حد جرب بوجيهات ايريديوم او بلاتينيوم ngk

[Angel_wolf]

انا جبت البلاتينيم الـ g-power
المفروض ان الغرض الاساسى منها توفير البنزين ..................................... النتيجة ولا البلح اصلا ولا يوجد فرق بنها و بين الطقم او 20 جنية فى الاستهلاك

من ناحية الهدوء اول لما ركبت البوجيهات حسيت ان العربية مبطلة من كتر ان هى ملهاش اى صوت نهائى الاداء بصفة عامة مش قادر اقول ان فى حاجة خارقة حصلت يعنى هى بتجرى كويس احسن سنة بسيطة مش واو يعنى حتى لو مع التكيف يتجرى احسن شويه فى التجميع يعنى ال 120 بتيجى وانا مشغل التكيف وفى ناس معايا فى العربية

بصفة عامة حرام بجد ال 180 جنية الى دفعتهم فيهم وبقول يا رتنى كنت جبت الطقم العادى ابو 55 جنية وخلاص على كدة وقريب هعمل تقرير بالصور ليها بس لما تتم معايا الف كيلو علشان هى لحد دلوقتى لسة مكملتش الف كيلو وكمان هنضف الرشاشات عندى و كدة واجرب تانى جايز العيب منى انا

[meshmesh_egypt]

الف مبروك على التعديل الجميل والمشاركة الرائعة اللى كتير منا هنستفيد منها.

سوألى لحضرتك:

ركبتهم فين وكلفوك كام ؟وارقام البوجيهات ايه ولا لما اشترى بامر الله اطلب لنيو اكسنت 2010 ؟

مشكور على المساعدة الرائعة.

ركبتهم عند الميكانيكى بتاعى وجبتهم من توكيل ngk شركة التوفيق ورقم البوجيه الصح للعربيه لموديل الايريديوم هو bkr6eix وسعرهم 250 جنيه

[meshmesh_egypt]

هل غيرت السلوك؟

لا مغيرتش السلوك على سلوك الفابريكا بس سئلت على السلوك ngk فلاقيتها ب 200 دولار

[meshmesh_egypt]

انا جبت البلاتينيم الـ g-power
المفروض ان الغرض الاساسى منها توفير البنزين ..................................... النتيجة ولا البلح اصلا ولا يوجد فرق بنها و بين الطقم او 20 جنية فى الاستهلاك

من ناحية الهدوء اول لما ركبت البوجيهات حسيت ان العربية مبطلة من كتر ان هى ملهاش اى صوت نهائى الاداء بصفة عامة مش قادر اقول ان فى حاجة خارقة حصلت يعنى هى بتجرى كويس احسن سنة بسيطة مش واو يعنى حتى لو مع التكيف يتجرى احسن شويه فى التجميع يعنى ال 120 بتيجى وانا مشغل التكيف وفى ناس معايا فى العربية

بصفة عامة حرام بجد ال 180 جنية الى دفعتهم فيهم وبقول يا رتنى كنت جبت الطقم العادى ابو 55 جنية وخلاص على كدة وقريب هعمل تقرير بالصور ليها بس لما تتم معايا الف كيلو علشان هى لحد دلوقتى لسة مكملتش الف كيلو وكمان هنضف الرشاشات عندى و كدة واجرب تانى جايز العيب منى انا

والله انا معرفش انت موديل عربيتك ايه وهل ماتورك يستفيد من البلاتينيوم او الايريديوم ولا لأ
موضوع السرعه على التكيف وانت محمل ناس اصلا النيو اكسنت وانت محمل ناس ومشغل التكييف بتجيب 200 و 210 بسهولة جدا من غير بوجيهات بلاتينيوم او ايريديوم
الفرق بعد الايريديوم اولا بقيت بقفل العداد 220 والماتور مبقاش صوته عالى زى الاول وبقى ناعم جدا ده غير ان البوجيهات الايريديوم بتتغير على 100 الف وسعرها 250 جنيه لعربيتى تعالى بقى لو جبت البوجيهات العاديه ب 55 جنيه وبتتغير على 20 الف اضرب ده فى المده هتلاقى نفسك بتغير فى ال 100 الف البوجيهات 5 مرات يعنى تكلفة 275 جنيه يعنى الايريديوم اوفر
موضوع البنزين ده مش كل العربيات لما تركبلهم بوجيهات ايريديوم او بلاتينيوم بتستفيد منه يعنى لو عربيتك فيها نظام اقتصادى للبنزين زى cvvt يبقى هتستفيد منه لو مفها مش هتستفيد قوى
بس بامانه وبدون مبالغه انا حسيت ان العرييه عندى وهى عامله 48 الف كيلو رجعت كانها زيرو زى ماكنت شاريها زمان

[Ayman-Ahmed]

ركبتهم عند الميكانيكى بتاعى وجبتهم من توكيل ngk شركة التوفيق ورقم البوجيه الصح للعربيه لموديل الايريديوم هو bkr6eix وسعرهم 250 جنيه

مشكور جدا للرد الوافى وكنت اقصد سعر تركيبهم كام لاننى معرفش اقدر الحاجات ديه خالص.

طيب حضرتك معندكش فكرة اذا كان ليهم موزع اقرب من المعادى شوية؟طبعا المعادى بعيدة عليا شوية ولما بنزل المعادى بتوه.هههههه

[samirsaid1]

انا اشتريته ب 200 جنية من حوالى 3- 4 شهور تقريبا
هما خلو صوت المتور اهدى والموتور لما بتقرص علية شوية بعد اربى ام 3 الصوت مش بيبقى عالى
البنزين كويس فى الاستهلاك

بالنسبة للمقاس
bkr5eix-11 يفضل لو مابتحبش تجرى كتير ومشيك هادئ
bkr6eix-11 يفضل لو بتحب الجرى والشد والاداء الرياضى

[gazzar91]

أنا مركب إيريديوم من حوالي سنة في السيراتو 2005 من عند توكيل NGK اللي في السيدة زينب.
جبتهم بـ 180 جنيه و ركبتهم قبل ما أمشي من هناك....
العربية كانت قليلة الأدب و أنا راجع على صلاح سالم..... النتيجة كانت أجمل لما غيرت فلتر البنزين و حطيت fuel system cleaner و غيرت فلتر الهوا...........

في رعاية الله

[samirsaid1]

مشكور جدا للرد الوافى وكنت اقصد سعر تركيبهم كام لاننى معرفش اقدر الحاجات ديه خالص.

طيب حضرتك معندكش فكرة اذا كان ليهم موزع اقرب من المعادى شوية؟طبعا المعادى بعيدة عليا شوية ولما بنزل المعادى بتوه.هههههه

بسيطة اى حد ممكن يركبهم بس اهم حاجة متخليش حد يلعب فى فتحة البوجية عشان مايبوظش

يعنى انا اشتريت مفتاح بوجيهات ب 10 جنية وركبتهم انا

وبالتوفيق

[meshmesh_egypt]

مشكور جدا للرد الوافى وكنت اقصد سعر تركيبهم كام لاننى معرفش اقدر الحاجات ديه خالص.

طيب حضرتك معندكش فكرة اذا كان ليهم موزع اقرب من المعادى شوية؟طبعا المعادى بعيدة عليا شوية ولما بنزل المعادى بتوه.هههههه

انا جبت من فرع المعادى
هتلاقيه ورا مدرسة العروبه او لو من بره جنب الشارع الى نصيته توكيل عربيات فاو واسئل هناك هو معروف
قولهم شركة التوفيق

[meshmesh_egypt]

أنا مركب إيريديوم من حوالي سنة في السيراتو 2005 من عند توكيل NGK اللي في السيدة زينب.
جبتهم بـ 180 جنيه و ركبتهم قبل ما أمشي من هناك....
العربية كانت قليلة الأدب و أنا راجع على صلاح سالم..... النتيجة كانت أجمل لما غيرت فلتر البنزين و حطيت fuel system cleaner و غيرت فلتر الهوا...........

في رعاية الله

بالمناسبه ايه احسن fuel system cleaner استخدمته عشان نبقى نجربه ونصايحك ايه فى استخدامه

[gazzar91]

بالمناسبه ايه احسن fuel system cleaner استخدمته عشان نبقى نجربه ونصايحك ايه فى استخدامه

ده اللي أنا استخدمته و كنت جايبه من On The Run بحاجة و خمسين جنيه

لو حضرتك مغيرتش فلتر البنزين في الـ 40 ألف ابقى غيره قبل ماتحط منظف دورة البنزين
في رعاية الله

[meshmesh_egypt]

ده اللي أنا استخدمته و كنت جايبه من on the run بحاجة و خمسين جنيه

لو حضرتك مغيرتش فلتر البنزين في الـ 40 ألف ابقى غيره قبل ماتحط منظف دورة البنزين
في رعاية الله

انا هغير فلتر البنزين انهارده انشاء الله
بس تنصحنى احط المادة ديه والتنك فاضى ولا مليان

[Amr_tika88]

طيب انا عايز انضف الرشاشات عندي اقدر اعمل الموضوع ده فين وهيا بتتنضف كل قد ايه انا من مدينه نصر

[gazzar91]

انا هغير فلتر البنزين انهارده انشاء الله
بس تنصحنى احط المادة ديه والتنك فاضى ولا مليان

التانك بيبقى على الربع
و انت في البنزينة هتفضي الازازة في التانك و بعدين تفول

في رعاية الله

[meshmesh_egypt]

تم اختبار استهلاك البنزين على البوجيهات الايريديوم على عربيتى نيو اكسنت 2010
اولا العربيه كانت زى الصاروخ وانا مشغل التكيف لدرجة ان فى الصحراوى وانا مسافر الساحل محدش كان عارف يعدى منى لان كنت ماشى على 200 ولما بنزل سرعتى الى 160 العربيه بتجمع بسرعه جدا الى 200 تانى وصوت الماتور هادى جدا جدا جدا وناعم
المهم ان اختبار الاستهلاك فى البنزين على السرعه العاليه ومع التكيف فى السفر عملت 214 كيلو ل 16 لتر يعنى بمعدل اللتر يعمل 13 كيلو او ال 10 لتر تعمل 130 كيلو وال 20 لتر تعمل 260 كيلو
وبجد كنت مبسوط قوى من العربيه ونعومتها واستجابتها السريعه جدا على السرعات الى فوق ال 160 وبالتكيف