عربيتى الفيرنا اتسرقت .

[linux1man]

السلام عليكم ورحمة الله وبركاته


اللهم لك الحمد . انا لله وانا اليه راجعون اللهم اجرنى فى مصيبتى واخلف لى خير منها

انا عربيتى اتسرقت يا جماعه يوم الخميس من امام جامعه mti كلية الهندسة

عربية فيرنا فيرانى موديل 2011

ارقام

ر س ى 632

لو حد عثر عليها ياريت يكلمنى

01004623551

وياريت يا جماعه يكون فيه وقفة علشان سرقة العربيات دى
لازم نعمل حاجة بعد ما الشرطة بقت تعاقبنا علشان عملنا ثورة
وما بيعملوش اى حاجة

الاحصائيات بتقول ان 15 الف عربية اتسرقت من بداية الثورة لشهر 6
يعنى حرام بجد اللى بيحصل فينا دا دى منظمة والله الشرطة ساكتة او ليها يد فى كدا

دخلت علشان اخد جواب المرور من المديرية

لاقيت واحد هناك شرطة تبع المديرية بيقولى اتسرقت من انهى منطقة قولتله كذا
قالى هتلاقيها فى المنطفة كذا وهيتصلوا بيك يقولولك هات فلوس وخدها لو كنت سايب ارقام برة العربية
وبص للى جنبه وفضل يضحك
ودخل واحد تانى عربيتة مسروقه برضو قالو اتسرقت منين قالو على المكان اللى اتسرقت منه
راح الراجل قايل نفس الكلام بس مكان تانى بقى لتواجد العربية

طيب طالما هنا عارفين ليه ما بيروحوش يجيبوا الناس دول . واتقالتلى مش انتوا عاوزين ثورة وجرية
اشربو بقى


لازم بصراحة نعمل واقفه على الموضوع دا وربنا ما يكتبها على حد تانى

وياريت نوقف شراء العربيات المستعملة وقطع الغيار المستعملة كنوع من الاضراب على الل بيحصل دا والسرقة دى

هل حد فيكوا يرضى يكون شارى عربية مسروقة او قطع غيار مسروقة


الله المستعان والحمدلل

[alrazy]

حسبى الله و نعم الوكيل .....
خليك حسن الظن بالله و خلى فى اعتقادك دائما ان الله هيرجعهالك و تذكر قول رسول الله صلى الله عليه وسلم عن ربه في الحديث القدسي : " أنا عند ظن عبدي بي فليظن بي ما شاء "

حسبى الله ونعم الوكيل ...... ادعى ربنا جامد انه يرجعهالك " ان الله على كل شيء قدير"

و نصيحة للجميع لازم نأمن عربياتنا جامد جدا ..... و انذار الفيرنا ده شكله اى كلام .....

[linux1man]

انا مأمن عليها فى نايل تكافل بس مش عارف التأمين شامل السرقة ولا لاء
تانى حاجة بتصل بيهم من يوم الخميس ما بيردوش

لان تقريبا مواعيدهم الرسمية لحد الساعه 4 بس وجمعه وسبت اجازة
هل الايام الاجازة دى داخله فى ال 72 ساعه مهله للتبليغ ولا ايه !!

والحمدلله على كل شىء وحسبنا الله ونعم الوكيل

[tahaderaz]

اللهم رد له ضالته أنت القادر على كل شئ

[ahmedzizo131]

بسم الله الرحمن الرحيم
حسبنا الله و نعمه الوكيل فى كل حرامى

[ayman2]

السلام عليكم ورحمة الله وبركاته


اللهم لك الحمد . انا لله وانا اليه راجعون اللهم اجرنى فى مصيبتى واخلف لى خير منها

انا عربيتى اتسرقت يا جماعه يوم الخميس من امام جامعه mti كلية الهندسة

عربية فيرنا فيرانى موديل 2011

ارقام

ر س ى 632

لو حد عثر عليها ياريت يكلمنى

01004623551

وياريت يا جماعه يكون فيه وقفة علشان سرقة العربيات دى
لازم نعمل حاجة بعد ما الشرطة بقت تعاقبنا علشان عملنا ثورة
وما بيعملوش اى حاجة

الاحصائيات بتقول ان 15 الف عربية اتسرقت من بداية الثورة لشهر 6
يعنى حرام بجد اللى بيحصل فينا دا دى منظمة والله الشرطة ساكتة او ليها يد فى كدا

دخلت علشان اخد جواب المرور من المديرية

لاقيت واحد هناك شرطة تبع المديرية بيقولى اتسرقت من انهى منطقة قولتله كذا
قالى هتلاقيها فى المنطفة كذا وهيتصلوا بيك يقولولك هات فلوس وخدها لو كنت سايب ارقام برة العربية
وبص للى جنبه وفضل يضحك
ودخل واحد تانى عربيتة مسروقه برضو قالو اتسرقت منين قالو على المكان اللى اتسرقت منه
راح الراجل قايل نفس الكلام بس مكان تانى بقى لتواجد العربية

طيب طالما هنا عارفين ليه ما بيروحوش يجيبوا الناس دول . واتقالتلى مش انتوا عاوزين ثورة وجرية
اشربو بقى


لازم بصراحة نعمل واقفه على الموضوع دا وربنا ما يكتبها على حد تانى

وياريت نوقف شراء العربيات المستعملة وقطع الغيار المستعملة كنوع من الاضراب على الل بيحصل دا والسرقة دى

هل حد فيكوا يرضى يكون شارى عربية مسروقة او قطع غيار مسروقة


الله المستعان والحمدلل

ربنا يعوض عليك ويؤجرك فى مصيبتك
انا متفق معك فى كل اللى قولته ودى مؤامره علشان احنا عملنا الثوره وأنزلنا الشرطه من عرشها من على رقبه الشعب فقط وليس الخارجين على القانون وكفايه بقى احسان الظن فى من يستحل دم وعرض ومال هذا الشعب الطيب الا يعلمون انهم عندما لايقومون بعملهم ويقبضون مرتباتهم من دم هذا الشعب انما يأكلون حرام وحسبنا الله ونعم الوكيل

[MASERATI]

السلام عليكم و رحمة الله و بركاته

قدر الله و ما شاء فعل و ربنا ييسرلك الأحوال و يردهالك ان شاء الله.

فعلا, الشرطة المصرية بقوا شئ لا يطاق, على مدار الأيام و الشهور, بيضربوا أروع الأمثلة فى القذارة و الحقارة و الخسة و الندالة, بشكل يمكن مالقينهوش من أعداء الاسلام و المسلمين !!!!!!!!

[devil_storm]

ربنا يعوضك خير ان شاء الله

[lost2008]

ربنا يعوضك خير, انا لسه من كام يوم عربية صديق ليا اتسرقت الموضوع فعلا بالشكل ده ان فيه تعمد من الداخلية انهم يسيبو علينا الحرامية , كان عندى سؤال لحضترك هيه عربيتك كانت فيرنا كاملة الهىا بتنزل بالانذار بتاعها وﻻ ﻻ؟,,,, على حد علمى ان الانذار الاصلى بتاعها بيمنع تشغيل العربية لو اتفتحت حتى بمفتاح اصلى من غير قفل الانذار

[Ashraf_Ibrahim]

لا حول ولا قوة إلا بالله
احتسب عند الله
وان شاء الله ربنا يجمعك بيها وتلاقيها باذن الله

[linux1man]

ربنا يكرمكم جميعا وما يكتبش الموضوع دا على حد تانى ابدا يارب

ربنا يعوضك خير, انا لسه من كام يوم عربية صديق ليا اتسرقت الموضوع فعلا بالشكل ده ان فيه تعمد من الداخلية انهم يسيبو علينا الحرامية , كان عندى سؤال لحضترك هيه عربيتك كانت فيرنا كاملة الهىا بتنزل بالانذار بتاعها وﻻ ﻻ؟,,,, على حد علمى ان الانذار الاصلى بتاعها بيمنع تشغيل العربية لو اتفتحت حتى بمفتاح اصلى من غير قفل الانذار

اها كاملة 2011 بس ولا الهوا ولا عملت حاجة بدليل انى جيت لاقيت الازاز متكسر يعنى كسر ازاز الباب وفتح السنتر لو ودخل ولا حياة لمن تنادى

المشكلة من قلة الامن دلوقتى الناس بقت تشوف قدامها السرقة ولا الضرب ولا القتل ومحدش يتكلم
كل الناس بقت تخاف تعمل حاجة

وللأسف كلمت عقيد يقولى اهو بقى الظروف بتاعة البلد كدا هنعمل ايه يعنى

حسبنا الله ونعم الوكيل

مرتباتهم من شقانا وتعبنا وقاعدين عاوزين يبقوا بشوات وبس
ونسيوا انهم المفروض يكونوا حماة الشعب وشايلين الامانه
وهيتسألوا عليها يوم القيامة امام الله

والله انا بقى عندى يقين ان كل المواضيع دى بتدبيرهم هما عارفين كل حاجة وما بيتحركوش
وواحد زميل الحاج عندى اتسرقت عربيته واتصلوا بيه الحرامية عاوزين فلوس
راح بلغ قالوله ادفعلهم مش هنقدر نعمل حاجة

ودفعلهم وما اخدش العربية ضحكوا عليه فى الفلوس والعربية ربنا يكون فى عونه :(

[hokajaja]

ربنا يكون فى عونك ويارب ترجعلك ومايكتبها على حد ابدا

[Ahmed Nasser]

حسبى الله ونعم الوكيل

[walidzakzok]

اصبر واحتسب والفرج قريب ان شاء الله

[memo823000]

اصبر واحتسب والفرج قريب ان شاء الله

+11111111111111
وقوم قبل الفجر وصلى ركعتين وادعى وصلى الفجر فى المسجد وادعى برده وان شاء الله ربنا هيرجعهالك
انا عملت كدا لما العربيه اتثبتت منى بالسلاح من اتنين قطاع طرق على طريق الصعيد يامعلم ورجعت البيت موصلات الساعة 3 الفجر وكعيت 5000 بلبل بعد الثورة باسبوع وربنا ستر وعرفت بالسياسه ارجع العربيه الحمد لله
ولا اى حد من اهلى عرفوا لحد الان
وربنا يهدى المسلمين الى الاسلام الحق
بس قولت فى بالى لو لا قدر الله عملت حادثه كان ممكن اصرف اكتر من كدا على نفسى او العربيه فقولت الحمد لله ووالله ربنا عوضنى بنفس المبلغ فى اقل من شهر بعدها