كم تتكلف صيانة ال15000 للنيو اكسنت

[BooDElGn]

لو سمحت كنت عايز أعرف صيانة ال 15000 اتكلفت كام ككل بالمصنعية و كله مع العلم أن السيارة هيونداى نيو أكسنت و ايه البيحصل فيها و يتغير فيها

[meshmesh_egypt]

صيانة ال 15 الف تكلفتها 150 جتيها غير شامل الضريبهفى التوكيل وتشمل تربيط عفشه ورجلاش فرامل وشويه كشف كده على العربيه انما مفيهاش تغيير اى حاجه الا لو انت بتغير زيت على 5 الاف هيتغير الزيت والفلتر
وانصحك نصيحه لوجه الله تروح تعمل الصيانه ديه عند اى ميكانيكى بره ويربطلك عفشه وينظفلك الفرامل الخلفيه ويرجلشها ومش هتدفع اكتر من 40 جنيه

[BooDElGn]

صيانة ال 15 الف تكلفتها 150 جتيها غير شامل الضريبهفى التوكيل وتشمل تربيط عفشه ورجلاش فرامل وشويه كشف كده على العربيه انما مفيهاش تغيير اى حاجه الا لو انت بتغير زيت على 5 الاف هيتغير الزيت والفلتر
وانصحك نصيحه لوجه الله تروح تعمل الصيانه ديه عند اى ميكانيكى بره ويربطلك عفشه وينظفلك الفرامل الخلفيه ويرجلشها ومش هتدفع اكتر من 40 جنيه

اولا شكر لاهتمام حضرتك و الرد على الموضوع
ثانيا أنا كنت سمعت تقريبا أنهم بيغيروا تيل الفرامل فى صيانة ال15000

[ZIZO_ST]

ده صحيح والله هتضيع وقتك وهتضيع فلوسك
انا منجدتيش من التوكيل الا انى عرفت صنايعية من التوكيل وليهم ورش بره
دلوقتى بروح الوقت اللى انا اكون فاضى فيه وبشوف كل حاجه بتتعمل فى العربية واكيد السعر احن بكتير من التوكيل والميزه ان صنايعية حافظين العربيه هما اللى شغالين فيها

[ZIZO_ST]

لأ انا مغير التيل على 40000 كم
والتيل ده بيفرق معاد تغييره من واحد لواحد على حسب استخدامك للفرامل

[Ashraf_Ibrahim]

وبرده بيفرق حسب العربية مانيوال واللا اوتو !
الاوتو بيغير تيل بدري قبل المانيوال بكتير !

[meshmesh_egypt]

اولا شكر لاهتمام حضرتك و الرد على الموضوع
ثانيا أنا كنت سمعت تقريبا أنهم بيغيروا تيل الفرامل فى صيانة ال15000

العفو على ايه
التيل مش بيتبص على تغيره قبل 20 الف ولو استخدامك جامد للفرامل هيتغير على 20 الف لو استخدامك متوسط هيتغير على ال 30 الف ولو استخدام طبيب زى ما بيقولوا يبقى على 40 الف
وكده كده متقلقش التيل ده اول لما سمكه بيقل للتغير فيه سوسته بتعملك صوت لما تيجى تفرمل ساعتها لازم تغير التيل فورا عشان السوسته ديه بتحك فى الطنبوره
ونصيحه منى ليك برده لما تيجى تغير هات تيل ماركة جولد كورى وبلاش الاصلى عشان الاصلى بيصفر وهيروشك بس الاصلى بيعيش لحد 30 الف والكورى بيعيش ل 20 الف ويفضل تغيره كل 15 الف للحفاظ على الطنبوره بأفضل حالتها

[BooDElGn]

العفو على ايه
التيل مش بيتبص على تغيره قبل 20 الف ولو استخدامك جامد للفرامل هيتغير على 20 الف لو استخدامك متوسط هيتغير على ال 30 الف ولو استخدام طبيب زى ما بيقولوا يبقى على 40 الف
وكده كده متقلقش التيل ده اول لما سمكه بيقل للتغير فيه سوسته بتعملك صوت لما تيجى تفرمل ساعتها لازم تغير التيل فورا عشان السوسته ديه بتحك فى الطنبوره
ونصيحه منى ليك برده لما تيجى تغير هات تيل ماركة جولد كورى وبلاش الاصلى عشان الاصلى بيصفر وهيروشك بس الاصلى بيعيش لحد 30 الف والكورى بيعيش ل 20 الف ويفضل تغيره كل 15 الف للحفاظ على الطنبوره بأفضل حالتها

تسلم يا باشا على الإفادة