النترا 2012 مالها وما عليها بعد 4000 كم

[coffendote]

ألف شكر

[Haitham10]

هوة الكوتش ممكن يفرق اوى كدة تقريبااا مفتكرش .... هوة انا اعرف ان فىكوتشات تعطى ثبات على الارض عشان اعرض لكن ممكن يعطيك كفأه فى الفرامل الله اعلم

مقاس الكاوتش بيديلك الثبات

انما نوع الكاوتش نفسه ..... اغلب الناس بتشتغل في كاوتش سعره بيتراوح من 200 ل400 جنيه الفرده

في ياباشا انواع محترمة جدا من بريدج ستون واللي متابع هيلاقي في موديلات ونقشات عالمية بتنزل جديدة اول باول وبتبقي غالية جدا بس الغالي تمنه فيه وبتفرق في
الصوت
اداء الفرامل وفي كاوتش ردئ متخصص زحف ههههه
نعومة او خشونة في المشي
مدى تحملها حسب ظروف القيادة وكل نوع له استخدام (ممطر شتاء او صحرا الخ)

وانا في رأيي القادر ميبخلش في تمن الكاوتش طالما العربيه هتقعد معاه فترة طويلة بالاخص

لان الكاوتش دة روح العربيه كلها فعلا

[dado_256]

مبروك العربيه الجديده

[amrosh]

شكرا على التقرير الرائع................ ربنا يباركلك فيها ويكفيك شرها

[grinsh]

لو جيبت العربية من التوكيل ممكن تلاقي فعلا الكاوتش كومهو اما لو خليجي تلاقي كاوتش العربية هانكوك من نوع خاص جدا عالي الجودة وده من مميزات العربية

[dr.amr]

بصراحه هي العربيه علي سرعات عاليه وتفرمل بتزحف زحف السنين

بس عامة الفرامل مش سيئه خالص

كويسه بس مقارنة بعربيات في نفس سعرها اقل طبعا

[rekillme]

يا جماعة والله انا بدأت اشك ان الفرامل عيب شرعى فى العربية

[mohamedalielsayed]

فعلا يا جماعه انا شفت واحده زيرو راكنه و كان عجلها الهانكوك و بعدين انا معايا الاوبترا 2008 اول ما جبتها محستش ان فيه مشكله عربيه وزنها 1300 كيلو جرام بسم الله ماشاء الله و كانت معايا قبليه ابيزا و ولدتي نيو-اكسنت و اخويا رينو لوجان و صاحبي كيا كارنز كل العربيات ده جربتها من الزيروا من غير محس بمشكله نا متهيلي المشكله في شده انسيابيت العربيه و ده بيقلل لمقاوم لاتيجي تقف و بيخلي وزنها غلبيته علي الفرامل كبير اوي بالنسبه ل abs هو علقته تنظيم عدد لفات كل عجله علشان العربيه متلفش حولين العجله الي بتلف اقل انما المشكله الي ادمنا عدم قدرت الفرامل علي ايقاف السياره يعني تيل و تنبير و نظام الفرامل كله مش abs و رغم سوء نوع العجل الا انه ملوش دخل هو ممكن يعمل بس صوت عالي
المشكله دلوتي ان حرتي زادت
كنت ناوي اجيب الانترا 2012 مانيول و بقارن بين الانسر بوما اوتومتك او كيا كارينز اوتومتك او لانسر شارك مانيول او فلورنس مانيول او كروز اوتوماتك تنصحوني بقيه يا جماعه

[AutoTycoon]

هو الناس اللي بتقول انها بتزحف دي الفئة اللي من غير ABS مش كدا ؟؟؟ لو كدا يبقى طبيعي انها تزحف يعني مش عيب ! العيب لو بتزحف بالabs

[Samir Elshahawy]

ال ايه بى اس مش بيقصر مسافة الفرملة
وظيفته كلها تنحصر فى انه بيدى امكانية المناورة بالعربية و الفرامل كبوسة من غير ما العربية تعوم

كده تبقى العربية تقيلة على الفرامل بتاعتها و الكاوتش اللى فيها ردئ

ده الكلام السليم
ال abs مابيفرقش كتير عن الفرامل العادية الاثنين بيوقفوا العربية في نفس المسافة تقريبا و لكن الفرق في أمكانية التحكم في مسار العربية و توجيهها أثناء الفرملة
يعني ممكن أنت تستخدم الفرامل العادية علي أنها abs بس ده بيحتاج خبرة و تركيز شوية و هدوء أعصاب
عموما أنا بأنصح بالتروي و عدم الجري الزيادة عن اللزوم تجنبا للمواقف الطارئة طالما أن فيه مشكلة في الفرامل أو الي أن يتم التعود علي العربية

مع خالص تحياتي
م/ سمير الشهاوي

[bukla]

يا جماعه انهارده و انا راجع من 6 اكتوبر شوفت حادثه الانترا الجديده اصطدمت بقوة فى ظهر ماتريكس واضح ان الفرامل ما اسعفتوش و الله اعلم
الخسائر فى الماتريكس الشنطه و الكنبه اللى ورا وصلت لظهر السائق اما الالنترا وش العربيه كله راح اكصدام و فوانيس و شبكه و كابوت و رفارف
ربنا يكفينا كلنا شر الحوادث ارجو من الجميع التأنى و ترك مسافه مناسبه بينك و بين العربيه اللى قدامك
ربنا يسترها معانا جميعا ان شاء الله

[rafeee2]

بما اني شايف في ناس كتير بتشتكي إن فيه أنواع كاوتش بيزحف مع الفرامل (لما تكون مش ABS طبعاً)
أحب اشارك معاكو حاجة ظريفة
طبعاً كلكو عارفين سايت tirerack.com
لو روحتو لل-link ديه
Kumho Ecsta ASX
ديه مثلاً صفحة العجلة ال-Kumho Ecsta ASX
دوس على Surveys
بص على ال-score بتاع ال-Dry Traction
دة مقياس أداء العجلة أثناء الفرملة على أرضية جافة

أخضر غامق: ممتاز
أخضر فتح: جيد جداً
أصفر: جيد
بمبة: معقول
أحمر: سيئ جداً جداً :)

كل واحد بقى يدور عل كوتش إلي عاجبو و يشوف الكلام ده

[das1328]

لو قارنا بين مسكت الفرامل على الأرض الناشفة والأرض المبلولة هنلاقي إن الفرامل بتفقد فاعليتها بشكل واضح على الأرض المبلولة لأن إحتكاك الكوتش مع الأرض قل بسبب المية يبقى ممكن فعلا يكون كوتش الكموهو إلي نازل في العربية سيئ لأنو إحتكاو مع الأسفلت مش كويس بالنسبة لحجم العربية يبقى في الحالة ده الإيه بي إس مش هيفرق إلا في القدرة على التحكم في العرية أثناء الكبس على الفرامل ومش هيأثر على قوة الفرامل

[Scud]

ال ايه بى اس مش بيقصر مسافة الفرملة
وظيفته كلها تنحصر فى انه بيدى امكانية المناورة بالعربية و الفرامل كبوسة من غير ما العربية تعوم
belive it:
الـABS بيقلل مسافات (وأزمنة) التوقف فى الظروف الـideal بتاع الكاوتش والطريق!!
يعنى: الكاوتش ضغطه مضبوط ووصل لحرارة مناسبة للتماسك, الطريق جاف ونظيف... وكده

لسبب بسيط جدا:
أنه حتى فى حالة الـFull-Braking بيحط الفرامل فى الـThreshold بتاع الـbraking
يعنى: أفضل دوسة تخلى التيل يمسك الديسك.. just قبل مايحصل wheel Lock-up اللى بيخلى العربية تزحف!

كده تبقى العربية تقيلة على الفرامل بتاعتها و الكاوتش اللى فيها ردئ

+111
ممكن يكون مقاسات الديسكات والتيل, قدرة الضغط بتاع ماستر الفرامل, والـload-transfer بين المحورين أثناء الفرملة... أقل من وزن العربية وقدرة الموتور + الكاوتش السىء
(للأسف ده مش جديد على هيونداى)!!
وفى الحالة دى...الـabs مش هيفرق كتير! المناورة بس هتبقى أفضل.
لاااااااااااازم upgrade للفرامل

لو جيبت العربية من التوكيل ممكن تلاقي فعلا الكاوتش كومهو اما لو خليجي تلاقي كاوتش العربية هانكوك من نوع خاص جدا عالي الجودة وده من مميزات العربية

Whatever كومهو, هانكوك أو نيكسين... كله كورى يافندم يعنى مش بتاع "أداء"
لو عايز كاوتش: تسارع, تماسك, ملفات, غرز, فرامل, مناورة على رمل, ميه....etc يبقى:
-Continental SportContact, BidgeStone Potenza, Michelin PilotSport, Pirelli P Zero
ولو ثمنهم غالى... تقدر تنزل على الـPremium grade بدل السبورت من كل نوع:
يعنى P7 بدل P Zero وEnergy بدل Pilot و Turanza بدل الأدرينالين!!

فى أسوا الأحوال.. هتبقى أفضل من النقشة السبورت بتاع الهانكوك والكومهو

ده الكلام السليم
يعني ممكن أنت تستخدم الفرامل العادية علي أنها abs بس ده بيحتاج خبرة و تركيز شوية و هدوء أعصاب

No-Way مستحيل!
هتقدر تدوس وتسيب (تكارك) على الفرامل بتردد 30 مرة فى الثانية؟؟!!! زى الـBosch ABS 8.1 ما بيعمل
(أكيد طبعا الـabs Mando بتاع الكيا-هيونداى مابيعملش كده )

لو قارنا بين مسكت الفرامل على الأرض الناشفة والأرض المبلولة هنلاقي إن الفرامل بتفقد فاعليتها بشكل واضح على الأرض المبلولة لأن إحتكاك الكوتش مع الأرض قل بسبب المية

لو الكاوتش بيعمل Aqua-planning أو Hydro-planning يعنى النقشة مش بتقدر تشتت الميه برا مساحة التماس مع الأرض... دى تبقى مصيبة!!

- رأيى الشخصى: الناس تسوق فى حدود قدرات الثبات والفرامل بتاع العربية, هى مش Sport
whatever كانت مهارتك كـ سواق... ليها حدود!
وربنا يستر طريقنا جميعا isA

[hishastat]

+111
ممكن يكون مقاسات الديسكات والتيل, قدرة الضغط بتاع ماستر الفرامل, والـload-transfer بين المحورين أثناء الفرملة... أقل من وزن العربية وقدرة الموتور + الكاوتش السىء
(للأسف ده مش جديد على هيونداى)!!
وفى الحالة دى...الـabs مش هيفرق كتير! المناورة بس هتبقى أفضل.
لاااااااااااازم upgrade للفرامل



Whatever كومهو, هانكوك أو نيكسين... كله كورى يافندم يعنى مش بتاع "أداء"
لو عايز كاوتش: تسارع, تماسك, ملفات, غرز, فرامل, مناورة على رمل, ميه....etc يبقى:
-Continental SportContact, BidgeStone Potenza, Michelin PilotSport, Pirelli P Zero
ولو ثمنهم غالى... تقدر تنزل على الـPremium grade بدل السبورت من كل نوع:
يعنى P7 بدل P Zero وEnergy بدل Pilot و Turanza بدل الأدرينالين!!

فى أسوا الأحوال.. هتبقى أفضل من النقشة السبورت بتاع الهانكوك والكومهو


No-Way مستحيل!
هتقدر تدوس وتسيب (تكارك) على الفرامل بتردد 30 مرة فى الثانية؟؟!!! زى الـBosch ABS 8.1 ما بيعمل
(أكيد طبعا الـabs Mando بتاع الكيا-هيونداى مابيعملش كده )


لو الكاوتش بيعمل Aqua-planning أو Hydro-planning يعنى النقشة مش بتقدر تشتت الميه برا مساحة التماس مع الأرض... دى تبقى مصيبة!!

- رأيى الشخصى: الناس تسوق فى حدود قدرات الثبات والفرامل بتاع العربية, هى مش Sport
whatever كانت مهارتك كـ سواق... ليها حدود!
وربنا يستر طريقنا جميعا isA

شكرا جزيلا لحضرتك علي التحليل الجيد. أنا أعيش في بريطانيا منذ 4 سنوات، وتعلمت أن (Review) المستهلك مهم جدا قبل شراء أي منتج. لم أجد أي شكوى من الفرامل من Elentra 2011 في الولايات المتحدة وجميع الدول الأخرى. هل تعتقد أن استخدام هذا بسبب المكابح الخلفية (Rear discs) ونظم مثل ABS مع نظام EBD وBAS. من فضلك ، قل لي إذا كنت تستطيع حل هذه المشكلة ، عندما كنت شراء نفس السيارة التي تحتوي على هذه المواصفات. شكرا جزيلا