وش فانوووس الفيرنا الخلفي

[mm_champion]

السلام عليكم ورحمة الله وبركاته

امبارح يا جماعة وانا برجع بالعربية كان فيه عربية ترمس واقفة بشكل عجيب للأسف مخدتش بالي منها فخبط فيها , الحمد لله جت سليمة هي تريحة صغيرة بس على الشنطة , بس وش الفانوس الخلفي اتكسر منه حتة قد خرم صغير قطرة حوالي 3 سم في اعلى وش الفانوس , انا طبعا غطيت الخرم ده باللزق عشان الترب ميدخلش الفانوس , بس السؤال هو ينفع يتصلح خاصة ده خرم بس مش شرخ ولا تكسير ولا لازم اجيب وش فانوس جديد وهو فيه فعلا وش فانوس لوحدة أصلي , وبكام ومنين

[elbeheri]

متاااااااااابع

[ashouhdy]

الفانوس الصينى اصلا كلة ب 70 جنية

[mm_champion]

الفانوس الصينى اصلا كلة ب 70 جنية

ايوة بس الفانوس اللي عندي اصلى وكويس جدا معايا اغيره كله ليه على حتة شرخة صغيرة , وبعدين مش عايز اركب وش صيني عشان هيبقى في اختلاف عن الوش التاني , ياريت يا جماعة لو حد يعرف ناس بتبيع الوش لوحده اصلي يقول على مكانة وبكام
او لو ممكن يتصلح بحيث يتعمل بطريقة متبانش لحد ما روح صيانة الألف واغيره في التوكيل

[ashouhdy]

مفيش غير التيوانى ودة كوبى الاصلى ب 150 و الصينى ب 70 لحد 100 وكل الباغات اللى فى السوق مصرى او تركى و ب 20 جنية ولازم تلزقهم بسيليكون و حيبخدلك الدنيا ونش حيكون حلو .... ومفيش حاجة اسمها باغة اصلى .. احمد ربنا على للفيرنا ميزنها حاجتها رخيصة شيل و ركب إلى طول لا لزق و قرف ة وجع دماغ

[mm_champion]

فيه واحد صحبي قالي امبارح ممكن تلزق مكان الخرم فامية احمر ومش هيبان ان فيه حاجة وصعبة التقشير , ايه رأيكم ,, كمان عندكم فكرة فيه وش أصلي في غبور ولا لأ لو روحت صيانة الألف وقلتلهم عليه ؟؟؟؟

[Seifmando]

مفيش حاجة اسمها وش اصلى
يا اما فانوس كامل اصلى يا اما وش كوبي من الاصلى مصري بأة ولا تركى مش فارقة كلها محصلة بعضها لانه هيغمق بسرعه وتبان الفرق بنه وبين التانى
لو عملت فكرة الفاميه او حتى الاستكر الاحمر يبقى هات وش حتى لو كان صينى وركبه بدل المكسور والزق الفانوسين اللى ورا بالاستيكر مش هيبان الفرق اوى
انما لو رحت الحرفيين ممكن تجيب حاجة استيراد كويسة

وتقبل مروري

[mm_champion]

متشكر ياجماعة بس انا فعلا محتار , اولا الفانوس مفهوش أي مشكلة إلا خرم صغير قطرة 3 سم زي ما قولت غير كدة مفهوش أي تشريخ أو كسر والعربية جديدة , حرام أوي لو غيرت الفانوس الأصلي كله عشان خرم صغير في الوش
هو فيه واحد قالي غطي الخرم الصغير ده بالأستيكر وخلاص
بس انا معرفش موضوع الاستيكر والفماية ده هل ياتري بيبين حاجة ولا لأ

[samooh2010]

بص يا باشا انا عربيه اخويا فرنا و وش الفانوس اتكسر كله بمعنى الكلمه
ف انا جبيتله وش فانوس مصرى الواحد ب 20 جنيه بس والله مفيش فرق بين الاصلى و المصرى زى الفل قوى و هيوفر معاك جامد

[mm_champion]

بص يا باشا انا عربيه اخويا فرنا و وش الفانوس اتكسر كله بمعنى الكلمه
ف انا جبيتله وش فانوس مصرى الواحد ب 20 جنيه بس والله مفيش فرق بين الاصلى و المصرى زى الفل قوى و هيوفر معاك جامد

طب ياباشا جبته منين بالظبط , ولما اتركب التزق سيلكون ولا ايه

[samooh2010]

طب ياباشا جبته منين بالظبط , ولما اتركب التزق سيلكون ولا ايه

انا جبته من شارع عين شمس خلف مدرسه ابن خلدون

الاول بتنظف الفانوس كويس
و بعدين بالسليكون و فى انبوبتين زى السليكون صغيرين ب 5 جنيه بتتحط مع السليكون
و بس كده
على فكره انا شوفت الوش الصينى كان ب 15 جنيه بس كان باهت قوى
و لما لقيت الوش المصرى بصراحه كان تحفه قوى

ممكن تدور على الوش فى اى محل قطع غيار سيارات

[alzaaaem]

الفنوس الخالفى انا كمان عندى اتكسر كلة
جبت واحد تايوانى من التوفيقية ب 110 جنية زى الا صلى بالظبط مفيش فرق بين الاتنين

[unks]

السلام عليكم :حضرتك لو عاوز فانوس اصلي هوه عامل في التوكيل ابو رواش 350 جنيه بس ولو حضرتك عاوز تصلحه ممكن يتصلح انا اعرف ناس بتصلح الفوانيس لو حضرتكط عاوز انا تحت امرك حضرتك بس ساكن فين علشان اقدر افيدك علشان ممكن يتصلح احسن وبعدها ممكن يتفيم احمر لو لزم الامر وشكرا

[mm_champion]

انا حضرتك ساكن في شارع عين شمس ( النعام)
والفانوس مفهوش اي مشكلة إلا ان في كسرة صغيرة جدا قد خرم زجاجة المياة في وش الفانوس , انا مغطيها باللزق عشان التراب ميدخلش الفانوس , وحرام اغير الفانوس كله عشان الخرم ده فكنت عايز اشوف وش تاني أو ينفع حتى الوش ده يتصلح
وشكرا ليك على اهتمامك

[hpxp]

انا عندي عربيتي اوبترا الوش اتشرخ فيمته اسود وبقي زي الفل
ولقيت عن الراجل فميه احمر ب 30 جنيه التفيمه