مدى الفارق بين الاكسنت ال 1300 و ال 1500

[Abody1985]

السلام عليكم جميعا
انا اول مره اكتب في منتدى الهيونداي لاصرار ابن خالي على شراء هيونداي اكسنت موديل 2000 وانت طالع ..وعشمي في الناس هنا كبير في الافادة ان شاء الله
المشكلة ان اغلب العربيات 1300 سي سي
وخايف هو من ال1300 عشان عاوز التكييف يبقى اداءه كويس
ياريت حد يفيدني بمدى الاختلاف ، وهل ال 1300 وحشه مع التكييف
وياريت لو حد قالي حدود السعر يبقى مشكوور جدااااااااا

[HOSSAM99]

و عليكم السلام و رحمة الله و بركاته
الـ1300 منتشر في الأكسنت و أداؤه حلو بالتكييف و بدون لكن أكيد طبعا التكييف بيأثر عليها لكن مش بتبقي تقيله يعني تنفع حد سواقته إقتصاديه
أما الـ1500 جميله جدا و مش بتتأثر أوي بالتكييف (لكن كل العربيات بتتأثر بالتكييف)

و السعر حسب الحاله ( الدواخل و الصالون و الموتور و العفشه) و الكماليات

[mohamed_mohsen]

+ كمان ان ال1300 كاربيراتير و ال1500 انجيكشن

[ruicosta]

بص انا كان معايا 1300 تكييف ثلاجة بس كانت بتتأثر باالتكييف بس مش بحط فى دماغى لانى انا اصلا سواقتى هادية انما لو انت سواقتك متعصبة وبتحب تطلع من دا وتزنق على دا وتجرى هتتأثر بس عموما الانجيكشن افضل فى استهلاك البنزين عن الكاربراتير بس هى اختيار موفق جداااا الاكسنت