تسقيف حراره ولا كهربا ولا بنزين

[organic_magic]

السلام عليكم ورحمه الله وبركاته



كالعاده قبل ما امد ايدى في العربيه واعمل شغل لازم اخد رايكو ونصيحتكم الاول



انا كان عندي تسقيف جامد جدا في العربيه وكنت مفكر بنزين او كهربا وسرفت كتير كتير عل الموضوع دا



طلع في الاخر التسقيف مش من البنزين ولا الكهربا - دا كلام 2 ميكانيكيه رحتلهم بعد العيد


العيب طلع من الحراره - عايز خراطه في وش السلندر واغير الجوان يعنى نص عمره



ال 2 ميكانيكيه اكدولى نفس الكلام العيب مش بنزين دا تسقيف حراره - كمان كان فيه بخر زيت جامد علشان الحراره بتوصل لدرجات عاليه جدا - انا كنت مفكر ان الزيت اللي بحطه مش كويس (توتال) غيرته وحطيت (بترومين) كنت كل لما اغير زيت ينزل لتر بس - الشكمان مبيخرجش دخان ولا ابيض ولا ازرق ولا اسود


من الاخر وش السلندر (مقفع) وعايز خراطه والجوان يتغير وبالمره نبص عل الشمبر والسلندرات


الموضوع هيتكلف 2000 جنيه - بس انا حاسس انه كتير لانى ممكن اجيب مكنه استيراد ب 1200 جنيه (بس المكنه الاستيراد زى البطيخه ممكن تكون هيا كمان عايزه شمبر )


انا بسافر بالعربيه اسبوعيا وبجيب 140 عل الطريق عادي من غير مجهود حاسس ان المكنه كويسه (احساس مش عارف لو عايزه عمره المفروض تجيب كدا ولا لا ) بس العربيه في المشاوير الصغيره بتبقي مطلعه نار والمؤشر في النص عادي والمراوح بتشتغل ولسه مغير علبه الشكمان ومنظف باقي الشكمان


لسه مقررتش هاعمل ايه افتونىفي امرى اكرمكم الله


دا موضوعى القديم http://www.nilemotors.net/Nile/241805-a.html

[smsmbakr]

متابع بأهتماااااااااام

[organic_magic]

يارب

[eppo56]

شكل العربية اخدت ع <عين شافت وما صلت عالنبي>
مقولتش هل مؤشر الزيت بينور معاك ويثبت ، خصوصا قبل ما تغيره وينزل لتر بس ، زي ما بتقول !!!
تاني حاجة انت بتحط زيت كام ؟؟؟؟ وهل كنت بتغيره بانتظام ولا بتتأخر سعات ؟؟
مؤشر الحرارة بايظ خالص ؟؟ ولا شغال وبيكون تحت , اول ما تدور الموتور , وبيطلع بالتدريج ؟؟؟

[organic_magic]

شكل العربية اخدت ع <عين شافت وما صلت عالنبي>
مقولتش هل مؤشر الزيت بينور معاك ويثبت هى لمبه مش مؤشر مبتثبتشي ، خصوصا قبل ما تغيره وينزل لتر بس ، زي ما بتقول !!!
تاني حاجة انت بتحط زيت كام 3000؟؟؟؟ وهل كنت بتغيره بانتظام ولا بتتأخر سعات الحمد لله عمرى متاخرت ؟؟
مؤشر الحرارة بايظ خالص ؟؟ ولا شغال وبيكون تحت , اول ما تدور الموتور , وبيطلع بالتدريج ؟؟؟


اول ما بدور الموتور بيشتغل , وبيطلع بالتدريج

[HOSSAM99]

و عليكم السلام و رحمة الله
مع أحترامي للميكانيكي اللي أفتي بإن الموضوع وش سلندر محتاج خراطه فده كلام مرسل لأن اللي بيعرف الوش مقفع و لا لأ علي حد معلوماتي هو الخراط إلا بقي لو الوش حالتة ضايعه و متشافه بمجرد النظر أو مشروخ
لكن الكلام الأخير مستبعد لأن العربيه بتجيب سرعه جيده و كمان أوتوماتيك
أنا حاسس إن الموضوع كله جوان وش سلندر
أما لو كلامي طلع غلط و تشخيص الميكانيكي صح يبقي التكاليف ملهاش لازمه و هات موتور فيرنا بمشتملاته و بيع موتور حضرت و فتيسه

[organic_magic]

و عليكم السلام و رحمة الله
مع أحترامي للميكانيكي اللي أفتي بإن الموضوع وش سلندر محتاج خراطه فده كلام مرسل لأن اللي بيعرف الوش مقفع و لا لأ علي حد معلوماتي هو الخراط إلا بقي لو الوش حالتة ضايعه و متشافه بمجرد النظر أو مشروخ
لكن الكلام الأخير مستبعد لأن العربيه بتجيب سرعه جيده و كمان أوتوماتيك
أنا حاسس إن الموضوع كله جوان وش سلندر
أما لو كلامي طلع غلط و تشخيص الميكانيكي صح يبقي التكاليف ملهاش لازمه و هات موتور فيرنا بمشتملاته و بيع موتور حضرت و فتيسه

طب ياحسام هو كلامك منطقي وجميل جدا جدا
بالنسبه للجزء الاولانى تمام وميه ميه وانا بقول كدا برضه واللي اكدلى ان قربه الميه والريداتير فيهم زيت يعنى كدا الجوان رايح فيها والموضوع باله يجي 4 شهور يعنى لو الوش كان رايح مكنتش هاعرف اسافر بيها رايح جاى وكان الزيت مقعدش خالص في المكنه ومكنتش جابت سرعات عاليه

الجزء التانى - انا عربيتى اكسينت اتو مواصفات امريكي - فمش عارف لو مكنه الفيرنا هينفع تركب وهل الفتيس الفيرنا الاتو كفاءته زى دا
الفينا كمان 1600 وانا 1500 فمش هينفع 1600 معايا علشان العربيه منطقه حره ومش مسموح باكتر من 1500

فربنا يسهل ويطلع كلامك صح

[HOSSAM99]

طب ياحسام هو كلامك منطقي وجميل جدا جدا
بالنسبه للجزء الاولانى تمام وميه ميه وانا بقول كدا برضه واللي اكدلى ان قربه الميه والريداتير فيهم زيت يعنى كدا الجوان رايح فيها والموضوع باله يجي 4 شهور يعنى لو الوش كان رايح مكنتش هاعرف اسافر بيها رايح جاى وكان الزيت مقعدش خالص في المكنه ومكنتش جابت سرعات عاليه

الجزء التانى - انا عربيتى اكسينت اتو مواصفات امريكي - فمش عارف لو مكنه الفيرنا هينفع تركب وهل الفتيس الفيرنا الاتو كفاءته زى دا
الفينا كمان 1600 وانا 1500 فمش هينفع 1600 معايا علشان العربيه منطقه حره ومش مسموح باكتر من 1500

فربنا يسهل ويطلع كلامك صح

أنا مكنتش أعرف موضوع المنطقة الحره ده
أما لو كان ينفع ففتيس الفيرنا علي الموتور 1600 جيد جدا و نادر الأعطال و موتور قوي جدا
و للعلم هو سعة الموتور مش 1600 لأ هو 1599 شوف لو ينفع و لا لأ
و كمان الإفراج ممكن يتظبط يبقي 1500 زي عربيات كتير مغيره مواتير معدية 2000 cc و بترخص 1500
علي العموم حضرتك شوف ميكانيكي تاني يلقي نظره علي العربيه و يشوف هل هو جوان و لا وش (مستبعد إن شاء الله) و لو جوان الميكانيكي هايعرفه و هايغيره
أما لو وش حاول تظبط مكنه غيرها الموضوع مبقاش جايب همه

[organic_magic]

اخواتى الاعزاء

تم حل المشكله بالامس والحمد لله

رحت لميكانيكى في العاشر من رمضان (ناس كتير يشهدولوا بالشطاره) المهم هو مكنش في الورشه فقلى سيب العربيه تبرد عل الاخر لو هنفك مدام انت متاكد انه وش

المهم سبت العربيه تبرد بتاع 2 ساعه ونصف وطبعا الصنايعيه هارينى مشاريب قهوه وشاي

الميكانيكي جه بعد 3 ساعات قالى معلش دور العربيه علشان عايز اتاكد من حاجه (طبعا دمي فار وقلت لو اتنطط لسا هستنى 3 ساعات كمان لحد متبرد تانى ) قولتله لا مش مدور قالى معلش بدل منفك عل الفاضي

قولتله هتعمل ايه – قالى العربيه دي من بره صح

قولتله صح – قالى هبص علي دوره التبريد والثرموستات في الاول – طبعا كان فيه 3 ميكانيكيه قبليه عملوا نفس الحوار – فقولتله

قالى معلش اسمع الكلام لتاخد العربيه وترحلهم

المهم دورت العربيه اتلاقيته بيرقص قدام العربيه من الفرحه – قالى جالك كلامي التقليب مش تمام انا متاكد ان الثرموستات بايظ او بتاع بره بيبقي مظبوط انه يسخن العربيه بسرعه ومدام انت في مصر فالعربيه مش هتلحق تبرد وهتفضل سخه جدا وهتسقف وترقص وتكركر كمان

وبالفعل فك ووجد الثرموستات راكب (كان فيه شويه سيليكون ملزوقين علي كوعه الثرموستات فكان كل اللي يبص يقولى دا متشال)

شال الثرموستات وبالفعل شكل دوره التبريد اختلف تماما والمكنه صوتها اتغير

بالنسبه للزين اللي عل الميه (طلع صدا بس كتير شويه ومطلعش زيت)

هو بقا قالى بالنسبه لان الزيت بينقص – قالى التبريد عندك مش مظبوط والمكنه بتسخن جدا فبتحرق الزيت وكمان عربيتك مكنتها خفيفه شويه هتحتاج عمره قول عل الصيف الجاى ولا حاجه ان شاء الله

هو الشكمان طلع دخان ابيض خفيف جدا لما rpm وصل ل 5 كدا تقريبا وانا واقف على n

والحمد لله كدا الموضوع كله اتكلف 20 جنيه بدلا من 2000 جنيه وكمان راجعلى علي تقسيمه سير الكتينه وشد باقى السيور الموجوده في العربيه

وبالمره رحت غسلت دوره التبريد كلها وحطيت ميه خضرا وضبطت الايقاع

الف الف الف شكر لكل من ساهم وساعد في ايجاد وحل المشكله

[HOSSAM99]

ايوه كدا تمام جدا
الحمد لله علي حل المشكله
و بالتوفيق

[organic_magic]

ايوه كدا تمام جدا
الحمد لله علي حل المشكله
و بالتوفيق

الف شكر ليك ياحسام وجزاك الله كل خير

[eppo56]

عالبركة !! وربنا يحميهالك من الميكانيكي

[إبراهيم المصرى]

مبروك على حل المشكله

[organic_magic]

عالبركة !! وربنا يحميهالك من الميكانيكي

الله يبارك فيه ابو باشا

مبروك على حل المشكله

الله يبارك فيك ياباشا