مين عفشته انعم (النترا 2012 -لانوس)

[mohamed_berlitz]

انا ناوى اجيب انشاء الله النترا 2012 بس عندى اهم حاجة صوت الكاوتش على الطريق يكون واطى وفى المطبات تكون ناعمة
اية رأيكوا بقى دلوقتى
احتفظ بعربيتى الانوس ولا اجيب النترا 2012 وانا وحظى بقى فى دوشة العجل ونشوفيت العفشة

[shaddadfalcon1]

لو اللانوس مريحاك ومفيهاش مشاكل يبقي بلاش جديد وفرق الفلوس اعملك بيه مصلحه

[ASKAFRAWY]

لو اللانوس مريحاك ومفيهاش مشاكل يبقي بلاش جديد وفرق الفلوس اعملك بيه مصلحه

+11
نفس الرأى واعتقد نوع الكاوتش هو البيفرق فى موضوع الصوت على الطريق
لان انا معايا هيونداى النترا الشكل القديم 2011 ونويت اغير الكاوتش بسبب الموضوع دة بنوع
brigestone turanza super silent gr90
اعتقد 2200 جنيه مش كتير انك تريح نفسك من موضوع صوت الكاوتش وهبد المطبات

[memo823000]

اولا مفيش وجه للمقارنه
لا تسارع ولا راحة ووسع صالون ولا تكييف ولا راحة سواقه ولا اى حاجه
بالنسبه للكوتش لو هتجيب الالنترا وهيا لسه وقفه من غير متتحرك روح لبتاع بريدجستون خليه يجبلك 4 فرد يابانى محترمين (بجملة المصاريف) وانت نعوميه العفشه وهدوء السواقه هيفرق معاك جامد جدا
طبعا الحاله اللى فاتت لو ربنا فاتحها عليك والمبلغ مش هيضلعك وعايز تريح نفسك

اما بقى لو الكاش يادوب وتتزنق و الانوس انت مرتاح فيها ومش قرفاك فانا مع راى الناس وفرهم احسن محدش عارف بكره فيه ايه

والله المستعان

[Screenplays]

يعني موضوع العفشه هو اللي فرق مع حضرتك ؟ اصل حضرتك بتقارن عربيتين مينفعوش يتقارنوا اصلا و غالبا اللانوس انعم زيها زي الفيرنا

[PoweRPassioN]

غريبه أوي المقارنه دي
نسيت كـــــــــــــــل حاجه وأفتكرت صوت الكاوتش

[mohamed_berlitz]

اولا مفيش وجه للمقارنه
لا تسارع ولا راحة ووسع صالون ولا تكييف ولا راحة سواقه ولا اى حاجه
بالنسبه للكوتش لو هتجيب الالنترا وهيا لسه وقفه من غير متتحرك روح لبتاع بريدجستون خليه يجبلك 4 فرد يابانى محترمين (بجملة المصاريف) وانت نعوميه العفشه وهدوء السواقه هيفرق معاك جامد جدا
طبعا الحاله اللى فاتت لو ربنا فاتحها عليك والمبلغ مش هيضلعك وعايز تريح نفسك

اما بقى لو الكاش يادوب وتتزنق و الانوس انت مرتاح فيها ومش قرفاك فانا مع راى الناس وفرهم احسن محدش عارف بكره فيه ايه

والله المستعان

كلامك مريح جدا جدا جدا شكرا ليك , انا فعلا الموضوع دة ممكن يأجل فرصتى للجواز 3 سنين قدام مع العلم انى فى الثلاثنيات دلوقتى

[mohamed_berlitz]

غريبه أوي المقارنه دي
نسيت كـــــــــــــــل حاجه وأفتكرت صوت الكاوتش

انا عارف انة اهتمام غريب شويتين
بس طبعا دة علشان اكيد فى سبب يا باشا
عندى مشكله فى اذنى وبالتالى بيفرق معايا صوت العربية اللى بتلازمنى اكتر من اى حد

[mohamed_berlitz]

لو اللانوس مريحاك ومفيهاش مشاكل يبقي بلاش جديد وفرق الفلوس اعملك بيه مصلحه

شكرا يا باشا على النصيحة اللى فعلا كل الناس القريبة منى نصحونى بيها بس انت عارف بقى طيش شباب هههههه , شباب عدى الثلاثين

[PoweRPassioN]

انا عارف انة اهتمام غريب شويتين
بس طبعا دة علشان اكيد فى سبب يا باشا
عندى مشكله فى اذنى وبالتالى بيفرق معايا صوت العربية اللى بتلازمنى اكتر من اى حد

ألف لا بأس عليك
بس أنت عايش في البلد دي أزاي !!

[shaddadfalcon1]

طالما فيها جواز يبقي الجواز اولي ولو حصلت تبيع اللانوس كمان عشات تتجوز يبقي بيعها ولما ربنا يكرمك هات اللي احسن منها

[Screenplays]

كلامك مريح جدا جدا جدا شكرا ليك , انا فعلا الموضوع دة ممكن يأجل فرصتى للجواز 3 سنين قدام مع العلم انى فى الثلاثنيات دلوقتى

بلاش جواز بلا نيله اشتري العربيه اللي نفسك فيها و عيش حياتك

انا عارف انة اهتمام غريب شويتين
بس طبعا دة علشان اكيد فى سبب يا باشا
عندى مشكله فى اذنى وبالتالى بيفرق معايا صوت العربية اللى بتلازمنى اكتر من اى حد

1000 سلامه علي حضرتك و انا برضه بعاني مع مشكله في وداني

[memo823000]

كلامك مريح جدا جدا جدا شكرا ليك , انا فعلا الموضوع دة ممكن يأجل فرصتى للجواز 3 سنين قدام مع العلم انى فى الثلاثنيات دلوقتى

ربنا يكرمك ويرزقك الزوجه الصالحه اللى بجد تخليك اسعد واحد (واهم حاجه الدين)
طبعا الجواز ثم الجواز ثم الجواز
وحاول بقدر المستطاع انك تصلى استخاره وتتوكل على الله وتتزوج وتعف نفسك لان فوق الثلاتين كتير هتلحق تستمتع امتى ياراجل
وكمان تحتفظ بالانوس لان العربيه مهمة جدا جدا جدا عشان تحمى نفسك وبيتك بلا النترا بلا بطيخ قصاد الجواز
وعلى فكره الالنترا من غير النص الحلو كانها 127 من غير بيبان .......تخيل
ويلا شد حيلك عشان اعضاء قسم هيونداى وكيا وشيفورليه وتويوتا و............... وباقى اعضاء نايل موتورز الكرام بس معزومين على فرحك
والله المستعان

[egyptiandiver]

نوع الكاوتش هو البيفرق فى موضوع الصوت على الطريق.

[egyptiandiver]

الكاوتش سبب أساسي في الصوت العالي بتاع العربية, و في كمان إضافة بتتحط في الموتور بتاع العربية بتخليه أنعم و د برد ممكن يقلل من صوت المحرك. بالتوفيق إنشاء الله فالعربية و الاهم مع الاسرة السعيدة إن شاء الله.