل الكاربون وممكن تلاقية في التوفيقية