كيف استلم سيارتي الجديدة وماهي الاجراءات من البداية لنهاية الترخيص؟

[Hooba17]

الأخوة الأعزاء في منتدى نايل موتورز
السلام عليكم وكل عام وأنتم بخير
عندي استفسار من حضراتكم
كنت عايز أعرف أعمل إيه وأنا بستلم سيارة جديدة من المعرض واتأكد من إيه وأراجع إيه؟ - سواء في السيارة أو في الأوراق الخاصة بها؟ - وكنت عايز أعرف إيه تسلسل الإجراءات لحد ما استلم رخصة السيارة من المرور؟ - و أد إيه الوقت من أول ما أروح المعرض استلم لحد ما تطلع الرخصة؟
وتكلفة الترخيص في المرور كام سنة أو سنتين أو تلاتة؟؟

وأشكر كل الأخوة مقدماً على مساعدتي

م. إيهاب الشرقاوي

[Screenplays]

بالنسبه للمرور بتشتري ملف فحص لاول مره ب 15 جنيه تقريبا و بتفحص و مهندس الفحص بيكتبلك البيانات في الملف ده و طبعا بتكون شاري قبليها الطفايه و بعد كده بتروح تدفع التأمين ب 75 جنيه تقريبا للسنه الواحده و بتدفع الضريبه في الخزنه اللي جبت منها الملف و بعد كده بتروح للظابط عشان يأشر علي الملف و مش عارف خطوه الظابط امتي بالظبط و بعد كده بتاخد الملف ده و تروح و بتاخد النمر بيه في وقت تاني و تكلفه الترخيص 500 جنيه تقريبا للسنه الواحده

[Hooba17]

أشكر حضرتك على الرد السريع
عندي استفسار آخر سيدي الفاضل
يعني لو سنة واحدة 600 جنيه اجمالي التكاليف واضرب في 2 او 3 لسنتين و3 سنين؟؟
والطفاية بتكون بكام؟؟

أشكركم مرة أخرى

[Screenplays]

يعني لو سنة واحدة 600 جنيه اجمالي التكاليف واضرب في 2 او 3 لسنتين و3 سنين؟؟

ايوه

والطفاية بتكون بكام؟؟

كنت شاريها من 3 سنين ب 125 جنيه من فرع بافاريا

[Hooba17]

وهل الاجراءات دي من البداية للنهاية بتخلص في نفس اليوم؟

[Screenplays]

لو الدنيا رايقه ممكن تخلص في يوم واحد بس لو مرور زي مرور السلام عقبال ما ترخص هتكون العربيه اتكهنت ههههههههه

[Hooba17]

الله يطمنك يا أخي
وشاكر مساعدة حضرتك جدا جدا جدا
وجزاك الله كل الخير

[Screenplays]

الله يخليك يا فندم

[Hooba17]

الله يخليك يا فندم

شكرا لسيادتكم

[mpop]

http://www.nilemotors.net/Nile/212403-a.html

ده موضوع يفيدك في استلام العربية من المعرض

[Screenplays]

شكرا mpop علي اللينك