حد عارف الفيرنا 2012 هتنزل امتى

[ahmedxy]

حد عارف الفيرنا 2012 هتنزل امتى وهل الشكل هو هو ولا فية تغيير فى الشكل وبالتالى فى السعر عشان اخوكم ناوى انشاء الله على فيرنا ودى هتكون انشاء الله اول عربية لى ومستنى اجمع نصف تمنها عشان اجيبها من بنك ناصر بدون ضامن عشان هم اقل فايدة بنك على مستوى البنوك وكونتاكت كار بدون ضامن ونفس المقدم وعدد الشهور والفرق اكثر من 200 جنية فى الشهر يعنى تفرق معايا اكتر من 8000 وياريت اللى لية تجربة مع بنك ناصر يقولى واللى سال الوكيل عن 2012 متى تنزل وفية تعديلات ولا لا ولا هتكون هى هى ال 2011ودمتم بخير وهل فية فيرنا ميتالك وشكرا

[HOSSAM99]

شهر و لا أتنين و تنزل إن شاء الله لكن بشرط أنه يبيع بالكامل موديل 2011 و لو ما أتبعش يبقي هاتنزل علي أول السنه الجديده
مبروك مقدما

[Ashraf_Ibrahim]

مفيش اي اختلاف في الشكل اطلاقا
الفيرنا هي الفيرنا بدون اي تغيير اطلاقا في الشكل

[mahamedaraby]

ال 2012 حاليا موجود فى السوق وكان نازل عرض عليها فى رمضان خصم 2000 جنيه لكن تقريبا العرض ده انتهى

[ahmaid]

باشا الفيرنا 2012 موجودة عند سمير ريان لسه حاجزها انهارده
ومستني موافقة البنك واستلم
والشكل هي هي مفيش تغيير انا حمايا معاه 2008 الفرق الوحيد اللي انا شايفه ان الكاسيت فيه مخرج usb غير كده مفيش وانشاء الله لما استلم هابقي اقلب فيها كده واشوف
وانا حاسس ان هي اعلي شوية من 2008 ولا ده وهم

[meshmesh_egypt]

مفيش حاجه اسمها فيرنا شكل جديد بعد كده لان الفيرنا ديه كانت الاكسنت 2003 لحد مانزلت النيو اكسنت 2006 وبعد كده خلاص بقى الاكسنت بقى غبور بينزلها اول بأول بدون تقفيل انما الفيرنا اى تغير فى شكلها هتبقى فى شبكة او اكصدام او فوجات مش اكتر او اى افتاكسات مصرية غبوريه انما بره مبقاش فيه حاجه اسمها فيرنا

[micho129]

heya s3rha kam elw7d 7'aleey fel zero a7san 3ashan ellused as3aroo habal?

[Medo007]

مفيش حاجه اسمها فيرنا شكل جديد بعد كده لان الفيرنا ديه كانت الاكسنت 2003 لحد مانزلت النيو اكسنت 2006 وبعد كده خلاص بقى الاكسنت بقى غبور بينزلها اول بأول بدون تقفيل انما الفيرنا اى تغير فى شكلها هتبقى فى شبكة او اكصدام او فوجات مش اكتر او اى افتاكسات مصرية غبوريه انما بره مبقاش فيه حاجه اسمها فيرنا

تمام كده +11111111111111

[mahmoudalaa]

راجع الموضوع دهhttp://www.nilemotors.net/Nile/242942-2012.html

[AutoTycoon]

على فكرة غبور بقى بينزل الفيرنا بفاميه دلوقتي :)) (بزيادة 1000 جنيه)

[SAMER_ENGINES]

نزلت فعلاً لأنى لسه مكلم غبور النهاردة و سائل عليها و قالت لى بالنص الفيرنا موديل 2012 كاملة مانيوال سعرها 71250 و لما كلمنى حد من خدمة العملاء و عرف انى ممكن اقسط تبع بنك مصر قال لى انا كدة هعملك خصم 1% و لا زالت الحيرة و تجميع نص التمن فى سباق مع الزمن و الأسعار.