استفسار بخصوص سعر الالنترا 2012 (كلاكيت تانى مرة)

[yalahwy2010]

هى الالنترا 2012 غليت يا جماعة 4000 جنيه..........ولا دا كلام تجار؟
يعنى انا مثلا عايز الفئة الاوتوماتيك اللى فيها abs وواحدة أيرباج..........تمنها كام من أى معرض محترم؟؟؟
ولو هحجزها من غبور......هيبقى تمنها كام؟؟؟
وشكرا مقدما

[yalahwy2010]

فين الردود يا رجالة؟؟؟؟

[SAMEHNOSHI]

هو فعلا فى معرض قالى انهاا غليت 4 الاف جنية عن سعرها اول ما نزلت لان العربية عليها طلب كبير
يعنى الفولى لودد سعرها كان 155 الف اول ما نزلت و دلوقتى سعرها بقى 159 الف!!! بس اللى قالى كدة معرض مش التوكيل, يا ريت تتاكد من التوكيل الاول لان المعارض اوقات بيكدبوا علشان يبيعوا.
غابور و سياسة الاستغلال, لو الكلام ده صح يبقى حاول تشوفها خليجى بقى و سيبك من غابور

[Rsarabia]

عليها طلب ايه ؟؟ دا نادرا لما بلاقى واحدة ولا اتنين فى اليوم كله هو غبور دا بيستهبل ؟؟

[mi17]

الالنترا 2012 بواحد اير باج وايه بي اس وتكييف بكر ووعجلة 15 بيعمل 133 الف
الفئة التانية واحد اير باج وايه بي اس وجنط 16 وتقريبا فتحة سقف بتعمل 140 الف

[pop504]

ربما يخللنا استغلال المصريييييييييين (ماركة مسجلة للاسف)

[SAMEHNOSHI]

انا اتصلت بالتوكيل و اتاكدت, الالنترا فعلا زادت 2000 جنية من اول الشهر ده, يعنى الفولى لودد بقت 159 الف!! انا شايف صفقة السيراتو افضل بكتير والعربيتن متشبهين فى معظم الحجات!!

[hazemhassan]

159 لية يعنى اركب فنتزيا خليجى بس مش هتكون بنفس الكماليات بس عربية
ولا فلوانس اعلى فئة

[drzezo0o]

ههههههههههههههههههههه هونداي ب 160 الف
اروح اركب جيتا ولا بسات ولا بي ام مستعمل كوري قال 160 الف محصلتش

[yalahwy2010]

أنا رأى بصراحة ان مافيش داعى للكماليات اللى بتوصلها ل 160000
يعنى مالها الفئة اللى ب 134000 .........زى الفل.........الواحد مش عايز أكتر من كدة
اللى عايز كماليات أكتر يبقى بقى هو اللى مزاجه كدة
لكن انا معاكم....حرام 160 ألف فى الالنترا........ومش عشان حاجة.....بالعكس......العربية هتنتشر وهتنجح وقطع غيارها هتبقى أحسن من أى عربيات تانية كتير زى الجيتا والهوندا والمازدا
بس الفكرة فى ان 160000 كتير على عربية مش ألمانى أو يابانى.....
لكن بصراحة اليابانى غالى اوى وقطع غياره عاليه برضه...ونفس الكلام فى الفولكس
لكن الكورى.......عربية اقتصادية........وشكلها جامد جداااا