سوناتا الجديدة ..... أخبارها ايه ؟

[MaZaGAngeE]

سوناتا الشكل الجديد الموديل ال 2000 سي سي ....
مانيوال ب 155 و الأوتو ب 170 ...
حد جربها أو جابها يقولنا العربية ايه ظروفها و أخبار قطع الغيار ايه و الكماليات بتاعتها ...

[HOSSAM99]

علي ما أعتقد محدش جربها
لكن فيه ناس بتقول إن الأسعار دي للشكل القديم
لكن هي فعلا لو كانت بالسعر ده كانت غزت السوق كفايه شكلها و حجمها

[MOUSTAFA_SAAD]

دى كده قريبه من الالينترا

[raedegypt]

سوناتا الشكل الجديد الموديل ال 2000 سي سي ....
مانيوال ب 155 و الأوتو ب 170 ...
حد جربها أو جابها يقولنا العربية ايه ظروفها و أخبار قطع الغيار ايه و الكماليات بتاعتها ...

عربيه ممتازة طبعآ ... من الاخر تحفه جربناها تآجير هنا فى الرياض الاتوماتيك ال كانت معانا تحفه نعومه وصالون وتابلوه واضاءات طياره. الغوامق فيها اخر شياكه الاسود الكحلى الفيرانى النبيتى الحاجات دة

[MaZaGAngeE]

الأسعار دي أقل أسعار للشكل الجديد مش القديم اللي مقلقني منها انها قليلة جدا في مصر الموتور الأكبر 2400 سي سي زود 100 ألف على الأرقام دي طيب حد عارف اتفرج عليها فين ؟ هل ليها تيست درايف ؟

[ahmad_luca]

يا افندم لو دا سعر الشيب الجديد ومعندكش اى مشاكل من ال2000 سى سى و الترخيص ال 1000 جنيه باين كده فل السنه
و الاكسيسوريس الغاليه يعنى فانوس الالنترا بيقولو ب 1800 الجديده

هاتها وش من غير نقاش
من غير متفكر حتا
الناس اللى جربت الالنترا شكرت فيها اخر جاحه و الالنترا دى بالنسبالها زى الفيرنا

اتكل على الله و هاتها
لو مدايأك انها مش منتشره
لان انا اما سألت اتقالى انها بتبدأ فوق ال 200 الف و اتقالى هاى لين فوق 300
دا لما كانت فى معرض القاهره اول مانزلت
دى حاجه
تانى حاجه الناس بتبص لل 2000 انو كوخا عشان ةترخيصو حراق
بالاضافه ان الناس اللى معاه 200 الف بتجيب اسكودا او جيتا او باسات او جولف و بى ام 1.6 و بيبعدو عن الكورى
دى ثقافه الاغنياء يقولك يعنى ادفع 150 الف فى النترا و الناس تقول راكب كورى
ولا ادفع 150 فى المانى !!! ولا حتا فانتازيا

بس كده لكن كعربيه اسأل اى حد خليجى عيها سواء الشيب الجديد او القديم

بس اتاكد ان الكلام على الشيب الجديد
وبالتوفيق

[Hussein_Ramdan]

انا كونت فى ابو رواش من كام اسبوع السوناتا يارجالة ب 390 الف
بس انا سمعت الرقم دة مجاليش نفس اسئل انهى فئة

[MaZaGAngeE]

فئات سوناتا موديل 2011 الشكل الجدي من موقع كونتاكت كارز :

1- مانيوال 2000 سي سي السعر 155 ألف مفيهاش abs و شكلها ملط
2- أوتوماتيك 2000 سي سي السعر 170 ألف و فيها abs
3- أوتوماتيك 2400 سي سي السعر 190 ألف فيها abs و وسادة هوائية للسائق
4- أوتوماتيك 2000 سي سي السعر 320 ألف فيها abs و وسادة هوائية للسائق
5- أوتوماتيك 2000 سي سي السعر 345 ألف كاملة
6- أوتوماتيك 2000 سي سي السعر 365ألف كاملة و فتحة سقف .
7- أوتوماتيك 2000 سي سي السعر 399 ألف هاي لاين .


الحقيقة أنا مش فاهم فروقات الأسعار دي جت ازاي ؟!!!!!!!!
لو حد فاهم ياريت يفهمني !!!!

[ahmad_luca]

اممممممم
ما انا بردو استغربت حضرتك جبت السعر دا منين 150 دا تمن الالنترا الجديده

لا يا افندم حضرتك سيبك من كونتك كارز فى اسعار العربيات الجديده لانو فى اغلب الاحيان مش مظبوط اوى والاسعار بتقل و ترخص و هوا بيعدل كل فتره كبيره
يعنى هو معدلش اما نزلت الجديده ( العربيات المشهوره هى اللى اسعارها قريبه من الصح )

لكن مستعمل اشطه

بالنسبه لو دا المصدر اللى سائل فيه
فدا غلط تمامااا ( فيه التباس فل الاسعار لان لسه القديمه موجوده بواقى)

320 و 399 دا اسعار الشكل الجديد فى مصر عشان كده مش منتشره

يعنى بتقارن ب 316 بى ام بتبدأ ب 240 الف
و سى كلاس مرسيدس ب تبدا 290 الف
و كمان ارخص منها
لكن 2011 الشكل القديم او 2010 دى اللى ب 150 الف ل 200 الف
و دى بردو محترمه جدا جداجدا


عشان كده متلقيش السوناتا الجديده فل الشارع لانو الاس كلاس او بى ام المانى و 1.6 مش الفين سى سى كمان ( ممكن تلاقيها جمارك , انا شوفت اتنين بس مترخصين مصر فالعربيه شحيحه الوجود )

بالتوفيق يا افندم و لو كده فكر فى الالنترا الجديده وشوف تقيم الاعضاء ليها
اعلى فئه ب 154 الف
و بتبدأ ب 115 الف
ثم الفلونس

لو عايز حجم يبقى شوف السوناتا القديمه
وبالتوفيق

[yoko]

فئات سوناتا موديل 2011 الشكل الجدي من موقع كونتاكت كارز :

1- مانيوال 2000 سي سي السعر 155 ألف مفيهاش abs و شكلها ملط
2- أوتوماتيك 2000 سي سي السعر 170 ألف و فيها abs
3- أوتوماتيك 2400 سي سي السعر 190 ألف فيها abs و وسادة هوائية للسائق
4- أوتوماتيك 2000 سي سي السعر 320 ألف فيها abs و وسادة هوائية للسائق
5- أوتوماتيك 2000 سي سي السعر 345 ألف كاملة
6- أوتوماتيك 2000 سي سي السعر 365ألف كاملة و فتحة سقف .
7- أوتوماتيك 2000 سي سي السعر 399 ألف هاي لاين .


الحقيقة أنا مش فاهم فروقات الأسعار دي جت ازاي ؟!!!!!!!!
لو حد فاهم ياريت يفهمني !!!!

السوناتا من أكتر العربيات المحترمة في هيونداي وبحبها بصراحة بس كالعاده غبور بيستهبل عربيه زي دي من غير abs وفئات بإيرباج واحده!!!! ربنا ينتقم منك يا غبور لإن دي كده متتركبش غير أم 345 الف وبالسعر ده الs60 برقبتها مليون مرة ده غير على ما أسمع إن غبور باشا بيعامل ملاكها إنهم عاهم مرسيدس وقطغ غيارها زي الألماني في السعر

[raedegypt]

ياجماعه العربيه دة تحفه

[yoko]

عربيه ممتازة طبعآ ... من الاخر تحفه جربناها تآجير هنا فى الرياض الاتوماتيك ال كانت معانا تحفه نعومه وصالون وتابلوه واضاءات طياره. الغوامق فيها اخر شياكه الاسود الكحلى الفيرانى النبيتى الحاجات دة

ياجماعه العربيه دة تحفه

أقسم بالله العظيم عرفنا

[yasserelsayad]

فئات سوناتا موديل 2011 الشكل الجدي من موقع كونتاكت كارز :

1- مانيوال 2000 سي سي السعر 155 ألف مفيهاش abs و شكلها ملط
2- أوتوماتيك 2000 سي سي السعر 170 ألف و فيها abs
3- أوتوماتيك 2400 سي سي السعر 190 ألف فيها abs و وسادة هوائية للسائق
4- أوتوماتيك 2000 سي سي السعر 320 ألف فيها abs و وسادة هوائية للسائق
5- أوتوماتيك 2000 سي سي السعر 345 ألف كاملة
6- أوتوماتيك 2000 سي سي السعر 365ألف كاملة و فتحة سقف .
7- أوتوماتيك 2000 سي سي السعر 399 ألف هاي لاين .


الحقيقة أنا مش فاهم فروقات الأسعار دي جت ازاي ؟!!!!!!!!
لو حد فاهم ياريت يفهمني !!!!

اكيد من 155 لـ 190 دا الشكل القديم لان لما سألت كانت اول فئة بـ 320 فعلا

[MaZaGAngeE]

ٍs60 سعرها 258 و 278 يعني أرخص بكتير من سوناتا .... بالعقل كده مين هيدفع أكتر من 150 في كوري لو حتى بتقول بابا و ماما ..

[yasserelsayad]

ٍs60 سعرها 258 و 278 يعني أرخص بكتير من سوناتا .... بالعقل كده مين هيدفع أكتر من 150 في كوري لو حتى بتقول بابا و ماما ..

طيب ما الـ s60 متقفلة فى الصين وبعدين الموتور بتاعها سعته اقل فا اكيد الجمارك اقل باردوا