انذااار فيرنا 2012

[mm_champion]

الحمد لله استلمت عربيتى فيرنا فول اوبشنس 2012 امبارح
والحمد لله العربية جميلة وسحبها ممتاز وفرامها غاية في الروعة
انا تقريبا جربت كل حاجة في العربية بس كان عندي استفسار
اعرف منين الإنذار شغال ولا لأ لما آجي اقفل العربية واسبها , لان مفيش لمبة ولا حاجة جوه تدل على كدة ( في الكتالوج بيقول انه لما تقفل العربية بالريموت يبقى كدة خلاص الانذار شغال )
بس انا عايز اجربه عشان اعرف شغال ولا لأ
اعمل ايه
شكرا ليكم جدا على افادتكم وانكم كنتم السبب في أني اختار الفيرنا

[HOSSAM99]

ألف مبروك علي العربيه
و حضرتك قافل العربيه بالريموت إفتح بالمفتاح العادي هايدي إنذار لغاية أما تفتح بالريموت ... و طبعا لو هزيت العربيه هايشتغل أو خبط عليها أو ضربت علي العجل
بالتوفيق يا فندم

[aymangouda]

الف مبروك على العربيه
اقفل العربيه وحول تفتحها بدون فتح الانذار
او اخبطها بايدك خبطه جامد
انما ازاى مفيش لمبه انذار؟

[mpop]

معلش الفيرنا مافيهاش انذار
الانذار اللي فيها
لوقفلت مثلا بالريموت وفتحت بالمفتاح هتدي نور الاشارات و صوت كلاكس انما الانذار العادي مافيش

[mm_champion]

يعني يا mpop مفهاش اللمبة الزرقا الصغيرة اللي بتنور وتطفي بتاعت الإنذار اللي بتبقى جوه جنب الازاز ؟

[mpop]

بالظبط كده انت عندك ولا لا ؟؟ انا لسه شاريها جديد برضه :d

[mm_champion]

لا معنديش :d
الف مبروك عليك ياباشا

[hay]

الف مبروك يا باشا وربنا يكفيك شرها

بس معلش ليه سؤال عشان انا هستلم كمان كام يوم والمعرض عايز يعلي عليا السعر
جبتها بكام ومنين؟وامتي؟

[mpop]

انا اشترتها في رمضان ب 70250 قسط
بالنسبة لموضوع الانذار انا شايف انا كده احسن لو لقدر الله حد فتح العربية العربية هتعمل كلالكس ونور ومش هتوقف الا بالريموت
احسن من الانذار العادي اللي اي حد يريح على العربية يعمل صوت بعد شوية هتفقد اهميته ويجي ساعة الجد تقول تلاقي عيل خبط فيها :d

[wael6]

بسم الله ما شاء الله
الف مبروك عليكم يجماعه
لو امكن تقرير عن كماليات السيارة يعنى هل فيها اربع زجاج كهربي ووحدات رفع وباقي الكماليات ايه من فضلكم
وايه يا ترى الملاحظات اللى لازم ارجع عليها وانا بشتري زيرو ؟
والاهم هل بتحك فى المطبات خصوصا وانتوا محملين 3 افراد مثلا فى الخلف ولا حلوا هذه المشكله ؟
وربنا يديلكم خيرها ويكفيكم شرها يارب
وشكرا جزيلا

[mpop]

بسم الله ما شاء الله
الف مبروك عليكم يجماعه
لو امكن تقرير عن كماليات السيارة يعنى هل فيها اربع زجاج كهربي ووحدات رفع وباقي الكماليات ايه من فضلكم
وايه يا ترى الملاحظات اللى لازم ارجع عليها وانا بشتري زيرو ؟
والاهم هل بتحك فى المطبات خصوصا وانتوا محملين 3 افراد مثلا فى الخلف ولا حلوا هذه المشكله ؟
وربنا يديلكم خيرها ويكفيكم شرها يارب
وشكرا جزيلا

كماليات العربية
اربع زجاج كهربا من غير وحدة رفع يعني لما تقفل العربية تقفلهم بنفسك

سنتر لوك

كاسيت cd وفيه وصلة فلاشة ( usb )

اريال كهربائي

دركسيون قابل للتعديل

مسند زراع للسائق

2 حامل اكواب في الامام وواحد ورا

باور ستيرينج

ده كل اللي فاكره :d
وانت بتشتري الزيرو تجرب كل حاجة وتكشف على العربية كانك بتشتريها مستعمل عشان ممكن تلاقي حاجة مش شغالة ولا حاجة

العيوب
البطارية مياه !! لحد دلوقتي ما عملتش معايا حاجة بس انا متعقد منها من العربية القديمة

العربية ما بتحكش الحمدلله في المطبات

[mm_champion]

تمام يا mpop هي دي الكماليات اللي جاية مع العربية , وموضوع وحدة الرفع ده انا اتفجأت بيه , كنت متصور انها هتيجي بوحدة رفع , كمان المريات مش كهربا
بس بجد احلى حاجة عملها غبور اخيرا انا حط وصلة mp3 في الكاسيت انا كنت متصور انه هيجي اسطوانات بس وكنت ناوي اغيره بس كده خليه بقى لحد ما يجيب اخرة

كمان الكاوتش والاطارات كويسين واداءهم اعلى من اللي كنت متوقعة منهم على كلام الناس عليه , هو صحيح 13 بس حلو في الجري والمطبات والثبات في السرعات المعقولة

والعربية فعلا علبة الشكمان بتاعتها عليت عن الأرض لأن في الموديلات القديمة كنت بتشوف العلبة وانت واقف ورا العربية دلوقتي عشان تشوفها لازم توطي أوي , وانا جربت اخد مطب وانا على التاني بسرعة ومفيش أي حك الحمد لله

[mpop]

انا مستغرب من حاجة اللي بيقول على الفيرنا مش ثابتة
لسه جاي من اسكندرية في بعد العيد الصغير خدت الطريق كله بمتوسط سرعة 140 وجبت 170 بس مارضتش ازود عن كده
بسم الله ما شاء الله العربية فاقت توقعاتي
الحمدلله :)

[mm_champion]

فعلا يا mpop والله العظيم قبل ما اشتري الفيرنا كل ما اقول لواحد عليها يقولي الثباااات وخفيفة والخامات وحشة و.... كأن الناس حفظا حاجة وخلاص , لدرجة اتعقد منها وكنت بفكر اشتري اللوجان لكن قطع الغيار بتاعتها غالية وشكلها معجبنيش اوي , فتوكلت على الله وجبت الفيرنا خاصة اني مش بتاع جري الحمد لله , اتفجأت بأن الكلام اللي بيتقال عليها ده مش موجود خالص !!!!!!! الخامات كويسة والتقفيل مفهومش عندي أي عيوب الحمد لله
بس بجد أحلى حاجة عجباني فيها الموتور بتاعها جميل ,لما تجيب التاني وتقرص شوية صغيرة على البنزين تحس انك راكب عربية بتربو ههههههه , الحمد لله انو وفقني لشراء العربية دي ومبروك على كل واحد وربنا يكفينا شر الطريق بإذن الله