استفسار عن النترا 2008

[omarkhaled55]

السلام عليكم انا كان عندى استفسار عن النترا 2008 المانيوال تعمل كام دلوقتى وهل العربية كويسة ولا
وهل فراملها اى بى اس ولا فرامل عادية ولو عادية اية تاثيرة يعنى ؟ اسف على الاطالة بس انا جديد فى العربيات وعايز اعرف وشكرا

[Screenplays]

ان شاء الله هتبقي في حدود 80000 جنيه و معتقدش ان المانيوال هيكون فيه اي عوامل امان

[omarkhaled55]

يعنى اية مش فية اي عوامل امان ؟؟؟

[omarkhaled55]

انا سمعت ان فيها ايرباج عادى وفرامل اى بى اس الكلام دة صح ولا لا ؟؟؟

[Screenplays]

المانيوال في العربيات دي غالبا مبيبقاش فيها عوامل امان يعني بص علي الافانتي المانيوال تقريبا مفيهاش عوامل امان

[احمد المصرى]

ان شاء الله هتبقي في حدود 80000 جنيه و معتقدش ان المانيوال هيكون فيه اي عوامل امان

على ما اعتقد هتكون فى بدايه السبعينات ومش هتوصل 80 خالص

[Screenplays]

لا راجع الاسعار علي كونتاكت كارز و بعدين صاحب الموضوع بيتكلم عن المانيوال

[bakkarahmed]

لا راجع الاسعار علي كونتاكت كارز و بعدين صاحب الموضوع بيتكلم عن المانيوال

الاسعار علي كونتاكت كارز مش امر مسلم بيه ..كل واحد بيحط السعر اللي علي مزاجه...يعني حضرتك شوفت بعينك ان العربيات دي اتباعت بنفس الاسعار اللي اصحابها كاتبينها؟؟؟؟
الانترنت حاجه والواقع حاجه تانيه خالص علشان انا واحد صاحبي شاري 2008 بره وجوه كامله اوتو تكييف تاتش ب 81000 ..ارجو ان تتقبل رأيي

[Screenplays]

ما هو كونتاكت كارز هو جزء من السوق و كان في فعلا عربيات بسبعينات و في ازيد من التمانينات فقولت يبقي المتوسط 80000 جنيه و خصوصا ان كلهم موديل 2008 و ادي صاحب حضرتك شاريها ب 81000 جنيه يعني انا كلامي صح

[omarkhaled55]

طب بالنسبة للناس الى بتحب المانيوال يعملوا اية فى موضوع الامان دة ؟؟؟؟

[Screenplays]

ما هي دي المعضله لان الفتيس العاده راحت عليه للاسف

[ahmedesmat1987]

المنوال مفهاش abs ولا اول فئه اوتو فيها الهاى لاين بس على ما اعتقد والفرامل بتاعتها كهربا هى والباور يعنى الفيوز لو ضرب مش هتلاقى فرامل تحت رجليك ......

[Screenplays]

يعني الباور و الفرامل كهربه مش زيت ؟ يا ستار يا رب انا كنت فاكر الباور بس و طب الدبرياج ايه ؟ كهربه برضه ؟

[seso100100]

المانيوال ما فيهاش ايرباج او فرامل ايه بى اس و سعرها لو فابريكة بره و جوه لا يتعدى 70 الف جنيه حسب الكيلوات و لو رشه حزام ففى حدود 62 الف جنيه خلى بالك ان سوق المستعمل حاليا ضعيف فممكن تكون الاسعار نزلت عن كده و الاسعار على كونتكت كار غير دقيقة وعند الشراء فى كلام تانى

[Screenplays]

المانيوال ما فيهاش ايرباج او فرامل ايه بى اس و سعرها لو فابريكة بره و جوه لا يتعدى 70 الف جنيه حسب الكيلوات و لو رشه حزام ففى حدود 62 الف جنيه خلى بالك ان سوق المستعمل حاليا ضعيف فممكن تكون الاسعار نزلت عن كده و الاسعار على كونتكت كار غير دقيقة وعند الشراء فى كلام تانى

+1111111111111111