انا الحمد لله رسيت على الالنترا بس .......

[semo7]

انا الحمد لله رسيت على الالنترا بس بصراحه محتار اختار الجنط ولا abs مع العلم انى بسافر كتير؟؟

ومش عارف ايه الفرق بين التكييف اليدوي والاتوماتيك وياريت لو فى صوره ليهم؟؟

وهل السينسور بتاع البارك مفيد ولا دوشه و خلاص؟

اخر حاجه انا شفت مفتاح اول فئه اتوماتيك شبه مفتاح الفيرنا بالظبط
هل كل الفئات كده ولا فى مفتاح تاني شكله محترم؟؟؟

[HOSSAM99]

إن شاء الله مبروك علي حضرتك العربية
لكن نصيحة متشتريش العربيه من غير جنط أو abs الأثنين مهمين و بالنسبة للجنط بيخلي شكل العربية علي قد ثمنها أما الطاسات فمش من قيمة العربيه نهائي و بتدفنها بالحيا

و بالتوفيق

[semo7]

إن شاء الله مبروك علي حضرتك العربية
لكن نصيحة متشتريش العربيه من غير جنط أو abs الأثنين مهمين و بالنسبة للجنط بيخلي شكل العربية علي قد ثمنها أما الطاسات فمش من قيمة العربيه نهائي و بتدفنها بالحيا

و بالتوفيق

كلام صحيح بس انا مش عايز اوصل لـ 157000
يبقى احسن اجيب تويوتا او اشوف الفانتزيا.............
ولكن فى حدود 135000 بعتبر السعر مناسب

[mohamed_mohsen]

مش مهم الجنوط
المهم الأمان
ماتشتريهاش من غير abs و 2 airbags علي الأقل

[Ashraf_Ibrahim]

Abs هو الأهم
الجنوط تقدر تركبها بعد كدة برة التوكيل اما ال abs فتركيبه عميلة شبه مستحيلة وصعبة
توكل على الله

[semo7]

abs هو الأهم
الجنوط تقدر تركبها بعد كدة برة التوكيل اما ال abs فتركيبه عميلة شبه مستحيلة وصعبة
توكل على الله

انا فكرت فى كده فعلا بس الجنط حيبقى مقاس 15 مش 16 (زي اللى فيها جنط)

ارجو الرد على الاستفسارات الموجوده ببدايه الموضوع

[memo823000]

طبعا ال abs اهم لانك اصلا مشهتعرف تركبه
وكمان الجنوط الاصلية ممكن تشتريها استيراد من الحرفيين وكمان ممكن تلاقى الجنوط ال 17 الاصليه ودى بقى ملهاش حل واخرها لو غالى يبقى الطقم 4 جنوط ب 1500 جنيه
وبعدين تجبلها كوتش بريدجستون او اى نوع غالى وافضل بكتير وانعم واريح للعفشه من الكوتش الاصلى بتعها
بصراحه كل الكوتش الكورى ناشف وبيدب وصوته مسموع قوى على الطريق
وبالتوفيق

[Ashraf_Ibrahim]

انا فكرت فى كده فعلا بس الجنط حيبقى مقاس 15 مش 16 (زي اللى فيها جنط)

ارجو الرد على الاستفسارات الموجوده ببدايه الموضوع

مقاس الجنوط انت اللي بتتحكم فيه يا صديقي
عايزه 15 هتشتري 15 عايزه 16 هتشتري 16 انت حر تماما ولو الاصليه فيها 16 يبقا تجيب 16 بعد كدة عادي جدا وهتركب مفيش مشاكل بس اهم حاجة تبقا مقاساته صح ! :b4_048:

[minicooper20]

بتسافر كتير و محتار طبعا ال aps و ربنا يستر طريقك

[semo7]

هل فى حاله تغيير مقاس الجنط مفيش اى ضرر؟؟؟؟؟
كنت اسمع ان مقاس الجنط و الكاوتش مرتبط بنوع العفشه؟؟؟؟

[ahmedmohamed7]

هل فى حاله تغيير مقاس الجنط مفيش اى ضرر؟؟؟؟؟
كنت اسمع ان مقاس الجنط و الكاوتش مرتبط بنوع العفشه؟؟؟؟

تكبير قطر و عرض الجنط على قد ما بيدى ثبات و شكل افضل للعربية على ماقد ماهو بينشف العافشة و بيقلل من نعومتها واوقات لما التكبير بيبقى زائد عن الحد زى مثلا تركيب جنط 17 بيأدى الى الاحتياج الى تربيط العفشة كل شوية و ممكن يؤدى الى اهلاك العفشة ناهيك عن البلالين الى هتطلع كل شوية فى الكوتش :)

[memo823000]

دى المقاسات الاصليه اللى بتنزل فى الالنترا اللى ملهاش اى اضرار بشرط جنط مشصينى ونوع نضيف وكوتش من النوع الغالى بيبقى طرى وحنين مع المطبات والطرق الخشنه
195/65/15
205/55/16
وطبعا ال 16 افضل لانه بيمسك العصايه من النص من ناحية الثبات مع نعومة العفشه وبرده افضل من ناحية الفرامل عن ال 15
طبعا فيه مقاس الخليجى 17
215/45/17
طبعا ثبات افضل بكتير لاكن مشعملى بالذات فى طرقنا المصريه الجميلة
فعشان كدا خليك فى ال 16

[Kareem.ElAraby]

مش مهم الجنوط
المهم الأمان
ماتشتريهاش من غير abs و 2 airbags علي الأقل

+1+1+1+1

[M.Elwan]

اخر حاجه انا شفت مفتاح اول فئه اتوماتيك شبه مفتاح الفيرنا بالظبط
هل كل الفئات كده ولا فى مفتاح تاني شكله محترم؟؟؟

اخر مرة سألت غبور قبل ما العربية تنزل قالى ان المفروض اعلى فئة نازلة
smartkey + start button

[semo7]

وهل السينسور بتاع البارك مفيد ولا دوشه و خلاص؟

اخر حاجه انا شفت مفتاح اول فئه اتوماتيك شبه مفتاح الفيرنا بالظبط
هل كل الفئات كده ولا فى مفتاح تاني شكله محترم؟؟؟