لاصحاب الخبره ساعدوني بالله عليكم

[emadhamdy]

يا جماعه انا حجزت بالف جنيه في عمارات العبور صلاح سالم هيونداي النترا 2012

اول فئه اتوماتيك اللي من غير جنوط وبصراحه عايز اسحب الحجز واجيب خليجي يكون فيها جنوط وebs بالله عليكم ساعدوني قولولي كده صح والا ايه انا محتااااااااااار جدا ومحتاج النصيحه لوجه الله

ملحوظه محتاج اعرف ضروري الفئه اللي فيها abs وجزاكم الله خيرا باذن الرحمن

[aatif]

باشا هات اللى فيها abs انا دلوقتى عرفت قيمتها لما لقيت عربيتى بتزحف 15 متر وياترى هتخبط ولا لأ ولو كان فيها abs كان زمانها وقفت قبل كده بكتير

انا معايا النترا 2012 برضه
ولو رجع بيا الزمن كنت جبت خليجى فيها abs
لأن العربية بتجرى ومهما كنت محافظ وواخد بالك محدش ضامن الظروف والحمد لله العربية محدش اشتكى منها وطلع فيها عيوب-- يبقى اتكل على الله وهات خليجى فيها abs

ودى نصيحة منى لوجه الله وربنا يوفقك

[emadhamdy]

باشا هات اللى فيها abs انا دلوقتى عرفت قيمتها لما لقيت عربيتى بتزحف 15 متر وياترى هتخبط ولا لأ ولو كان فيها abs كان زمانها وقفت قبل كده بكتير

انا معايا النترا 2012 برضه
ولو رجع بيا الزمن كنت جبت خليجى فيها abs
لأن العربية بتجرى ومهما كنت محافظ وواخد بالك محدش ضامن الظروف والحمد لله العربية محدش اشتكى منها وطلع فيها عيوب-- يبقى اتكل على الله وهات خليجى فيها abs

ودى نصيحة منى لوجه الله وربنا يوفقك

ربنا يكرمك يا غالي

طيب معلش استحملني في كام سؤال

انت شايف اني استغني عن التوكيل بتاع غبور واجيب الخليجي؟

الفئه اللي فيها abs خليجي بكام لان مش هقدر ازود كتير ؟

بالنسبه اذا حصل اعطال للعربيه لا قدر الله ايه اللي بيعملوه اللي اشتروا خليجي قبل كده ؟

وطبعا انا في كل الاحوال مش هجيب غير النترا 2012 وده شي مفيهوش تفكير لانها بجد عربيه محترمه شكلا وموضوعا...كل الحكايه توكيل والا خليجي هي دي الحيره

وبجد بشكرك لنصيحتك الغاليه

[propagaanda]

ربنا يكرمك يا غالي

طيب معلش استحملني في كام سؤال

انت شايف اني استغني عن التوكيل بتاع غبور واجيب الخليجي؟

الفئه اللي فيها abs خليجي بكام لان مش هقدر ازود كتير ؟

بالنسبه اذا حصل اعطال للعربيه لا قدر الله ايه اللي بيعملوه اللي اشتروا خليجي قبل كده ؟

وطبعا انا في كل الاحوال مش هجيب غير النترا 2012 وده شي مفيهوش تفكير لانها بجد عربيه محترمه شكلا وموضوعا...كل الحكايه توكيل والا خليجي هي دي الحيره

وبجد بشكرك لنصيحتك الغاليه

انا معايا النترا هاي لاين خليجي (هي مش خليجي هي كوري) فيها ABS w 10 airbags
بس ب 150000

لو طالبة معاك ABS و ممكن 2 ايرباج ممكن تعمل في حدود 140000 حسب التاجر و شطارتك
بس اتأكد من وجود ال ABS هتلاقيه جوه الكبوت خلف الموتور

افكس للوكيل خالص و اشتري ضمان على عربيتك عند أي مركز خدمة معتمد و بس بلا غبور بلا نيلة
صراحةً ال ABS مهم جدا في العربية دي انا لولاه كانت العربية خيشت من زمان بجد محترم جدا و مطلوب أوي للعربية دي

[AutoTycoon]

انا مش عارف اي فئة اللي فيها abs ... بس فعلاً الفرق يستاهل حتى لو اغلى شوية او حتى هات اكسنت rb ب abs احسن من الانترا بدون و دا رأيي و بالتوفيق

[propagaanda]

انا مش عارف اي فئة اللي فيها abs ... بس فعلاً الفرق يستاهل حتى لو اغلى شوية او حتى هات اكسنت rb ب abs احسن من الانترا بدون و دا رأيي و بالتوفيق

Accent RB غبور هاي لاين
مفيهاش ABS
و طبعا مش يوم ما يجيب خليجي يركب أكسنت حتى لو بال ABS
احسنلك اصبر شوية و لم قرشين زيادة و هات الانترا بال ABS
بس فعلا النترا بدون ABS هتكره الفرامل بتاعتها

[AutoTycoon]

Accent RB غبور هاي لاين
مفيهاش ABS
و طبعا مش يوم ما يجيب خليجي يركب أكسنت حتى لو بال ABS
احسنلك اصبر شوية و لم قرشين زيادة و هات الانترا بال ABS
بس فعلا النترا بدون ABS هتكره الفرامل بتاعتها

غريبة انا فاكر عضو هنا كان مستلمها هاي لاين وكيل بجنط 16" و كاميرا و سينسورز و بلوتوث و 6 ايرباج و abs

[propagaanda]

غريبة انا فاكر عضو هنا كان مستلمها هاي لاين وكيل بجنط 16" و كاميرا و سينسورز و بلوتوث و 6 ايرباج و abs

أكسنت rb بكاميرا و 6 ايرباج كمان
انا بقولك غبور مانزلش الكاميرا في الهاي لاين النترا ... هتلاقيها في الأكسنت ؟!!!
الحاجات دي هتلاقيها في الالنترا الهاي لاين و مش بتاعة غبور كمان

انا عندي كاميرا في ال النترا بتاعتي بس دول معدودين جدا و كلهم خليجي أو كوري مش غبور خالص و طبعا هاي لاين

[AutoTycoon]

الموضوع كان هنا .. انا كمان مستغرب

[propagaanda]

الهاف أكسنت rb
تكييف هواء يدوى - زجاج كهربائى - غلق مركزى للابواب - باور ستيرنج - مصباح فرامل خلفى علوى - ضبط ارتفاع كرسى السائق - مرايات تضبط كهربائيا - مرايات جانبية مزودة باشارات - مسند يد - فتح الشنطة من الداخل - راديو و سى دى - 4 سماعات - جنط 14 عادي

الهاي لاين أكسنت rb
تكييف هواء - زجاج كهربائى - مرايات تضبط كهربائيا - مرايات جانبية مزودة بأشارات - غلق مركزى للابواب - زجاج ملون - مخادع راس قابلة للتعديل - باور ستيرينج - عجلة قيادة متعددة الوظائف - مصابيح ضباب - مصباح فرامل خلفى علوى - ضبط ارتفاع كرسى السائق - بلوتووث - مسند يد - عازل لغطاء الموتور - راديو و سى دى - 4سماعات - جنوط 14 سبورت

يعني الفرق هو
مصابيح ضباب - بلوتوث - عجلة قيادة متعددة الوظائف - عازل لغطاء الموتور - جنوط 14 سبورت

[Th3Leader]

اول فئه فيها abs من غبور تمنها 130 الف وانصحك تجيب من غبور اضمن وارخص ليك لان حسب معلوماتي الخليجي ب 141 وفيها كماليات زياده زي الجنوط و فتحه السقف ... ولانك بتقول مش هتقدر تزود كتير يبقا غبور احسن بالنسبه ليك

[Donzi]

زود الفرق و هات ال abs لان عوامل الامان دلوقتي اصبح لا غنى عنها و بتفرق فعلا

[aatif]

ربنا يكرمك يا غالي

طيب معلش استحملني في كام سؤال

انت شايف اني استغني عن التوكيل بتاع غبور واجيب الخليجي؟ (انا رأيى اه لأن العربية محترمة ومشاكلها مش كتير وبالتالى لو لاقدر حصل حاجه هتكون بسيطة وتقدر انت تعملها فى اى مركز معتمد)

الفئه اللي فيها abs خليجي بكام لان مش هقدر ازود كتير ؟ (انا وقت ما اشتريت من التوكيل كانت عامله 133 الف abs , 1 air bag)

بالنسبه اذا حصل اعطال للعربيه لا قدر الله ايه اللي بيعملوه اللي اشتروا خليجي قبل كده ؟ انا الصراحة معنديش فكرة فى الموضوع ده ممكن حد من الأعضاء يفيدك فى القصة دى

وطبعا انا في كل الاحوال مش هجيب غير النترا 2012 وده شي مفيهوش تفكير لانها بجد عربيه محترمه شكلا وموضوعا...كل الحكايه توكيل والا خليجي هي دي الحيره

وبجد بشكرك لنصيحتك الغاليه

وبالتوفيق ان شاء الله