محتار ياجماعة وعاوز النصيحة منكم

[shtaher2368]

ياجماعة أنا معايا سيارة ألنترا 2010 خليجى سعودى عاملة 9600 كيلو فقط لاغير فتحة سقف جنوط سبور فرامل ديسكات أمامى خلفى أشتريتها يوم 18-1-2010 العربية ماشاء اللة بحالة الفابريكة وطبعا بعد نزول الألنترا الجديدة زقزقت فى عينى أنى أغير للجديدة وخصوصا طبعا أن شكلها رائع والأولاد طبعا عايزين كدة خصوصا بعد ما زوج أختى جاب الألنترا الجديدة وطبغا الغيرة أشتغلت بس للأمانة أنا ركبت الجديدة وهى أول فئة أوتوماتيك بدون جنوط ولا فتحة سقف ولا بلوتوث فى الكاسيت ولا جراب نظارة وأنوار قراءة أمامية وهو ربنا يبارك لة فيها أشتراها ب 125 ألف وانا سوقتها وحاسس أن الفرق لصالح عربيتى بمنتهى الصدق فى العفشة الخلفية وفى ثقلها فى الطلعة الأولى هو الفرق لصالح الجديدة فى الشكل الخارجى فقط لاغير.... السؤال هنا اللى عايز علية أجابة من حضراتكم هل من المنطقى أنى أبيع سيارتى حبيبتى اللى الحمد للة مريحانى جدا وانا عارف أنها لايمكن هتجيب أكتر من 100 ألف جنية واروح اشتري الالنترا الجيدة وأحط فرق حوالي 40 ألف جنية علشان أشتري ألنترا 2012 بنفس مواصفات عربيتى بس اللأختلاف فى الشكل فقط وأنا متأكد أن أداء سيارتى أحسن بكتير ياريت تردوا ياشباب

[yalahwy2010]

انا من رأى ان اى حد يشترى اى عربية لازم تقعد معاه فترة على الأقل كام سنة عشان يبقى حلل الفلوس اللى ادفعت فيها...........وفى نفس الوقت ما تزنقش نفسك
بس الجديد حلو برضه.والشكل الجديد بصراحة تحفة......لو مافيش أى زنقة فى الفلوس...توكل على الله وهاتها...........هى هيبقى فيها أكتر من ميزة............أولا واسعة جدا جدا
تانى حاجة شكلها هيقعد على الأقل خمس سنين كمان.......
اعمل استخارة وتوكل على الله وهاتها

[shtaher2368]

انا من رأى ان اى حد يشترى اى عربية لازم تقعد معاه فترة على الأقل كام سنة عشان يبقى حلل الفلوس اللى ادفعت فيها...........وفى نفس الوقت ما تزنقش نفسك
بس الجديد حلو برضه.والشكل الجديد بصراحة تحفة......لو مافيش أى زنقة فى الفلوس...توكل على الله وهاتها...........هى هيبقى فيها أكتر من ميزة............أولا واسعة جدا جدا
تانى حاجة شكلها هيقعد على الأقل خمس سنين كمان.......
اعمل استخارة وتوكل على الله وهاتها

واللة ياأخويا هيبقى فى زنقة فى الفلوس وبعدين برضة مستخسر عربيتى الحمدللة مفيهاش عيوب صناعة ولاحاجة وذى أنت مابتقول لسة الجديدة مالحقتش تتجرب كويس وماتعرفش عيوبها وعلى فكرة الجديدة مش أوسع ولاحاجة تقريبا نفس القعدة بالضبط هى بس شكلها الخارجى أكبر شوية واللى فى الخير يقدمة ربنا وشكرا على الرد السريع

[aymanshebl]

انا من راى ان حضرتك تستمتع بالعربية ما دام حضرتك ميسوط منها و احسن من الشكل الجديد بلا شكل جديد بلا وجع قلب و وفر ال 40 الف دول لاى حاجة تانية حرام تدفع زيادة 40 الف علشان الشكل

[samihanwar]

هى بصراحه الشيب الجديد جامده جدا من كل شئ
وهى طبعا اوسع من الشيب القديم وصوتها ناعم جدا هى بصراحه تحفه
بس انا رايى لو انت عاوز تبيع عشان تجيب الشيب الجديد يعنى كشكل بس بلاش لأن الشيب الجديد استنى عليه شويه هتلاقيها ملت الدنيا وهتبقى زهقان
خليك فى اللى معاك احسن

[shtaher2368]

انا من راى ان حضرتك تستمتع بالعربية ما دام حضرتك ميسوط منها و احسن من الشكل الجديد بلا شكل جديد بلا وجع قلب و وفر ال 40 الف دول لاى حاجة تانية حرام تدفع زيادة 40 الف علشان الشكل

ربنا يخليك ياأيمن باشا واللة أنا رأيي ذى رأيك بس أنت عارف الذن على الودان وخصوصا أن أولادى شباب والمهم عندهم الشكل أنما الفلوس تيجى أزاى ماتفرقش معاهم أدينى بحاول أقنعهم وخصوصا أني فعلا وللة الحمد بحب عربيتي جدا وشايف ان الفرق فى الشكل مايستاهلش كل الفلوس دى وربنا يقدم مافية الخير وشكرا مرة تانية ياأيمون

[shtaher2368]

هى بصراحه الشيب الجديد جامده جدا من كل شئ
وهى طبعا اوسع من الشيب القديم وصوتها ناعم جدا هى بصراحه تحفه
بس انا رايى لو انت عاوز تبيع عشان تجيب الشيب الجديد يعنى كشكل بس بلاش لأن الشيب الجديد استنى عليه شويه هتلاقيها ملت الدنيا وهتبقى زهقان
خليك فى اللى معاك احسن

شكرا ياسموحة على الرد وعلى فكرة صوتها مش أنعم ولا حاجة والوسع الداخلى واحد أنا سوقتها لأن زوج أختى لسة شاريها وأستجابة عربيتى للسرعة أعلى بكتير والألنترا الجديدة بتتنطط من الخلف جامد لأن عفشتها عفشة السيراتو بالظبط ودة حقيقى يعنى انا مش بحاول أقنع نفسى علشان أحتفظ بعربيتى وشكرا على ردك ياسامح مرة تانية

[adel1212]

انا معايا 2011 و لمعت فى دماغى لفترة انى اغير ل 2012و تقريبا نفس ظروفك لكن العقل تدخل فى اللحظات الحاسمة رغم ان اللى كان حياخد عربيتى اخويا يعنى مش فارقة معايا الخسارة كتير
لانى لو حطيت نفسى فى الدوامة دى يبقى كل سنة عايز اغير لان الموديلات الجديدة تحفة
و اخدت قرار ان شاء الله اغير بعد 5 سنوات لو كان فى العمر باقى
فنصيحة الاولاد ربنا يبارك لك فيهم اولى باى فلوس وبالذات ربنا اللى يعلم البلد رايحة لغاية فين واخيرا ربنا يوفقك ويسدد خطاك للخير
تحياتى

[mido51eg]

عربيتك لو النترا الوكيل المصري كنت هقولك غير وهات الشكل الجديد. انما الخليجي دي فرق شاسع جدا ... في نظام تبريدها ، وتكييفها ، عزل الحرارة في السقف والأبواب ... فرامل عربيتك احسن من فرامل الألينترا 2012 ... انا لو مكانك مش هاخد الخطوة دي.

[shtaher2368]

انا معايا 2011 و لمعت فى دماغى لفترة انى اغير ل 2012و تقريبا نفس ظروفك لكن العقل تدخل فى اللحظات الحاسمة رغم ان اللى كان حياخد عربيتى اخويا يعنى مش فارقة معايا الخسارة كتير
لانى لو حطيت نفسى فى الدوامة دى يبقى كل سنة عايز اغير لان الموديلات الجديدة تحفة
و اخدت قرار ان شاء الله اغير بعد 5 سنوات لو كان فى العمر باقى
فنصيحة الاولاد ربنا يبارك لك فيهم اولى باى فلوس وبالذات ربنا اللى يعلم البلد رايحة لغاية فين واخيرا ربنا يوفقك ويسدد خطاك للخير
تحياتى

ربنا يخليك ياأستاذ عادل وشكرا على الدعوات الجميلة دى وربنا يحفظلك أولادك وعربيتك يارب طبعا رأيك مظبوط جدا جدا وخصوصا أن فرق الفلوس مش موجود كمان بالكامل يعنى الموضوع هيعمل زنقة جامدة والعملية مش مستاهلة وخصوصا أن عربيتى حلوة جدا وناعمة وشكلها برضة جميل وحضرتك عندك أختها ومجربها ربنا يبارك فيك ياأستاذ عادل

[heart_sugar]

انا كانت معاية نيو اكسنت 2011 الشكل القديم قعدت سنه وبعتها وجبت الجديده صراحة القديمه احسن بكتيرررر وجربت الالنترا الجديده والقديمه القديمه احسن صدقني
ولو عايز تغير اصبر سنه واشتري السيراتوا الشكل الجديد الي حينزل اخر 2012

[shtaher2368]

عربيتك لو النترا الوكيل المصري كنت هقولك غير وهات الشكل الجديد. انما الخليجي دي فرق شاسع جدا ... في نظام تبريدها ، وتكييفها ، عزل الحرارة في السقف والأبواب ... فرامل عربيتك احسن من فرامل الألينترا 2012 ... انا لو مكانك مش هاخد الخطوة دي.

شكرا ياميدو ألف شكر على ردك ورأيك على رأسى من فوق وتقريبا هو نفس رأيي لأنى جربت الألنترا الجديدة وفعل عربيتى أحسن فى الأداء بكتير أوي الفرق فى الشكل الخارجى فقط لاغير وبعدين العربية الجديدة زي البطيخة يا حلوة يا قرعة وأنا بطيختى الحمد والشكر يارب ويديمها على نعمة طلعت خشاف

[shtaher2368]

انا كانت معاية نيو اكسنت 2011 الشكل القديم قعدت سنه وبعتها وجبت الجديده صراحة القديمه احسن بكتيرررر وجربت الالنترا الجديده والقديمه القديمه احسن صدقني
ولو عايز تغير اصبر سنه واشتري السيراتوا الشكل الجديد الي حينزل اخر 2012

شكرا ياباشا على رأيك وربنا يحفظلك أولادك وعربيتك وفعلا المنتدى هنا ماشاء اللة الواحد أول مابيطلب النصيحة بتنزل ترف ربنا يحفظكم جميعا

[Rsarabia]

ياجماعة أنا معايا سيارة ألنترا 2010 خليجى سعودى عاملة 9600 كيلو فقط لاغير فتحة سقف جنوط سبور فرامل ديسكات أمامى خلفى أشتريتها يوم 18-1-2010 العربية ماشاء الله بحالة الفابريكة وطبعا بعد نزول الألنترا الجديدة زقزقت فى عينى أنى أغير للجديدة وخصوصا طبعا أن شكلها رائع والأولاد طبعا عايزين كدة خصوصا بعد ما زوج أختى جاب الألنترا الجديدة وطبغا الغيرة أشتغلت بس للأمانة أنا ركبت الجديدة وهى أول فئة أوتوماتيك بدون جنوط ولا فتحة سقف ولا بلوتوث فى الكاسيت ولا جراب نظارة وأنوار قراءة أمامية وهو ربنا يبارك لة فيها أشتراها ب 125 ألف وانا سوقتها وحاسس أن الفرق لصالح عربيتى بمنتهى الصدق فى العفشة الخلفية وفى ثقلها فى الطلعة الأولى هو الفرق لصالح الجديدة فى الشكل الخارجى فقط لاغير.... السؤال هنا اللى عايز علية أجابة من حضراتكم هل من المنطقى أنى أبيع سيارتى حبيبتى اللى الحمد لله مريحانى جدا وانا عارف أنها لايمكن هتجيب أكتر من 100 ألف جنية واروح اشتري الالنترا الجيدة وأحط فرق حوالي 40 ألف جنية علشان أشتري ألنترا 2012 بنفس مواصفات عربيتى بس اللأختلاف فى الشكل فقط وأنا متأكد أن أداء سيارتى أحسن بكتير ياريت تردوا ياشباب

يا باشا عربيتك عاملة 9600 كيلو بس حرام تبيعها دى لسه زيرو حتى لو الامكانيات مساعدة و بعدين استمتع بيها لحد ما تحس انها بدأت تعجز لكن هتغير عشان الشكل مختلف بس يبقى حرام خصوصا ان الفرق مش كبير اوى بين الاتنين و القديمة حلوة بردو

[Donzi]

عربيتك لو النترا الوكيل المصري كنت هقولك غير وهات الشكل الجديد. انما الخليجي دي فرق شاسع جدا ... في نظام تبريدها ، وتكييفها ، عزل الحرارة في السقف والأبواب ... فرامل عربيتك احسن من فرامل الألينترا 2012 ... انا لو مكانك مش هاخد الخطوة دي.

+111111111111

ببساطة لا مش منطقي

و الاولاد يا ما بيشبطوا في حاجات كتير و اكيد مش هانمشي وراهم و لا هانبيع هدومنا بعد كدا