النترا الجديده

[Dodge4Ram25]

ممكن ياجماعه تفيدونى فى ألنترا الجديده
واحد صاحبى قاللى أنها بعد ال 100 كيلو بتغربل
حد أشتراها يقولى أخبارها ايه فى البنزين كمان؟

[Hussein_Ramdan]

بتغربل ؟ للدرجة دى وصاحبك دة ساقها ولاة شافها بس وهى معادية
ياباشا مفيش الى بيتقال دة العربية معايا بمشى بيها ل 140 ومفيش الهوة

[Screenplays]

اهه الفتي المصري اشتغل ازاي يعني بتغربل و هي لسه لسه نازله جديد و ممشتش اصلا ؟ يعني نازله من كوريا محتاجه ترصيص و بتغربل ؟ Sorry يعني بس الكلام مستفز

[Th3Leader]

ممكن ياجماعه تفيدونى فى ألنترا الجديده
واحد صاحبى قاللى أنها بعد ال 100 كيلو بتغربل
حد أشتراها يقولى أخبارها ايه فى البنزين كمان؟

انا جبت بيها 190 و لا غربلت و لا اي حاجه و كانت ثابته وتمام وزي الفل

[propagaanda]

ممكن ياجماعه تفيدونى فى ألنترا الجديده
واحد صاحبى قاللى أنها بعد ال 100 كيلو بتغربل
حد أشتراها يقولى أخبارها ايه فى البنزين كمان؟

استهلاكها في البنزين كويس جدا .... و أحسن من عربيات 1600cc كتييييييير
و اللي يقولك انها بتغربل بعد ال100 يبقى بيضحك عليك و مركبهاش
يا راجل ده الفيرنا مش هتغربل غير بعد ال 140
الالنترا تجيب ال 180 راسية و مستريحة جداااااااااااا

[emadhamdy]

استهلاكها في البنزين كويس جدا .... و أحسن من عربيات 1600cc كتييييييير
و اللي يقولك انها بتغربل بعد ال100 يبقى بيضحك عليك و مركبهاش
يا راجل ده الفيرنا مش هتغربل غير بعد ال 140
الالنترا تجيب ال 180 راسية و مستريحة جداااااااااااا

1+1+1+1+1+1+1

[blazer]

بتغربل ايه بس
هى 127 بايظه كمان!
مع انى مش بحب هيونداى قوى
بس اشاعات عجيبه

[mamahoba]

بتغربل ؟؟ يمكن كان مشغل شريط شعبى ولا حاجه .... لا يا باشا اطمئن انا جبت بيها 190 على الساحلى الدولى وزى الفل .... بالنسبه لإستهلاك البنزين هيا فيها نظام توفير للبنزين اسمه eco لو مشيت عليه هاتوفرلك كتير جدا من الاخر عربيه حرييير على فكره انا عامل بيها 3000 كيلو واحيى صاحبك اللى قاللك المعلومه الغلط دى لانه استفزنى وخلانى اكتب اول مداخله ليا فى كل المنتديات

[kliken]

كلام بصراحه مش منطقى خالص
العربيه بسم الله ما شاء الله تحس انها وحش

[amrsabet]

بتغربل ؟؟ يمكن كان مشغل شريط شعبى ولا حاجه .... لا يا باشا اطمئن انا جبت بيها 190 على الساحلى الدولى وزى الفل .... بالنسبه لإستهلاك البنزين هيا فيها نظام توفير للبنزين اسمه eco لو مشيت عليه هاتوفرلك كتير جدا من الاخر عربيه حرييير على فكره انا عامل بيها 3000 كيلو واحيى صاحبك اللى قاللك المعلومه الغلط دى لانه استفزنى وخلانى اكتب اول مداخله ليا فى كل المنتديات

مبروك على عربيتك وربنا يبارك لك فيها ان كان لى شوية استفسارات وياريت لو تساعدنى فيها

اخبار العربية ايه من حيث :

• استهلاك البنزين فى الصفيحة 20 لتر داخل البلد وخارجها
• اخبار العزل ايه داخل البلد يعنى لو حضرتك مشغل التكييف وقافل الزجاج بتسمع اصوات بره ولا خفيف مقارنتا بالانترا الشكل 2010
• صوت الكاسيت اخباره ايه مع usb .
• التكيف اخباره ايه وهل بيقصر على السحب
• راحه الجلوس فى العربية لمده طويلة اخبارها ايه متعبة للظهر ولا لآ
• ركنة العربية بالباركينج سنسور سهلة ولا لأ
• لو هتدفع 155 الف فى الفولى لودد وممكن تزود وتجيب فانتازيا كنت ممكن تقرر ايه وقتها
• هل العفشة مع الجنط 16 بتخلى العربية من الخلف بتتنطط زى السيراتو خاصة انها ctba زى السيراتو
• الفتيس سلس وناعم فى النقلات بمعنى ان النقلات غير محسوسة ولا لأ

انااسف سامحنى ان كنت هتعبك معايا من كتر الاسئلة

شكرا

[Th3Leader]

انا عارف ان الاسئله مش ليا بس قلت ارد برضه اهو حضرتك تستفيد واي حد تاني مهتم يستفيد

استهلاك البنزين فى الصفيحة 20 لتر داخل البلد وخارجها

هي بتعمل 450 كيلو في التفويله من غير eco ولو مشغل ال eco تعمل حوالي 500 معلش اصلي بصراحه مش بحسب بالصفيحه

لو هتدفع 155 الف فى الفولى لودد وممكن تزود وتجيب فانتازيا كنت ممكن تقرر ايه وقتها

اجيب الفانتازيا طبعا

اخبار العزل ايه داخل البلد يعنى لو حضرتك مشغل التكييف وقافل الزجاج بتسمع اصوات بره ولا خفيف مقارنتا بالانترا الشكل 2010

العزل ممتاز مش بسمع اي حاجه بره المشكله الوحيده صوت الكاوتش عالي شويه

صوت الكاسيت اخباره ايه مع usb

ممتاز

التكيف اخباره ايه وهل بيقصر على السحب

بياثر بس مش بصوره محسوسه يعني لو مش مركز علي الموضوع مش هتاخد بالك

راحه الجلوس فى العربية لمده طويلة اخبارها ايه متعبة للظهر ولا لآ

مريحه جدا انا بسافر بيها بال3 و ال4 ساعات وعادي

ركنة العربية بالباركينج سنسور سهلة ولا لأ

الحقيقه انا جايبها من غير سنسور بس ركنتها من غير السنسور صعبه شويه لانك مش شايف اخر العربيه لا ورا ولا قدام

لفتيس سلس وناعم فى النقلات بمعنى ان النقلات غير محسوسة ولا لأ

نقلات الفتيس محسوسه بعد ال 100 لان مسافه النقلات قصيره بمعني انها بتجيب ال 6 علي 100 تقريبا و بعدها بتنزل تحرق علي الخامس وبعدين تجيب السادس وهاكذا فبتحس انت طبعا بالحرق ده

اتمني اكون قدرت افيدك

[amrsabet]

انا عارف ان الاسئله مش ليا بس قلت ارد برضه اهو حضرتك تستفيد واي حد تاني مهتم يستفيد

هي بتعمل 450 كيلو في التفويله من غير eco ولو مشغل ال eco تعمل حوالي 500 معلش اصلي بصراحه مش بحسب بالصفيحه
اجيب الفانتازيا طبعا


العزل ممتاز مش بسمع اي حاجه بره المشكله الوحيده صوت الكاوتش عالي شويه

ممتاز


بياثر بس مش بصوره محسوسه يعني لو مش مركز علي الموضوع مش هتاخد بالك

مريحه جدا انا بسافر بيها بال3 و ال4 ساعات وعادي


الحقيقه انا جايبها من غير سنسور بس ركنتها من غير السنسور صعبه شويه لانك مش شايف اخر العربيه لا ورا ولا قدام

نقلات الفتيس محسوسه بعد ال 100 لان مسافه النقلات قصيره بمعني انها بتجيب ال 6 علي 100 تقريبا و بعدها بتنزل تحرق علي الخامس وبعدين تجيب السادس وهاكذا فبتحس انت طبعا بالحرق ده

اتمني اكون قدرت افيدك

يابشا كتر خيرك على اهتمامك وردك هو المعدل ده جو البلد ولا بره وبالتكيف ولا لأ
هل عربيتك جنط 15 ولا 16 يمكن بتفرق ونوع الكاوتش ايه؟
يعنى سحبها زى الالنترا الشكل القديم ولا افضل
هو الفئة اللى حضرتك شريها انهى فئة وهل فى فرق محسوس بين البيزلاين والفئة قبل الاخيرة لانه تقريبا فرق 20 الف مقابل 13 حاجة فرق

وشكرا ليك مره ثانية

[Salsaa]

شكرا على المعلومات القيمة ..

[mamahoba]

مبروك على عربيتك وربنا يبارك لك فيها ان كان لى شوية استفسارات وياريت لو تساعدنى فيها


اخبار العربية ايه من حيث :

• استهلاك البنزين فى الصفيحة 20 لتر داخل البلد وخارجها
• اخبار العزل ايه داخل البلد يعنى لو حضرتك مشغل التكييف وقافل الزجاج بتسمع اصوات بره ولا خفيف مقارنتا بالانترا الشكل 2010
• صوت الكاسيت اخباره ايه مع usb .
• التكيف اخباره ايه وهل بيقصر على السحب
• راحه الجلوس فى العربية لمده طويلة اخبارها ايه متعبة للظهر ولا لآ
• ركنة العربية بالباركينج سنسور سهلة ولا لأ
• لو هتدفع 155 الف فى الفولى لودد وممكن تزود وتجيب فانتازيا كنت ممكن تقرر ايه وقتها
• هل العفشة مع الجنط 16 بتخلى العربية من الخلف بتتنطط زى السيراتو خاصة انها ctba زى السيراتو
• الفتيس سلس وناعم فى النقلات بمعنى ان النقلات غير محسوسة ولا لأ

انااسف سامحنى ان كنت هتعبك معايا من كتر الاسئلة

شكرا

نبدأ من الاخر يا عمرو باشا الفتيس ممتاز جدا
الجنوط ال 16 بتدى ثبات للسياره وفيها ميزه عن السيراتو ان سمك الكاوتش اتخن وده مابيحسسكش بالزلط على الطريق
الفولى لودد مش عمليه لانها بتزيد بامكانية الاوتو بارك وده مش عملى فى مصر لاننا بنركن فى اماكن ضيقه جدا محتاجه سواق معلم
راحة الجلوس بصراحه مش اوى بس انا ماجربتش كذا وضع لكن فيها ميزه للقصيرين اللى زىى ان فيه رفع للكرسى
التكييف ممتاز جدا جدا وقوى والمحرك مش بيتأثر بيه انا جربت الفلاشه وكان صوتها ممتاز بس لازم ماتكونشى محمل حاجات كتيره عليها عشان يتعرف بسرعه على الملفات
الاي بوت ماجربتوش

استهلاك البنزين لو مشيت بالسياره على الايكو هايبقى الاستهلاك ممتاز جدا لكن لو قرصت على الدواسه اكتر الايكو هايتلغى والاستهلاك هايزيد

ارجو انى اكون اجبت على كل تساؤلاتك واى سؤال انا تحت امرك

[yasserit]

انا عارف ان الاسئله مش ليا بس قلت ارد برضه اهو حضرتك تستفيد واي حد تاني مهتم يستفيد

هي بتعمل 450 كيلو في التفويله من غير eco ولو مشغل ال eco تعمل حوالي 500 معلش اصلي بصراحه مش بحسب بالصفيحه


اجيب الفانتازيا طبعا


العزل ممتاز مش بسمع اي حاجه بره المشكله الوحيده صوت الكاوتش عالي شويه


ممتاز


بياثر بس مش بصوره محسوسه يعني لو مش مركز علي الموضوع مش هتاخد بالك


مريحه جدا انا بسافر بيها بال3 و ال4 ساعات وعادي


الحقيقه انا جايبها من غير سنسور بس ركنتها من غير السنسور صعبه شويه لانك مش شايف اخر العربيه لا ورا ولا قدام


نقلات الفتيس محسوسه بعد ال 100 لان مسافه النقلات قصيره بمعني انها بتجيب ال 6 علي 100 تقريبا و بعدها بتنزل تحرق علي الخامس وبعدين تجيب السادس وهاكذا فبتحس انت طبعا بالحرق ده

اتمني اكون قدرت افيدك

+111111111111