الفرامل فى الفرنا عندى ضعيف اعمل اى؟

[atamim]

السلام عليكم ورحمه الله و بركاته

العربية لسة زيرو و عملت بيها 400 كيلو بس يعنى لسة معملتش صيانه الالف

المهم الفرامل بتاعتها ضعيفة بالمقارنه بالبيجو ال 504 الى كانت عندى

اى العمل هل هية فعلا كدة ولا بتتظبت فى الصيانه؟


يعنى حتى لو دوست فرامل للاخر مبسمعش صوت اى كاوتش بيحك فى الارض بتقف كانى بفرمل بفرامل بسكلته

[analyzer]

السلام عليكم
لا طبعا مش ده الطبيعى بتاع الفرنا حيث ان فرامل الفيرنا ممتازة انما ده عيب موجود عندك

يبقى الحل ان حضرتك تكشف عليها عند حد كويس لو او تروح التوكيل ومش لازم تستنى صيانى الالف لان دى طوارئ والمفروض انهم يظبطوهالك من غير متدفع فلوس لو كانت عيب صناعه اما لو التيل مثلا هيتغير يبقى هتتحمل ثمن التيل بس ما دون ذلك عليهم هما
ومتسناش لحد الالف روح فى اقرب وقت ممكن

[arch_peter]

الف مبروك مبدئيا
هى الفرامل ميزتها انها مش بتعمل صوت فعلا وقدرتها عالية - واعتقد احساسك مش فى محلة والسبب اختلاف نوعيات العربيات وموديلاتها فقط
لكن هى فراملها جيدة جدا وماعتقدش ان فى حد اشتكى قبل كده خالص من فرامل هيونداى
يعنى لما تاخد على العربية مش هاتحس بكده خالص على ما اعتقد

[Nile_Storm]

اولا مبروك علي العربيه
ثانيا بغض النظر عن الصوت كفائه الفرامل ايه ؟؟
لو شاكك و حاسس انها ضعيفه روح التوكيل و لكني اظن انك لسه متعودتش عليها بس و رايي انتظر صيانه الالف

[mmolazem]

كان بيحصل معايا قبل صيانة الـ 1000 ، فى احيانا الاقى الفرامل ضعيفه جدا ، وفى صيانة الـ 1000 تم ضبطها.

مبسمعش صوت اى كاوتش بيحك فى الارض

من التعليمات الموجوده فى دليل السياره انه يجب تجنب التوقف السريع فى الـ 300 كم الأولى.
لو عندك فرصه ، حاول قراءة كتالوج العربيه ، وفيه معلومات مهمه.

[atamim]

كان بيحصل معايا قبل صيانة الـ 1000 ، فى احيانا الاقى الفرامل ضعيفه جدا ، وفى صيانة الـ 1000 تم ضبطها.

من التعليمات الموجوده فى دليل السياره انه يجب تجنب التوقف السريع فى الـ 300 كم الأولى.
لو عندك فرصه ، حاول قراءة كتالوج العربيه ، وفيه معلومات مهمه.

انا كنت بقف علشان مخبطش فى الى قدامى و فعلا حسيت ان الفرامل ضعيف

[bassam nagy]

لا حضرتك روح التوكيل وهاتتظبط على طول ان شاء الله

[AMIR FAROUK]

لا تنتظر ختى صيانة الاف روح التوكيل للاطمئنان دى فرامل يعنى لا قدر الله الغلطة ملهاش حل ربنا يسترها معاك ومعانا كلنا

[speed demon666]

انا بصراحه عندي واحد صاحبي عندو نفس المشكله حتى بعد لصيانه الالف و تقريبا عمل صيانه تانيا بعديها ولسه زي ماهي لدرجه انه عمل حادثه و الربع الشمال عندو باظ بس الحمد لله مفيش حاجه جت في العضم كله اكصدام وفوانيس و رفرف و كبوت
و اهو متعذب شهر لحد ما التوكيل يغير الحاجات دي اللي المفروض انها ماتاخودش أكتر من 5 أيام

[speed demon666]

انا مش قصدي أفول .... ربنا يبعد عن الجميع بس انا بقول تجربه .. و بصراحه انا فعلا حاسس ان الفرنا فراملها مس أد كده ... ده احساسي من الكام مره اللي ركبت فيها العربيه دي

[Nile_Storm]

يمكن بس فيه مشكله في فرامل عربيه صاحبك لانه معروف ان الفيرنا فراملها كويسه جدا