مشكلة تنقيط فى النيو اكسنت ممكن مساعده

[ahmedabutaleb]

انا النهارده لحظت حاجه غريبة فى العربية اول مرة اشوفها
النهارده كان الدائرى واقف جدا ووقفت بالعربية حوالى ساعة المهم
لاحظت وجود خط مياة على الاسفلت خارج من العربية نزلت اشوف فيه ايه لاقيت ميه غالبا من الردرياتير لان كان لونها اخضر نزلت تحت العربية اشوف المياه بتنقط منين لقيتها بالضبط من منتصف العربية بالعرض اخر الكبوت من تحت يعنى مش من قدام من عند الردرياتير لا من ورا خالص من النص
المهم قلت يمكن التكييف ولا حاجه عشان العربية دايرة بقالها فترة كبيرة ومش بتتحرك والتكييف شغال بطلت التكييف وبعد كده الطريق مشى المهم لما وصلت لقيت برده لسه فيه تنقيط
سيبت العربية ونزلت ورجعت بعد ساعه لقيت مفيش تنقيط بس لما اتحركت بيها تانى وبعد ما مشيت شوية قلت ابص اتطمن لقيت برده لسه فيه تنقيط
مش عارف بصراحه فيه ايه ومخنوق اوى من ساعتها دى اول مشكلة تظهر فى العربية
ومش عارف اروح التوكيل ولا ايه انا فاضلى حوالى شهر واروح التوكيل عشان الصيانة الدورية )15000( فمش عارف اصبر الشهر ده ولا ايه
محتاج رايكم ضرورى وايه ممكن يكون السبب
شكرااااا

[meshmesh_egypt]

انا النهارده لحظت حاجه غريبة فى العربية اول مرة اشوفها
النهارده كان الدائرى واقف جدا ووقفت بالعربية حوالى ساعة المهم
لاحظت وجود خط مياة على الاسفلت خارج من العربية نزلت اشوف فيه ايه لاقيت ميه غالبا من الردرياتير لان كان لونها اخضر نزلت تحت العربية اشوف المياه بتنقط منين لقيتها بالضبط من منتصف العربية بالعرض اخر الكبوت من تحت يعنى مش من قدام من عند الردرياتير لا من ورا خالص من النص
المهم قلت يمكن التكييف ولا حاجه عشان العربية دايرة بقالها فترة كبيرة ومش بتتحرك والتكييف شغال بطلت التكييف وبعد كده الطريق مشى المهم لما وصلت لقيت برده لسه فيه تنقيط
سيبت العربية ونزلت ورجعت بعد ساعه لقيت مفيش تنقيط بس لما اتحركت بيها تانى وبعد ما مشيت شوية قلت ابص اتطمن لقيت برده لسه فيه تنقيط
مش عارف بصراحه فيه ايه ومخنوق اوى من ساعتها دى اول مشكلة تظهر فى العربية
ومش عارف اروح التوكيل ولا ايه انا فاضلى حوالى شهر واروح التوكيل عشان الصيانة الدورية )15000( فمش عارف اصبر الشهر ده ولا ايه
محتاج رايكم ضرورى وايه ممكن يكون السبب
شكرااااا

بصيت على اربة المياه لاقيتها ناقصه ولا ايه نظامها ؟؟؟
لان المكان الى انت بتقول عليه ده مكان طرمبة المياه ممكن يكون فيها حاجه او الخرطوم الى منها للريداتير

[ahmedabutaleb]

بصيت على اربة المياه لاقيتها ناقصه ولا ايه نظامها ؟؟؟
لان المكان الى انت بتقول عليه ده مكان طرمبة المياه ممكن يكون فيها حاجه او الخرطوم الى منها للريداتير

شكرا ليك ياباشا على الرد هيا فعلا المياه ناقصة من القربة بس مش كتير حوالى 1 مم
الشىء الغريب انى قلت اجرب النهارده الصبح ومشيت بالعربية كتير بس من غير تكييف و مكنش فيه اى تنقيط فمش عارف بقى هل دى مشكلة تكييف ولا درجة حرارة عالية ولا ايه

[elpasha1]

اهم حاجة تتابع المية باستمرار لحد ما تروح التوكيل

[ahmedabutaleb]

اهم حاجة تتابع المية باستمرار لحد ما تروح التوكيل

ان شاء الله ياباشا وانا هروح التوكيل الاسبوع الجاى ان شاء الله

[r0xer]

المرة الجاية لما تيجي تخرج بالعربية، متشغلش التكييف وامشي بتاع 5-10 كيلو و بص شوف في تنقيط ولالا؟

لو في تنقيط برضو متقلقش الموضوع مش هيتعدى كونه خرطوم محتاج يتغير ومش هيكلف كتير...المهم انك تتابع المياه بشكل دوري كل يومين مرة عشان لاقدر الله لو في تنقيط كتير العربية متسخنش.

[ahmedabutaleb]

المرة الجاية لما تيجي تخرج بالعربية، متشغلش التكييف وامشي بتاع 5-10 كيلو و بص شوف في تنقيط ولالا؟

لو في تنقيط برضو متقلقش الموضوع مش هيتعدى كونه خرطوم محتاج يتغير ومش هيكلف كتير...المهم انك تتابع المياه بشكل دوري كل يومين مرة عشان لاقدر الله لو في تنقيط كتير العربية متسخنش.

هو ده اللى انا عملته النهارده وكان اكتر من 30 كيلو من غير تكييف الصبح بدرى ومكنش فيه تنقيط وده اللى مخلينى مستغرب

[ahmedabutaleb]

بعد تجربة 3 ايام
لو انا مش مشغل التكييف مفيش اى تنقيط
ولو مشغل التكييف بيكون فيه تنقيط بس مية خضرا
حد عنده تفسير

[ahmed_su]

المكان اللى بتوصف منه نزول الماء هو مكان "فايظ" التكيف " المياه اللى بيتم تكثيفها من كويل الصالون"

يتبقى انك بتقول ان لون المياه اخضر ... ياريت تتأكد من حكايى اللون ددى تانى

[ahmedabutaleb]

ان شاء الله هتاكد تانى بكرة واقول لحضرتك

[chicobon]

اكيد ديه مياه التكهيف لما بتشغلها بتنقط عشان بتحصل عندي انا كمان

[HOSSAM99]

دية مية تكييف يا فندم نازله من ناحية الثلاجه
(في محازاة المرايه اليمين )
لا تقلق

[aymanshebl]

بس يا جماعة الراجل بيقول مياه لونها اخضر يا ريت تتاكد الاول من لون المياه لان لو لونها اخضر فعلا يبقى ده تسريب من دورة التبريد و لو لونها عادى يبقى ده فايظ التكييف (مياه التكييف) بتخرج من الاسفل زى تنقيط التكييف العادى و ما فيش مشكلة

[ahmedabutaleb]

مش عارف اول مرة كانت لونها اخضر بس النهارده لما جربت اشغل التكيف كانت مياة عادية وكانت نازله فعلا من التكييف
فمش عارف عموما انا كده كده ان شاء الله هروح التوكيل عشان اتاكد

[HOSSAM99]

مش عارف اول مرة كانت لونها اخضر بس النهارده لما جربت اشغل التكيف كانت مياة عادية وكانت نازله فعلا من التكييف
فمش عارف عموما انا كده كده ان شاء الله هروح التوكيل عشان اتاكد

متقلقش حضرتك خالص هي مية تكييف
و مستحيل ميه جضرا تنزل من المكان الموصوف
و ممكن الواحد يوسوس ساعات و يشوف الحاجات بشكل مختلف من خوفه