إعـــــــلان

**mm_champion** · 03-11-2011, 02:26 AM

انا عملت صيانة الالف في ابو غالي العبور للفيرنا , وعرفت انهم بيحطوا توتال كوارتز 5000 كم , هل الزيت ده مناسب ولا شايفيين ايه

**Ashraf_Ibrahim** · 03-11-2011, 11:27 AM

الحمد لله امبارح اشتريت الزيت من بنزينة طاقة
كاسترول ايدج 5/40 بسعر 270 جنيه
وعديت على الميكانيكي بتاعي بالليل الساعة 11.20 تقريبا بعد ما خلصت شغلي
غيرت الزيت
الزيت كان عامل 14950 كم بالضبط
لما نزل الزيت بص على كميته الزيت مش ناقص ومظبوط وزي الفل
حغيرت فلتر زيت وحطيت الزيت الجديد وغيرت فلتر هوا ونضفت بوابة الانجكشن عندي -بستغرب من اداء العربية مع كل البلاوي اللي كانت في البوابة الحقيقة - البوابة كانت خرابة جوا هههههههههههههههههههه
وفكينا الرشاشات ونضفتها تمام
وفكيت التيل وسنفرته كمان وبصيت عليه لقيته زي الفل ممكن يمشي في حدود 10000 كم كمان بأمر الله ورجلشت تيل ورا كمان وربطت عفشة وزيتها كمان
ركبت العربية اول ما ركبتها طبعا الفرامل تقريبا مفيش قعدت امشي واضرب وامشي واضرب لحد ما عملت انغلاق تام واطمنت انها شغالة كويس
بس العربية عايزة تطير من على الارض اساسا :d

المشاركة الأصلية كتبت بواسطة moh.abdelbaset مشاهدة المشاركة

طيب هل في فرق بين الفيرنا ال1500 و ال1600؟

فرق ال 100 سي سي فقط لا غير مفيش اي فرق تاني خالص

المشاركة الأصلية كتبت بواسطة mm_champion مشاهدة المشاركة

انا عملت صيانة الالف في ابو غالي العبور للفيرنا , وعرفت انهم بيحطوا توتال كوارتز 5000 كم , هل الزيت ده مناسب ولا شايفيين ايه

زيت 5000 كم يعني زيت معدني
الافضل تحط زيت تخليقي

**khaabas** · 03-11-2011, 10:48 PM

المشاركة الأصلية كتبت بواسطة ashraf_ibrahim مشاهدة المشاركة

ايدج سبورت اللي موجود هنا في مصر في بنزينات طاقة هو 10/60
بصورة عامة الزيت دا للمواتير التوربينية ويفترض انه بيمشي 20000 كم
طيب ماله الزيت دا؟!
لزوجته اعلى من المفترض للمواتير العادية !
احنا بنشتغل على لزوجة المفروض 5/30 او 5/40 حسب يعني
بالتالي 10/60 هيكون لزوجة عالية
زيادة لزوجة الزيت مش مفيدة في كل الاحيان لأن دا هيزيد من مقاومة الزيت ! ومواتيرنا عادية مش محتاجة اللزوجة دي كلها
هيبقا بترمي فلوس على الارض ملهاش اي لزمة ومش هتفيد موتورك بأي شيء بل على العكس قد تضره على المدى البعيد !
اما لو هتحط ايدج سبورت 5/30 دا يبقا زي الفل طبعا حطه وانت مطمئن وهتمشي عليه 20000 كم ودا سعره 300 جنيه بس اللزوجة دي والدرجة دي مش موجودة في طاقة هنا في مصر
وكزيادة تأكيد هسألكم يوم الخميس وانا بجيبه باذن الله

بس فيه ملحوظة بعد اذن حضرتك انا كنت حطيت توتال 9000 5/40 ولاحظت ان صوت الموتور كان عالى وخشن ولما حطيت الماجنتيك 10/40 الموضوع اختلف للاحسن فهل فيه مشكل لو حطيت الايدج سبورت 10/60 اعتقد ان صوت الموتور حيكون انعم وافضل وموش شرط انزل على عشرين الف كيلو ممكن 10 أو 15

**alrazy** · 04-11-2011, 05:08 AM

المشاركة الأصلية كتبت بواسطة khaabas مشاهدة المشاركة

بس فيه ملحوظة بعد اذن حضرتك انا كنت حطيت توتال 9000 5/40 ولاحظت ان صوت الموتور كان عالى وخشن ولما حطيت الماجنتيك 10/40 الموضوع اختلف للاحسن فهل فيه مشكل لو حطيت الايدج سبورت 10/60 اعتقد ان صوت الموتور حيكون انعم وافضل وموش شرط انزل على عشرين الف كيلو ممكن 10 أو 15

بص يا باشا ... كاتالوج العربية و الموقعين اللى كنت كنبتهم بتوع اختيار نوع الزيت المناسب ... ولا واحد فيهم اختار اللزوجة دى ابدا .... يبقى نمشى زى الكتاب احسن ...توكل على الله و هات ايدج العادى انا لسه جايبه حالا

**Ashraf_Ibrahim** · 04-11-2011, 06:06 AM

المشاركة الأصلية كتبت بواسطة khaabas مشاهدة المشاركة

بس فيه ملحوظة بعد اذن حضرتك انا كنت حطيت توتال 9000 5/40 ولاحظت ان صوت الموتور كان عالى وخشن ولما حطيت الماجنتيك 10/40 الموضوع اختلف للاحسن فهل فيه مشكل لو حطيت الايدج سبورت 10/60 اعتقد ان صوت الموتور حيكون انعم وافضل وموش شرط انزل على عشرين الف كيلو ممكن 10 أو 15

بكل تأكيد تكنولوجيا ايدج سبورت افضل من تكنولوجيا ايدج العادي وتحمله للحرارة كمان هيكون أعلى
بس خلينا واقعيين
اللزوجة العالية دي انا مش محتاجها في شيء!
وخلونا نلاحظ حاجة تانية بيكون فيه اختلافات فردية في المواتير يعني ممكن نفس الزيت ميديش نفس الاداء لعربيتين من نفس الشركة نتيجة اختلاف بسيط في التصنيع غير مقصود من الوكيل نفسه !
لو انت شايف ان عربيتك صوت موتورها بيريح مع زيادة اللزوجة -ودا طبيعي طبعا - يبقا حط الايدج سبورت وان كنت افضل تجرب ايدج العادي الاول ولو ملقيتش الاداء المطلوب جرب الاسبوت
على فكرة انا كنت بحط شل الاصفر حطيته مرتين وكان صوت موتور عربيتي هادي
لما حطيت شيل الترا صوتها علي شوية
لما حطيت كاسترول ايدج الصوت رجع تاني كويس جدا

المشاركة الأصلية كتبت بواسطة alrazy مشاهدة المشاركة

السلام عليكم ... كل سنه و انت طيب يا دكتور اشرف

انا لسه جايب كاسترول ايدج العادى 5w 40 من بنزينة طاقة الدائرى لسه حالا .... كنت معدى بظروفها راجع من المطار.... الحمد لله و فعلا مش موجود الا سبورت 10w 60 و هذا غير مناسب

الله يكرمك .... شكرا على المعلومة ..... ... هتوفر على كتيير

ربنا يكرمك يا كبير
بالتوفيق مع كاسترول ايدج يا باشا

**khaabas** · 04-11-2011, 11:41 AM

المشاركة الأصلية كتبت بواسطة alrazy مشاهدة المشاركة

بص يا باشا ... كاتالوج العربية و الموقعين اللى كنت كنبتهم بتوع اختيار نوع الزيت المناسب ... ولا واحد فيهم اختار اللزوجة دى ابدا .... يبقى نمشى زى الكتاب احسن ...توكل على الله و هات ايدج العادى انا لسه جايبه حالا

بس خلى بالك يا دكتور الكاتلوج عندى بيقول المناسب 20/40 أو 20/50 فلو حطيت 10/60 ايدج سبورت حيكون مناسب بردة ولا ايه

**khaabas** · 04-11-2011, 11:44 AM

المشاركة الأصلية كتبت بواسطة ashraf_ibrahim مشاهدة المشاركة

بكل تأكيد تكنولوجيا ايدج سبورت افضل من تكنولوجيا ايدج العادي وتحمله للحرارة كمان هيكون أعلى
بس خلينا واقعيين
اللزوجة العالية دي انا مش محتاجها في شيء!
وخلونا نلاحظ حاجة تانية بيكون فيه اختلافات فردية في المواتير يعني ممكن نفس الزيت ميديش نفس الاداء لعربيتين من نفس الشركة نتيجة اختلاف بسيط في التصنيع غير مقصود من الوكيل نفسه !
لو انت شايف ان عربيتك صوت موتورها بيريح مع زيادة اللزوجة -ودا طبيعي طبعا - يبقا حط الايدج سبورت وان كنت افضل تجرب ايدج العادي الاول ولو ملقيتش الاداء المطلوب جرب الاسبوت
على فكرة انا كنت بحط شل الاصفر حطيته مرتين وكان صوت موتور عربيتي هادي
لما حطيت شيل الترا صوتها علي شوية
لما حطيت كاسترول ايدج الصوت رجع تاني كويس جدا

ربنا يكرمك يا كبير
بالتوفيق مع كاسترول ايدج يا باشا

فعلا فيه اختلافات فردية في المواتير وعلى العموم هاجرب الايدج سبوت واقولكم النتيجة لما اغير الزيت