إعـــــــلان

Collapse

.

,
See more
See less

افيدوني افادكم الله

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    افيدوني افادكم الله

    السلام عليكم .الاعضاء الكرام
    انا من المتابعين الجيدين للمنتدى.بس انا قليل المشاركه جدا ومكنتش اعرف اني هاحتاج للمساعده بشده من اهله المنتدى
    انا اشتريت من فضل لله النترا 2012 وكيل اول فئه اوتوماتيك. واشار علي احد اصدقائي اني اركب وحده رفع زجاج في السياره . وركبتها بنظافه شديده وبدون احداث اي تغيرات في السياره
    فا\ا بواحد صاحبي تاتي قال لي ان اللي حصل ده اخرجني من الضمان والعربيع عامله 400 كلم
    ونا بصراحه مغموم من وقتها هل الكلام دا صح ولو صح اعمل ايه انزل افكه الوحده دي وارجع كل حاجه زي الاول وللا اعمل ايه؟ افيدوني
    الكلمات الدلالية (Tags): افادكم, افيدونى, الله
  • #2
    ياباشا اللى انت عملتة يخرج العربية من ضمان الكهرباء بس ولكن ضمان العفشة والميكانيكا سارى ان شاع الله اما بالنسبة لو رجعت كل حاجة تانى يعنى لو ملعبتش فى الضفيرة او قطعت سلوك يبقى تمام ومتقلقش الكهرباء مابيحصلش فيها حاجة ان شاء الله ومبروك عليك العربية
    حسام أبو كريمة

    Comment

    • #3
      و عليكم السلام و رحمة الله
      أحب أطمن حضرتك
      أنا و لله الحمد مركب وحدات رفع للماتريكس من أول أسبوع من الزيرو و العربيه فضل ضمانها ساري و غيرت كاسيت مرتين في الضمان و محدش بياخد باله و محدش بيعلق عليه و كمان عملولي صيانه لمكنة رفه الزجاج كانت محتاجه تزييت و خلافه و المهندس مبيتكلمش
      و الله مش بيدققو إلا علي الحاجات اللي بيبقي فيها لعب

      إن شاء الله خير و متقلقش
      الأهم إننا عايزين حضرتك تبقي متابع معانا دائما و تشارك معانا
      وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

      Comment

      • #4
        الله يطمنك يا حسام باشا. ونا هبقي معاكم علي طول انشاء الله وهنزل تقريري عن الالنترا 2012 قريبا

        Comment

        • #5
          الله يبارك فيك. وانا مقطعتش اي حاجه في الضفيره ولا غيرتها واشتغلت علي الفيش الموجوده

          Comment

          • #6
            المشاركة الأصلية كتبت بواسطة ibnmoaz مشاهدة المشاركة
            الله يطمنك يا حسام باشا. ونا هبقي معاكم علي طول ان شاء الله وهنزل تقريري عن الالنترا 2012 قريبا
            المشاركة الأصلية كتبت بواسطة ibnmoaz مشاهدة المشاركة
            الله يبارك فيك. وانا مقطعتش اي حاجه في الضفيره ولا غيرتها واشتغلت علي الفيش الموجوده

            في إنتظار تقرير حضرتك
            و طالما الموضوع فيش فقط يبقي الشغل أتعمل بنضافه و مفيش أي حد يقدر يتحجج و يوم إن قدر الله حصل حاجه الوحده تتشال تترمي و ياخدو عربيتهم يصلحوها لكن هم مش بيدققو كده
            وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

            Comment

            • #7
              اولا مبروك لصاحب الموضوع وربنا يباركلك في العربيه ويحفظها
              ثانيا معلش انا خبرتي في العربيات كمان قليلة ( هي ايه وحدة الرفع دي )
              تقصد ان الزجاج يطلع او يقفل اوتوماتيك مع السنترلوك

              Comment

              • #8
                المشاركة الأصلية كتبت بواسطة ahmad33hussein مشاهدة المشاركة
                اولا مبروك لصاحب الموضوع وربنا يباركلك في العربيه ويحفظها
                ثانيا معلش انا خبرتي في العربيات كمان قليلة ( هي ايه وحدة الرفع دي )
                تقصد ان الزجاج يطلع او يقفل اوتوماتيك مع السنترلوك

                هو ده
                أول ما تقفل السنتر و العربيه مطفيه يطلع الزجاج
                وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                Comment

                • #9
                  شكرا يا حسام علي ردك تسلم
                  و انا عربيتي النترا 2011 وفعلا مفهاش كده ولازم أأكد علي كل الابواب قبل ما انزل                   وحاجه تخنق لانها متعبه وحصلت قبل كده معايا
                  اني نسيت زجاج الباب اللى وراه مفتوح بس الحمدلله جات سليمة وكانت العربية
                  مركونه جنب الحيط محدش خد لباله :) . وبفكر اركبه بس قلقان من الضمان ؟

                  Comment

                  • #10
                    المشاركة الأصلية كتبت بواسطة ahmad33hussein مشاهدة المشاركة
                    شكرا يا حسام علي ردك تسلم
                    و انا عربيتي النترا 2011 وفعلا مفهاش كده ولازم أأكد علي كل الابواب قبل ما انزل                     وحاجه تخنق لانها متعبه وحصلت قبل كده معايا
                    اني نسيت زجاج الباب اللى وراه مفتوح بس الحمدلله جات سليمة وكانت العربية
                    مركونه جنب الحيط محدش خد لباله :) . وبفكر اركبه بس قلقان من الضمان ؟


                    هي عربية حضرتك أول فئه مانيوال
                    و لا غبور بقي يشيل وحدة الرفع من الإلنترا؟؟؟
                    و لا شكر علي واجب
                    وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                    Comment

                    • #11
                      اه اول فئة مانيوال !!

                      Comment

                      • #12
                        المشاركة الأصلية كتبت بواسطة ahmad33hussein مشاهدة المشاركة
                        اه اول فئة مانيوال !!

                        هو للأسف موجود في الفئات اللي بعد كده
                        لكن ممكن نركب وحدة رفع و هي رخيصة مش غاليه لن تتعدي 200 جنيه لو نضيفه جدا
                        وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                        Comment

                        • #13
                          المشاركة الأصلية كتبت بواسطة hossam99 مشاهدة المشاركة

                          هو للأسف موجود في الفئات اللي بعد كده
                          لكن ممكن نركب وحدة رفع و هي رخيصة مش غاليه لن تتعدي 200 جنيه لو نضيفه جدا
                          للاسف يا استاذ حسام مافيش وحدة رفع فى كل فئات الالنترا بعد سنة 2008 مش عارف ليه و كل عيد و انت بخير

                          Comment

                          • #14
                            المشاركة الأصلية كتبت بواسطة aymanshebl مشاهدة المشاركة
                            للاسف يا استاذ حسام مافيش وحدة رفع فى كل فئات الالنترا بعد سنة 2008 مش عارف ليه و كل عيد و انت بخير

                            كل سنة و حضرتك طيب
                            أنا كنت فاكرها ماشيه زي ما أنا أشتريت
                            أنا فول أوبشن أوتوماتيك 2008 بوحدات رفع

                            حاجه تغيظ
                            وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

                            Comment

                            • #15
                              شكرا لردكم الكريم

                              بفكر جديا اني اركبه بس الضمان ايه رأيك هيأثر عليه؟
                              انا اعرف واحد قريبي يده حلوة في كهربة العربيات ومطنش انه هيلعب في الضفيرة

                              ايه رأيكم

                              Comment

                              السابق 1 2 template التالي
                              Working...
                              X