تسعير النترا 2008

[dr_sha2awa]

امتلك النترا 2008 وقررت بيعها
اريد معرفه سعرها طبقا لاسعار السوق الحاليه
السياره بحاله الزيرو 78000 كم....كامله مانيوال بواحدات الرفع ل 4 زجاج
حاله السياره من الخارج رائعه....مرشوشه عدا السقف والشنطه
الرش فقط للنظافه وكله بالتوكيل لوجود خرابيش وحكات بسيطه ولا يوجد بها اى خبطات
السياره لونها نيلى (سماوى)
بها 4 كاوتش جديد واخر صيانه عند 65000كم بالتوكيل
سبب البيع ....شراء النترا 2012

[hazemhassan]

72000 الى 74000

[dr_sha2awa]

الف شكر يا باشا

[samyomar]

كانت معروضه علياعربيه نفس الموديل بس رشه بره بالكامل و فيها جنوط و فتحة سقف و ماشيه 50 الف كم
و سعرها منزلش عن 74000
اعتقد عربية حضرتك هتزيد عنها شويه علشان مش رشه السفف و الكبوت و علشان الصيانات فى التوكيل
اعتقد سعرها يتراوح بين 75000 و 77000
نصيحه لا تتعجل فى البيع و اطلب اللى انت عاوزه فى عربيتك طالما شايف انها تستحق و ان شاء الله هتجيب اللى هتطلبه
و ابعد عن التجار لانهم بيفطسو فى العربيات و بينزلو سعرها ع الاقل 5000 جنيه
بالتوفيق فى البيع ان شاء الله

[dr_sha2awa]

كانت معروضه علياعربيه نفس الموديل بس رشه بره بالكامل و فيها جنوط و فتحة سقف و ماشيه 50 الف كم
و سعرها منزلش عن 74000
اعتقد عربية حضرتك هتزيد عنها شويه علشان مش رشه السفف و الكبوت و علشان الصيانات فى التوكيل
اعتقد سعرها يتراوح بين 75000 و 77000
نصيحه لا تتعجل فى البيع و اطلب اللى انت عاوزه فى عربيتك طالما شايف انها تستحق و ان شاء الله هتجيب اللى هتطلبه
و ابعد عن التجار لانهم بيفطسو فى العربيات و بينزلو سعرها ع الاقل 5000 جنيه
بالتوفيق فى البيع ان شاء الله

ياباشا الف شكر على المعلومه انا بصراحه عايز فيها 75000 جابته خير وبركه ماجبتوش انا مش مستعجل

[dr_sha2awa]

.....

[RAMYALI_1982]

واللة ياباشا انا مش عايز تقول عليا بظلمك بس متنساش ان عربيتك مانيول مش اوتو لسة كان فى فى المنتدى برضة بس مش فاكر فين بالامانة هاحول اجيب لنك الموضوع كان اوتو فابريكة برة وجوة بس كان 2007 وكان ماشى 50 الف وكان عايز 75000 وكاتب كمان انة قابل للتفاوض فمتهيالى عربية حضرتك هاتكون اقل بسيط بسبب المانيول + عدد كيلوهات اكتر لو لاقيت الموضوع هاحطة عشان حضرتك تقدر تشوفها

واتمنالك كل الخير فى بيعها

[dr_sha2awa]

ياباشا شاكر لردك.....بس متنساش ان الحاله والموديل برده بيفرق....ممكن تكون حالتها مختلفه...
الف شكر لاهتمامك

[samyomar]

واللة ياباشا انا مش عايز تقول عليا بظلمك بس متنساش ان عربيتك مانيول مش اوتو لسة كان فى فى المنتدى برضة بس مش فاكر فين بالامانة هاحول اجيب لنك الموضوع كان اوتو فابريكة برة وجوة بس كان 2007 وكان ماشى 50 الف وكان عايز 75000 وكاتب كمان انة قابل للتفاوض فمتهيالى عربية حضرتك هاتكون اقل بسيط بسبب المانيول + عدد كيلوهات اكتر لو لاقيت الموضوع هاحطة عشان حضرتك تقدر تشوفها

واتمنالك كل الخير فى بيعها

بص حضرتك انا كنت باشترى فى عربيه لانسر 2007 سوبر اكشن من ضابط جيش
و حلفلى 100 يمين ان العربيه فابريكه بره و جوه و مكنش راضى ينزل جنيه واحد عن 74000
و جبت حد معرفه مره كشف عليها و قالى انها فابريكه فعلا
المهم انا قبل ما اخلص صليت استخاره و لقيتنى مش مستريح
كلمت صديق ليا عنده مكتب تأجير و جابلى واحد بيشتغل معاه متخصص اوى
المهم اخدته معايا و اخدت فلوسى و رحت و قبل ما ادفع طلبت منه انه يكشف تانى ع العربيه
المفاجأه بقى
لقى ان العربيه مخبوطه من الجنب اليمين و مغيره الرفرف و مدهون باحتراف
مش بس كده لا و لقى كمان الخبطه مأثره على الركبه الشمال و ع العربيه من تحت
و حمدت ربنا و اخدت بعضى و مشيت مع ان الراجل نزل فى تمنها بعد كده 2000 جنيه و انا اللى مرضيتش
اللى عاوز اقوله ان مش كل اللى بيتكتب فى الاعلان يبقى صح و ممكن العربيه اللى حضرتك بتتكلم عنها يبقى فيها مشكله خفيه
علشان كده انا كنت قلت للاخ صاحب الموضوع طالما هو واثق من عربيته يبقى يطلب فيها اللى هو عاوزه و ان شاء الله هتجيبه