مقارنه بين الفرنا و الاتوس نختار التوفير ولا الاعتمادية ؟

[atamim]

السلام عليكم ورحمه الله و بركاته

من شهرين كان عندى بيجو 504 موديل 79 متعملهاش عمرة ماتور لحد دلوقتى (و كنت مسميها الصاروخ) كان ممكن اجيب بيها ال 100 كيلو فى 10 ثوانى او ما يشابة

المهم كانت بتستهلك 25 لتر بنزين 80 لكل 100 كيلو جوة البلد(كل مشاويرى على البحر الانى من اسكندرية) على متوسط سرعة مثلا 60

المهم اول ما سمعت ان البنزين حيغلى و التراخيص رحت بايعها و مكمل عليها و جبت فرنا 1600 موديل 2008

استهلاك بنزينها 11 لتر لكل 100 كيلو بس هنا بقى بنزين 92 مش 80 زى زمان

المهم سبب انى اشتريها كان ان فيها تكييف و باور و شنطة كبيرة و على قد الفلوس

بس بعد ما مشاويرى ابتدت تزيد و البنزين غلى بفكر اغيرها ب اتوس جديدة زيرو (طبعا نفس الكماليات تكيف و دركسيون خفيف) بس الشنطة صغيرة مش عارف لو نيمت ظهر الكنبة حتوسع ولا مش ممكن

المقارنه الى عايز اعرفها من الاعضاء فى حجم العربية من نحية الراحة و استهلاك البنزين يا ريت حد يفيدنى

هل فعلا على المدى الطويل 10 سنين ححس بفرق كبير ولا الفلوس الى حخسرها فى بيع العربية و شراء عربية تانية هية هية فرق البنزين؟

[Nile_Storm]

بص المقارنات بين الفيرنا و اللانوس لن تنتهي
و كل متمسك براه
راي انا انزل معرض شوف دي ودي و اللي تستريحلها اشتريها
لان الاتنين متقاربيييييييييييييييين جدا

و عامه فيه مقارنه مفصله جدا عنهم مثبته في قسم المقارنات لاستاذ سبعاوي يمكن تفيدك

[Kareem Khattab]

بص المقارنات بين الفيرنا و اللانوس لن تنتهي
و كل متمسك براه
راي انا انزل معرض شوف دي ودي و اللي تستريحلها اشتريها
لان الاتنين متقاربيييييييييييييييين جدا

و عامه فيه مقارنه مفصله جدا عنهم مثبته في قسم المقارنات لاستاذ سبعاوي يمكن تفيدك

هو يقصد اتوس مش لانوس

[Kareem Khattab]

عموما يا باشا الاتوس طبعا هتوفرلك بنزين كتير و هي عربيه حلوه طبعا بس ده في حاله ان انت مش هيفرق معاك حجم العربيه و كده لكن لو انت محتاج عربيه كبيره خليك بالفيرنا و الصراحه الفيرنا من العربيات اللي استهلاكها في البنزين اقتصادي جدا بالمقارنه بعربيات تانيه من نفس الفئه

[pedooooo]

بص يا باشا هو مفيش وجه مقارنه بين الفيرنا و الاتوسلان دى فئه ودى فئه تانيه خالص يعنى لو بدور على متور صغير يبقى الاتوس ولو بتدور على تسارع وشد وعزم يبقى الفيرنا ولو كنت عايز عربيه واسعه وشانطه كبيره يبقى الفيربا لان الاتوس بجد يعتبر ملهاش شنطه و هى مع واحد صحبى وبيعانى من موضوع .... وبعدين حرام اللى هتخسره فى الفيرنا خصوصا انها معايا انا شايف انها بتشم البنزين ....ارجو انى اكون افدتك
اسف للاطاله:)

[ramyayash]

فيرنا وخلاص
وحطلها بنزين 90

[eng_mkhalaf]

فيرنا وخلاص
وحطلها بنزين 90

بعيد عن الموضوع - التوقيع بتاعك عجبانى قوووووووووى

[Nile_Storm]

ياااااااااااه ده الواحد بقي مش شايف حاجه
شكلي هلبس نضاره قريب
المهم زي مالزملاء قالو الاتوس شئ و لفيرنا شئ تاني
و نصيحه بعد غلاء البنزين كده
لو هتشتري عربيه متسافرش بيها هات الاتوس

[Khalid_Mostafa]

بص ....انا معايا اتوس و العربيه حلوه جداً مش حلوه بس وكمان بتسافر ومفيش مشاكل و رحت بيها شرم الشيخ كمان الكنبه بتتتني و تعطي مساحه وهميه ومع ذلك شنطتها تعتبر الأكبر في فئتها واقرأ الرابط ده و انت تعرف

http://www.nilemotors.net/Nile/showthread.php?t=22085

ومع ذلك انا مش معاك في انك تبيع الفيرنا كمبدء بغض النظر انت حتشتري ايه لأن الخساره مش حيعوضها الفرق في توفير البنزين وكمان دي فئه و دي فئه زي ما الشباب قالولك

[prince_bondok1st]

مساء الفل
اولا مبروك عالفيرنا1600
ثانيا انا اول ماجبت عربيتي الفيرنا 1600
جبتها من سنه قريبا يعني الصيف اللي فات وكنت بسوقها وانا مشغل التكييف وقلت احط بنزين 92 واحافظ عالموتور وبعد ما حسبت الاستهلاك كان بيتراوح من 180 الي 240 كيلو في الصفيحه(20 لتر) علما بان معظم تحركاتي علي الطرق السريعه مسافر يعني وطبعا كنت باتحرك بيها جوه القاهره كتير ولما رحت التوكيل المهندس قاللي ان الموتور كبير وبيستهلك
ولما جبت اخري قلت احط بنزين 90 طبعا العربيه كحت مني يومين بس بعد كده اتظبطت
ولما جيت اقيسلها الاستهلاك عارف العشرين لتر عملوا معايا كام
من 290 الي307 كم
والله العظيم بش باضحك عليك
بس للامانه انا مكنتش بعدي 110 في الطريق يعني بامشي في المعقول والمعظم بامشي علي 100كم والارقام دي طبع من غير تكييف
بس بعد البنزين ماغلي شكلي هاحطلها بنزين 80
ولو نزلوا بنزين 60 هاحطه برده
هو هلا حق عالقسط ولا عالزيت ولا عالبنزين
عموما الفيرنا دي يازين ماخترت
ربنا يباركلنا فيها
سلام

[smsmbakr]

فيرناااااااااااااااااااااااااااااااااااااااااااااا ااااااااااااا للابد

[THEMAYOR]

انا شايف انى الفرق فى السعر بين بنزين 90 و 92 مش كتير دة 10 قروش يعنى فى الصفيحة 2 جنية بس حافظ على موتور عربيتك
ده من ناحية السعر و لكن جودة البنزين انا معرفش عنها حاجة

[ahmed1981]

طالما أنك تبحث عن التوفير في البنزين
ففكر في السوزوكي ألتو 800 CC زيرو