تختار ايه فتحة السقف ولا abs ?

[amrsabet]

رجالة الهيونداى

انا عندى استفسار لكل ملاك الهيونداى النترا 2012 وكمان كل الهيونداوية


ياترى لو قدامك تشترى هيونداى النترا 2012 فى حدود ميزانية اخرها 143 الف تشترى ايه من الاتى :

• النترا GL وفتحة سقف ثمنها 128 الف وبالترخيص والتامين والفرش الجلد وتركيب جنط 17 = 139 الف
• النترا GL + Airbag+Abs وثمنها 132 الف وبالترخيص والتامين الفرش الجلد وتركيب جنط 17= 143 الف
• النترا GL highline وفتحة سقف ثمنها 136 الف وبالترخيص والتامين والفرش الجلد = 142 الف

ملحوظة GL highline فيها ايرباج + طارة جلد + فتيس جلد فى جلوس اسود لامع + مسند يد متحرك + فرش قماش فى الباب + جنط 16

ياريت تساعدونى لانى محتار الشكل الداخلى والخارجى وفتحى السقف اهم ولا ABS

[tameraast]

باشا احنا فى 2012 يعنى المفروض متتنزلش على abs w 2 air bag w ebd

يا باشا دى اساسيات

[SheNo0o]

high line والعربيه اعتقد هتعد معاك المده الكافيه جدا الي تخليك بعد ما تاخد زهوة الزيرو تبدا تجيبلها الجنط ال 17 مدام انت تقدر تحط الميزانيه وتجيب كده كده ال high line
متفرطش فيه انا معايا بندم علي الكام الف الي وفرتهم وخسرتهم في حسسات والمرايات التعتيم والبلوتوث والجنط ال 17 ولو والسمارت كي
الهاي لاين اعتقد
(ملحوظه انا سيراتو)

ارجع للموضوع واقولك انا لو مكانك اختار ال abs انا عمري في حياتي ما هركب عربيه مفيهاش abs
وبالزات بالحجم ده والوزن ده صعب قوي ولو شفت ف ال rb اخواتنا هنا ملاكها بيشتكوا انها ساعات بتزحف يبقا تجيب ال abs احسنلك
وانا عن تجربه حصلتلي وربي كنت هموت هتركب فوقي تريلا ربنا يكفينا كلنا شر الحوادث يارب ولولا ال abs ماكنت عرفت اهدي وابعد عنه
نصيحه من اخوك ال abs اهم حاجه متفرطش فيه

[MaZaGAngeE]

فتحة سقف

[Lion_Heart]

طبعا اختار الاامن abs

[yoko]

ده سؤال طبعا abs يعني الأمان وحياتك ولا تتشمس من فتحة السقف؟

[amrsabet]

ياجماعه ال abs موجود فى فئة فى ال gl ب132 الف وموجود فى ل gls ب 145 الف يعنى العربية عشان اركبها شكلها حلو من جوه وفيها امان 2 ايرباج abs هتقف عليا ب 150 الف
وسعتها تفكيرى بيخلينى اروح لعربيات تانية خالص زى الفلوانس

لكن ارجع واقول الالنترا حرام يدفع فيها اكثر من 135 الف بس للاسف لحد السعر ده مفيش غير فئة واحدة فيها abs ب 132 وفتيسها والدركسيون مش جلد ولا الباب قماش

محتاج المشورة

[Mzeid]

Abs طبعا

و حصل موقف مع واحد صاحبي و كنت معاه لولا ستر ربنا اولا و ثانيا ان الفرامل فيها abs و لم العربية كنا لبسنا في عربية امامنا و نقل من ورا فرمنا :)

[Mzeid]

معلش لو تسمع نصيحتي اشتري ليون مانيوال في نفس رنج السعر و فيها وسائل امان اكثر يعني مثلا فيها 6 ايرباج و abs و tcs و ebd

[amrsabet]

الليون شكلها هيغير قريب انا عايز اركب عربية 4 , 5 سنين من غير محس انى راكب عربية قديمة
والله انا كل ما اقرر اشترى عربية الاقى نفسى طلعت لعربية اغلى لحد ماحاسس انى هتجنن بسبب الحيرة
انا عجبانى الالنترا عشان شكلها من بره ومن جوه والموتور واعاده البيع وفى المقابل عجبانى الفلوانس عشان الامان والكماليات والثبات والتوكيل

محتار عشان اى فئة فى الالنترا تعتبر الافضل لحد 142 الف

[HOSSAM99]

الـabs أساسي و من الأولويات

و لو حضرتك بتفكر في عربيه تانيه بسعر مقارب و حاسس إنها كماياتها و تجهيزاتها أغفضل يبقي حضرتك تسأل عنها و تتوكل علي الله

[party_0000]

sureee ABS

[mohamed_mohsen]

ABS طبعاً و 2 airbags علي الأقل ماتبصش علي الكماليات و تسيب الاساسيات
أنا عندي فتحة السقف 99% من الوقت مابعملش بيها حاجه و مابستخدمهاش

[MMamdouh]

if you know how to drive a car... you should choose the one with sun roof

MMamdouh

[Rsarabia]

اكيد abs اهم من فتحة السقف
بس ممكن تدور على فئة فيها الاتنين و مش مهم الكماليات بعدين تضيفلها و تظبطها على زوقك