مـا هـو افــضـــــل مـركـز صيــانـة لــغـــبـور ؟؟؟

[sameh.acc]

الحمدلله ياجماعة عملت بالعربية 990 كيلو وخلاص نويت اروح اعمل صيانة ال 1000 حجزت فى قليوب والميعاد يوم الاتنين الصبح بس مرعوب بعد ماراجعت بعض مشاكل الصيانة والاهمال اللى بتحصل لبعض الاعضاء مش عارف اغير المركز واروح ابو رواش ولا اية نظام كارتك ولا فية مركز تانى احسن ؟؟ انا سمعت ان فية مركز صيانة لهيونداى تابع لابو غالى ؟ محتار ياجماعة جدا وخايف اكتررررر لان العربية فية بعض المشاكل ظهرت منها مشاكل بسيطة وخايف اقول عليها يدمرولى العربية او تظهر مشاكل اكبر ارجو المساعدة ربنا يكرمكم
((( انا عملت استطلاع يفيد اعضاء المنتدى اللى عايزين يعملوا صيانة ومحتارين برضة )))

[lanos2]

الحمدلله ياجماعة عملت بالعربية 990 كيلو وخلاص نويت اروح اعمل صيانة ال 1000 حجزت فى قليوب والميعاد يوم الاتنين الصبح بس مرعوب بعد ماراجعت بعض مشاكل الصيانة والاهمال اللى بتحصل لبعض الاعضاء مش عارف اغير المركز واروح ابو رواش ولا اية نظام كارتك ولا فية مركز تانى احسن ؟؟ انا سمعت ان فية مركز صيانة لهيونداى تابع لابو غالى ؟ محتار ياجماعة جدا وخايف اكتررررر لان العربية فية بعض المشاكل ظهرت منها مشاكل بسيطة وخايف اقول عليها يدمرولى العربية او تظهر مشاكل اكبر ارجو المساعدة ربنا يكرمكم
((( انا عملت استطلاع يفيد اعضاء المنتدى اللى عايزين يعملوا صيانة ومحتارين برضة )))

ربنا معاك شد حيلك خد اقرأ هذه الروابط يمكن تفيدك و تاخد بالك كويس

http://www.nilemotors.net/Nile/showthread.php?t=2891

http://www.nilemotors.net/Nile/showthread.php?t=20687

http://www.nilemotors.net/Nile/showthread.php?t=15348

http://www.nilemotors.net/Nile/showthread.php?t=23870

[Puresoul]

ربنا يكون في العون..الواحد في الأخر مضطر يركب الصعب..
انا مواعيدي معاهم يوم الثلاثاء الجاي..
ممكن لو تسمحو حد يوصف لي الطريق لأبورواش بالنسبه لواحد زي ساكن في مصر الجديده..
ياريت بالتفصيل الممل لو أمكن و اكون شاكر ليكم جدا..
شكرا..

[sameh.acc]

يارب يااستاذ lanos2 اخلص معاهم على خير المواضيع اللى حضرتك اديتنى لينكاتها تخلى الواحد قلبة فى رجلية بجد مهما خدت الصيانة من وقت هلزقلهم جوا ومليش دعوة هدخل اشوف عربيتى وهى بتتصان يعنى هدخل ايش ضمنى انهم يغيروا اى قطعة منها او اللى هيسوقها هيحكها ولا هيضغط ع الموتور لازم ادخل اتفرج عليهم وهما شغالين ,,,,
فعلا يا استاذ puresoul الواحد مضطر يروح حتى ع الاقل لصيانة ال 10.000 اناحددت معاهم انى اروح الاتنين الصبح علشان فى الروقان وميكونش فية زحمة ,,, انا اسمع ان ابو رواش دية عند كارفور داندى طريق مصر اسكندرية الصحراوى قبل البوابات بس تحديدا مش عارف ,,,,
بالنسبة ياجماعة للتصويت :( شكل مفيش حد راح قليوب قبل كدا او الناس راحت ومعجبهاش ياريت حد يكون راح قليوب يقولى اية مستوى المركز العام لان اغلب التصويت لابو رواش ومراكز اخرى هل ياترى المراكز الاخرى دية تبع غبور ولو تبعو لو كويسة ياريت توضيح فين مكانهم ؟

[theking2690]

لأ الخدمه فى مركز قليوب كويسه واحسن مهندس هناك اسمه مهندس احمد و هيسألوك وانت خارج اذا كان فيه حاجه معجبتكش او حاجه هيحسبوا المسئول قدامك

[sameh.acc]

ربنا يريحك يا استاذ theking2690 بجد طمنتنى كنت مرعووووووووب ومش عارف الغى الحجز ولا لا ربنا يكرمك على مشاركتك

[bassam nagy]

ماتقلقش انا مجرب الخدمة فى ابو رواش
والمهندسين هناك كويسين وعمتا ربنا يوافقق

[Puresoul]

النهارده عملت صيانة الالف في أبورواش
كانت مواعيدنا الساعة 3 و تقريبا وصلت على الساعة 2 و ربع..
اول ما وصلت لزقولي بلاستر على العربيه برقم ترتيبي و مع مين من المهندسين..
لما ركنت العربيه و دورت على المهندس ما لقيتوش قمت سالت عليه و كانو معلقين لسته باسماء المهندسين و ارقام تلفوناتهم اتصل على المهندس الي مفروض اتابع معاه..
قمت جيبته و كانت معاملته محترمه و كويسه و وضح لي ايه الي حيتعمل و سألني عن اي شكاوي خاصه الحمد لله ما كانش في حاجه..
المهم لما قعدنا كانت الساعة 3 و مفروض انه حسب ما اتفقنا معانا انه حنستلمها على 6 أو 7 بالكثير..
المهم طلعنا الاستراحه فوق و قعدنا انتظرنا لما جات الساعة 6 ندهو علي و دفعت الفاتوره و استلمت العربيه على طول..
طبعا كان في فحص ليها و كانو حرصين انها ما تتوسخ و كانو حاطين ورق في الارضيه و فويل على الدركسون ..صراحه الانطباع جدا مرتاح و مبسوط انه كان كده التعامل بعد ما خوفني اعضاء كثار من مشاكل أبو رواش..

[Nile_Storm]

مبروووووووووووووووووك صيانه الالف

و عقبال صيانه المليون

المهم طمنا انطباعك ايه عن العربيه بيعد ال 1000 الاولي

[Puresoul]

مبروووووووووووووووووك صيانه الالف

و عقبال صيانه المليون

المهم طمنا انطباعك ايه عن العربيه بيعد ال 1000 الاولي

والله الحمد لله مرتاح و مطمن اكثر و اكثر انه كان الاختيار الصح..و ان شاء الله ده يكون انطباع الجميع بعد الالف لكن من تنتظرهم صيانه الالف كيلو..
تحياتي..

[kewies]

قعدنا انتظرنا لما جات الساعة 6 ندهو علي و دفعت الفاتوره و استلمت العربيه على طول..

هوة مش المفروض ان اول صيانة مجانا ؟؟ كمان انا عاوز اغبر الزيت فى اى بنزينة مش فى التوكيل عشان بيبقى اغلى و قرأت عن اخطاء حدثت فى هذا الموضوع .. و بالمناسبة انا عاوز احط موبيل 1 سوبر كل 10000 كم ، اية رايكم فية ؟؟ و شكرا

[marshall]

أنا برضة لسة عامل صيانة الألف كيلو في قليوب الأسبوع اللي فات

والله وأنا رايح كنت حاسس أني رايح أرمي عربيتي لوحوش هيرجعوهالي خردة

الحمد لله وصلنا الساعة عشرة الصبح والمهندس سألنا اذا كان في أي مشاكل قولناللو لا مافيش وسألنا عن نوع الزيت اللي عاوزينوا وادانا كارتين (لي وللوالد) علشان نجيب بيهم مشروبات في الاستراحة

وبعد تلات تربع ساهعة ندهوا علينا و دفعنا 110 واستلمت العربية

أول أما ركبيناخا أعدنا نفتش فيها لقيناها زي الفل وكانو حاطين كياس على الكرسي والدركسيون والأرضية علشان ما تتوسخش وعلبة فيها بقيت الزيت وكان في كياس فيها أكل ما اتلمستش وازازة مية برضة ما اتلمستش والعربية زي الفل

اللي ما عجبنيش هانك :
الحمامات من غير مناديل
المهندس ما يعفش الفرق بين الزيت المعدني والتخليقي (بقولو تخليقي بيقولي ايوة الزيوت عبارة عن خلطة)

[mmolazem]

[وكانو حاطين كياس على الكرسي والدركسيون والأرضية علشان ما تتوسخش وعلبة فيها بقيت الزيت وكان في كياس فيها أكل ما اتلمستش وازازة مية ][/QUOTE]

الف مبروك وربنا يبارك لك فيها.
- متنساش نحتفظ بالأكياس عشان الصيانات الجايه.

[(بقولو تخليقي بيقولي ايوة الزيوت عبارة عن خلطة)][/QUOTE]

- ومتنساش كمان تاخد جيركن الزيت الباقى معاك الصيانه الجايه عشان يظبطولك منه الخلطه.
ربنا يباركلك فيها ويكفيك شرها وتسير بها فى الخير دائما.

[kewies]

الحمد لله وصلنا الساعة عشرة الصبح والمهندس سألنا اذا كان في أي مشاكل قولناللو لا مافيش وسألنا عن نوع الزيت اللي عاوزينوا وادانا كارتين (لي وللوالد) علشان نجيب بيهم مشروبات في الاستراحة

وبعد تلات تربع ساهعة ندهوا علينا و دفعنا 110 واستلمت العربية

يا ترى 110 ج دول ثمن الزيت و للا اية ؟؟ و اية نوعة و بيستمر كام كم ؟

[sameh.acc]

الحمدلله تمت النهاردة صيانة ال 1000 كيلو على خير بدأت من لحظة دخولى الساعة 9صباحا واستلم منى المهندس العربية وقالى اية المشاكل قولتلة الانذار فية واحد بيعلق ,, والفرامل ساعات اما بدوسها بضغطة معينة بسمع صوت تخبيط ,, وفرامل اليد مبتمسكش الا على اعلى تكة بس ,,, والدبرياج نقطة الفصل بتاعتة عالية جدا ,, والحمدلله تم تسليم العربية وقالى لو فية فلوس اومتعلقات شخصية شيلها معاك و حطوا ع الكراسى اكياس علشان متتوسخش وع الدركسيون برضة وتم تحديد الميعاد المتوقع الساعة12.30 المهم قلبى كان واكلنى ع العبية بقيت طالع نازل واتفرج عليهم من فوق لحد مافية ميكانيكى تبعهم جاب العربية وحط الزيت وجة يغسل الموتور والحوض طلسقها وشايفة من فوق قولت اما انزلة ,,,, ندهوا اسمى وحت اددفع فى الخزينة مبلغ 104جنية تمن زيت شل 5000 وتمن فلتر الزيت المهم نزلت بقى استلم العربية لقيت كلة اتعمل وبفتح الكبوت وعينكم ماتشوف الا النورر لقيت التراب فى كل ناحية ولا كأنة اتغسل روحت نادة على الميكانيكى اللى عملها قولتله تعالى دية اتغسلت المهم قالى انا غسلها قولتله اه بس مش بذمة زى الميكانيكيين اللى جنبك مطلعين العربيات مية مية من هنا لهنا قالى هو دة اللى بيتعمل وانا كدا عاملها كويس وبيستعمينى لو عايز فية فوم للتنظيف وبتحاسب عليه روحت بقا معلى صوتى ودة المفروض شغلك وانا مقولتلكش تعمل فوم بس اعملها كويس بذمة شوية شوف العربيات اللى خارجة من تحت ايد زمايلك عاملة ازاى المهم قالى معرفش كلم المدير قولتله ماشى رحنا كلمنا المدير بتاع الصالة تحت اسمة مارك بالأمانة قمه الذوق قالى انا هعملهالك مش هينفع اخليك تمشى وانت زعلان وقعد يحلف المهم فية ميكانيكى كدا زوق هناك قالى انا هعملهالك فوم ,, بقى هو والمهندس مارك شغالين فى العربية بالأمانة قمة الذوق والله قعدت احلف عليه خلاص انى ممكن اعملها عندى فى الجراج وهو يحلف لا لحد ماعملها فوم ,, بس ومشيت بيها لقيت فعلا العيوب دية كلها راحت واتعالجت ولله الحمد ,, هو دة انطباعى عن مركز قليوب مركز مية مية بوجة عام والناس هناك ذوق بصراحة ( بغض النظر عن الميكانيكى اللى شديت معاه دة )