نفسى فى حل للمشكله دى ياريت الرد من خبراء

[e_h780]

انا معايا النترا 2008 عامله 60 الف كيلو المشكله ان من اسبوع كده كل لما اجى اطلع بالعربيه فى الغيار الاول او التانى بسمع صوت طقطقه فى الجانب الشمال من ورا وتحديدا من عند العجله ومش عارف الصوت ده من ايه ياريت بجد حد يشوف الموضوع ده ضرورى لانى اتخنقت وشكرا

[aymangouda]

ممكن يكون محتاج تربيط للعفشه خاصه فى
المكان اللى بتقول عليه

[ahmed_h_g]

روح لعفشجى شاطر ومتقلقش بسيطه ان شاء الله

[HOSSAM99]

قبل ما حضرتك تعمل أي حاجه قرط علي صواميل العجله اللي الصوت طالع منها لو الصوت ما رحش روح لعفشجي يربط العفشه

[Mina-Magdy]

اتبع الخطوات الاتية بالظبط
1- روح البنزينة واغسل السيارة كويس جدا بخرطوم الكبس من الاسفل
2- فى نفس اليوم روح للميكانيكى او متخصص العفشة وبالمزيتة يزيت المقصات والمساعدين ان امكن
الصوت دة بكون خشونة فى المساعد مش معنى كدة انو باظ بس العيب دة فى اغلبية الانترا من اول 2004

[e_h780]

والله يا جماعه متشكر جدا على الردود الجميله دى