بقيت النتراوي :)

[bakkarahmed]

الحمد لله اشتريت النترا 2008 اوتو خليجي فول اوبشن وكنت عايز اسال علي شويه حاجات
1-انا عايز اغير زيت وفلتر الفتيس فاي العلامات التجاريه اللي في السوق تقابل spiii وهتاخد كام كيلو مع تغيير الفلتر
2- الفلتر ممكن يكون عند المنيري ؟؟ علشان هو قريب مني وهل المصري زي الخليجي وبكام؟؟
3- انا اعرف ان زيت الفتيس بيتقاس والعربيه سخنه وعلي n بس والعربيه دايره والا مطفيه؟؟؟
4- البوجيهات ليها ماركه معينه؟؟ وظبط الخلوص بتاعها
5 -فلتر بنزين بيتغير كل كام ؟؟
6- انا عندي ار بي ام علي السلانسيه بيكون علي 0.5 سواء علي ال ان او الدي والعربيه فيها هزه بسيطه فهل ده يعتبر واطي؟؟؟
7-العربيه ماشاء الله ناعمه والموتور مش مسموع بس انا بلاحظ وانا بادخلها الجراج باليل صوت غريب للموتور زي صوت السلانسيه بتاع الربع نقل (طبعا مش زيه في العلو بس زيه في رنه الموتور) والصوت ده ماحدش هايلاحظه الا في الهدوء التام ويكون ودنه حساسه او مهسهس زي حالاتي :) والميكانيكيه اللي شافوها قالوا ان الموتور سليم وده صوت الكستبانات ( البلوف) وده ممكن يكون ملحوظ في بعض الالنتراا واني المفروض انزل الموبيل وان اللي فيها(ماشي عليع يادوب 300 كيلو فقط) واحط بداله شيل الاصفر ( المعدني) فايه رايكم في الكلام ده؟؟
8- زيت الموتور بالفيلتر بياخد كام؟؟

[bakkarahmed]

ايه الصحرا دي..مفيش حد يقول اي حاجه ولو حتي مبروك

[akrameladl]

الف ميروك وربنا يكفيك شرها
يا زين مااخترت

[bakkarahmed]

الف ميروك وربنا يكفيك شرها
يا زين مااخترت

الله يبارك فيك..ياريت لو حضرتك عندك اي معلومات يبقي كتر خيرك

[memo823000]

ياباشا مبروك وانا بحب الالنترا القديمة بس اعلى فئه جدا اللى بجنوط 16 وفتحة سقف وايه بى اس وايرباجز ودى فى دى وكاميرا خلفيه وحركات
ربنا يباركلك فيها

[devil_storm]

اختيار موفق و الف مبروك

[bakkarahmed]

اختيار موفق و الف مبروك

الله يبارك فيك

ياباشا مبروك وانا بحب الالنترا القديمة بس اعلى فئه جدا اللى بجنوط 16 وفتحة سقف وايه بى اس وايرباجز ودى فى دى وكاميرا خلفيه وحركات
ربنا يباركلك فيها

الله يبارك فيك ..هي سعودي جنط وفتحه سقف وايبي اس واير باجز وزينون اصلي بس ناقصها الدي في دي والحركات :)))

[Ashraf_Ibrahim]

مبروك يا صديقي
طب حد من اصحاب الالنترا يرد على العضو يا شباب !

[bakkarahmed]

مبروك يا صديقي
طب حد من اصحاب الالنترا يرد على العضو يا شباب !

الله يبارك فيك...انا حاسس اني في صحرا خالص في قسم الهيونداي..علشان انا قبل كده كنت في الدايو فتره وكان محمد باشا ممدوح وباقي الزملا مظبطين الدنيا خالص

[Ashraf_Ibrahim]

لا تقلق اصحاب الالنترا هيظهروا دلوقتي
انا معايا فيرنا للأسف لو كنت النترا كنت هتلاقيني جاوبتك على طول :d

[minicooper20]

الف مبروك يا باشا

[bakkarahmed]

الف مبروك يا باشا

الله يبارك فيك

[memo823000]

الحمد لله اشتريت النترا 2008 اوتو خليجي فول اوبشن وكنت عايز اسال علي شويه حاجات
1-انا عايز اغير زيت وفلتر الفتيس فاي العلامات التجاريه اللي في السوق تقابل spiii وهتاخد كام كيلو مع تغيير الفلتر
2- الفلتر ممكن يكون عند المنيري ؟؟ علشان هو قريب مني وهل المصري زي الخليجي وبكام؟؟
3- انا اعرف ان زيت الفتيس بيتقاس والعربيه سخنه وعلي n بس والعربيه دايره والا مطفيه؟؟؟
4- البوجيهات ليها ماركه معينه؟؟ وظبط الخلوص بتاعها
5 -فلتر بنزين بيتغير كل كام ؟؟
6- انا عندي ار بي ام علي السلانسيه بيكون علي 0.5 سواء علي ال ان او الدي والعربيه فيها هزه بسيطه فهل ده يعتبر واطي؟؟؟
7-العربيه ماشاء الله ناعمه والموتور مش مسموع بس انا بلاحظ وانا بادخلها الجراج باليل صوت غريب للموتور زي صوت السلانسيه بتاع الربع نقل (طبعا مش زيه في العلو بس زيه في رنه الموتور) والصوت ده ماحدش هايلاحظه الا في الهدوء التام ويكون ودنه حساسه او مهسهس زي حالاتي :) والميكانيكيه اللي شافوها قالوا ان الموتور سليم وده صوت الكستبانات ( البلوف) وده ممكن يكون ملحوظ في بعض الالنتراا واني المفروض انزل الموبيل وان اللي فيها(ماشي عليع يادوب 300 كيلو فقط) واحط بداله شيل الاصفر ( المعدني) فايه رايكم في الكلام ده؟؟
8- زيت الموتور بالفيلتر بياخد كام؟؟

ياعم الموضوع لازم ميكانيكى يشوف العربيه وطبعا لازم يكون ثقه عشان ميشتغلكش
لو متعرفش حد كويس انا اعرف واحد اساسا شغال فى توكيل ابو رواش وراجل برنس لاكن مكانه فى ابو رواش انا بعمل عنده عربيتى الافيو بقالى سنتين والحمد لله لم يخزلنى ابدا لو محتاجه ومناسب ليك ابعتلى رسالة على الخاص واديلك عنوانه وتليفونه
هو هيقولك كل حاجه وايه الزيت اللى ناقص او عايز يتغير وايه اللى ميتغيرش وهيقولك على قطع الغيار والزيوت اللى العربيه محتاجاها وانت تشتريها وتجبهاله وهو يركبهالك ويروقلك العربيه ترويقه محترمه باذن الله
والله المستعان

[chicobon]

الف ميروك وربنا يكفيك شرها
يا زين مااخترت

[bakkarahmed]

انا تزلت اشتريت شويه حاجات لزوم الصيانه
1-فلتر هوا (35جنيه)
2-فلتر بنزين (فيه نوعين واحد ب 65 والتاني ب 100 جبت اللي بميه
3- بوجيهات (مش فاكر سعرها بصراحه
4-جركن مياه ايديا الاسباني 5 لتر
5-فلتر فتيس ب 125 بس قالي هايجبهولي بكره من المخزن وبيقولي اصلي
الحاجات دي من المنيري اللي في فيصل..
تاني حاجه انا كشفت علي الموتور والحمد لله طلع سليم 100% وسمعت نفس الصوت ده في سيراتو 2010 وتعتبر نفس تكنولوجي الموتور تقريبا فاطمئنيت والحمد لله
وبالنسبه لزيت الفتيس لقيت مكتوب في الكاتالوج انه يتقاس والعربيه سخنه ودايره وعلي الوضع n وساعتها المفروض يبقي علي علامه الهوت..
تبقي سؤالين:
1- عن نوع الزيت الاوتو اللي يتوافق مع SPIII ولقيت ان الزيت المتوافر هو فالفولين بس الليتر ب 75 جنيه فلو فيه ماركه تانيه اوي حد غير بنوع تاني يفيدني في الموضوع ده وكمان لو غيرت الزيت مع الفيلتر هل يفضل طريقه الشفط والا فك الكارتيره ( يعني ايهما يسمح باستخراج اكبر كم من الزيت لان الكارتيره فكها اخره ينزل 2.5 ليتر فقط من السته ليتر اللي موجودين
2- ياريت اي حد من ملاك الالنترا الاوتو يقولي السلانسيه المفروض يبقي علي كام ار بي ام ..لان الميكانيكي بيقولي انه مابيتلعبش فيه وممكن لو واطي يتظبط مع تنضيه حساس السلانسيه وبوابه المانوفيلد..
ده اللي انا توصلتله لغايه دلوقتي .... انا جربت العربيه علي السريع وجبت بيها 200 علي طريق القاهره الفيوم ( في جزء STRAIGHT وبيشجع علي الجري بس العربيه تخوف شويه بعد 170 وعلي فكره الباور بيتقل وبقولها للناس اللي متخوفه من باور الالنترا..
اسف للاطاله