أعمل ايه؟؟

[ibnmoaz]

كل سنه وانتم طيبين يا شباب
عندي مشكله مش عارف هبله ولا كبيره.انا رجعت من صيانه ال1000 في الاالنترا 2012 غبور قليوب لقيت لما بفتح العربيه بالرموت يديني مرتين فلاشر اشارات ويفتح.بس لما اقفل بالريموت يقفل بس من غير اي فلاشر والاول كان بيديني فلاشر واحد طويل. قلت اصبر يومين يمكن يكون لما رشو الموتور بالماء وهينشف لكن مفيش فايده وليه الفلاشر شغال بس مع الفتح؟ اعمل ايه

[rekillme]

ارجع للتوكيل فورا .. هتلاقى فيه مشكله اكيد

[elpasha1]

الريموت عاوز يتبرمج
بسيطة ان شاء الله
ارجع على التوكيل

[Ashraf_Ibrahim]

المشكلة بسيطة لا تقلق
روحلهم بدون حجز او حاجة وقلهم انا جيت عملت صيانة والمشكلة دي حصلت وهما هيظبطوهالك على طول لا تقلق

[dolly13]

انا عندى المشكلة دى فى الفيرنا وبتبقى بالمزاج يعنى فيه ايام تعمل كدة وايام تانية تبقى عادية خالص لكن بصراحة لم اهتم لمعرفة السبب وربنا يستر

[Hussein_Ramdan]

ههههههههههه كبر دماغك اوقات بتعملها معايا
بس بص ياباشا هى اظاهر اوبشن وتعامل معاها على انها اوبشن

[bukla]

حقولك على حاجة كده جربها يمكن تنفع و ما تحتاجش تروح للتوكيل
و انت بتقفل العربيه بالريموت جرب ماتشيلش صباعك من على زر القفل على طول يعنى دوس دوسه طويلة شويه (لمده 5 ثوانى) على زر القفل و انت بتقفل اعتقد ان شاء الله حتلاقيها رجعت تنور الفلاشر معاك ثانى و هى بتقفل
بالتوفيق ان شاء الله

[ibnmoaz]

شكرا للجميع الاهتمام.انا رجعت من المشوار اللي كنت فيه وهجرب موضوع الريموت اعلق صباعي علي الاقفل شويه.وفيه واحد قالي علق علي الزرارين مع بعض الفتح والقفل.هجرب واقولوكو

[Ayman-Ahmed]

نصيحة بلاش تطنش اى حاجة فى الانذار لان الانذار علق معايا قبل كدة وعملت الريسيت اللى هو الضغط على الزرارين واشتغل وبعد كدة علق تانى ولقيت فى الاخر فيوز محروق وبعدها الانذار كله بقى بيعلق مش فلاشر وبس واشتريت واحد جديد.

وطالما خرجت من التوكيل واكتشفت العطل.يبقى العطل حصل جوة من المياه او الفيوز ضرب لعيب فيه او اى مشكلة بسيطة ولا تقلق.بس انصحك تكلم خدمة العملاء الاول واحكى الموقف وشوف هيقولوا ايه.

[Donzi]

شكرا للجميع الاهتمام.انا رجعت من المشوار اللي كنت فيه وهجرب موضوع الريموت اعلق صباعي علي الاقفل شويه.وفيه واحد قالي علق علي الزرارين مع بعض الفتح والقفل.هجرب واقولوكو

جرب و لو فضل زي ما هوا ارجع للتوكيل افضل

[ibnmoaz]

جربت كل حاجه ومفيش فايده. انا هروح التوكيل يوم الاتنين انشاء الله وهقولوكو

[Ashraf_Ibrahim]

*ان شاء الله
هكذا تكتب يا صديقي

[ibnmoaz]

*ان شاء الله
هكذا تكتب يا صديقي

جزاك الله خيرا.عندك حق مخدتش بالي فالمعنى مختلف تماما. تعالى الله عما نقول علوا كبيرا

[ibnmoaz]

اسف اسف علي التاخير.كنت مشغول جدا
الحمد لله المشكله اتحلت.مش هتصدقو كان ايه السبب.وانا رايح غبور قليوب استبعدت المشوار وخصوصا وانا ساكن في اخر الهرم فقلت أعدي علي واحد بتاع كماليات وانذار في شارع المطبعه في الهرم اسمه بدر الدين انا كنت عارفه من قبل كده ف بعت معايا صنايعي قعد يلعب في الريموت ومفيش فايده.
لحد ما قالي افتح الكبوت كده وبص علي بطن الكبوت من جوه وقالي خلاص يا استاذ عرفنا السبب جرب كده النور بتاع الفلاشر اشتغل مع القفل كل حاجه والانذار كمان
اتاري فيه صباع كاويتشوك في بطن الكبوت المفروض بيدوس علي مفتاح في سدر العربيه(زي مفتاح نور الابواب اللي في القايم) ف يدي اشاره للانذار ان الكبوت مقفول فينور نور الفلاشرات ان تم غلق جميع ابواب السياره ويشغل الانذار
الصباع دا بقى كان مش موجود فالانذار على طول قاري ان اكبوت مفتوح ف مابيديش اشاره الغلق
ركبت واحد من عنده فكله بقى تمام.ماتتخيلوش مدى السعاده اللي كنت فيها لما عمل كده و ما افتاش وقعد يلعب في حاجه.الحاجه اتانيه كنت ها خش في موال مع غبور ومين اللي عمل كده انا ولا هما وفيلم.
الراجل مخدش مني جنيه بس قالي بلغ اللي تعرفهم عن المحل هنا انه فيه كل حاجه من كماليات واجهزه انذار واجهزه كاست الاصليه بتاعت معظم انواع السيارات مزوده بكاميرات وحساسات الرجوع للخلف و بلوتوث وجي بي اس وشاشات تتش.
الحمد لله الموضوع خلص على خير واشكر للجميع اهتمامهم وتعاونهم