افيدونى فى مرايا النيو اكسنت

[Ayman-Ahmed]

السلام عليكم ورحمة الله وبركاته

كنت محتاج اعرف هل ممكن اشتري الكفر الخارجى الفبر وارشه لمرايا النيو اكسنت 2010 ولا لازم مرايا كاملة وهل ممكن الاستغناء عن الكفر تماما واركب مثلا كفر نيكل ولا مش هيثبت كويس ؟

مشكورين ووقاكم الله شر الحوادث.

[Ayman-Ahmed]

ايه يا شباب طيب ايه رايكوا اجيب النيكل ولا شكله مش حلو.

[Ashraf_Ibrahim]

مانا مرديتش عشان رديت عليك هناك يا ايمون :d
انا مركب النيكل عندي ولذيذ مش وحش يعني

[Ayman-Ahmed]

والله انت راجل زى العسل.ههههه

ما يمكن حد من باقى الاعضاء يكون شاف حل او عرف حل تانى للموضوع ويضيف رده ولكن مفيش.

يلا الحمد لله على كل حال وهعمل كام محاولة بكرة بامر الله مع بتوع الاستيراد فى التوفيقية لعل وعسى الاقى مرايا ولو حتى مكسرة اخد الفبرة بتاعتها.

[mahmoud_afifi]

الف سلامه عليك يا أيمن باشا. خير ايه الي حصل ؟

[Ayman-Ahmed]

الله يسلمك يا غالى.

للاسف جريت وملحقتش اطلع من الشمال وكان اودامى الاختيار ما بين المرايا او جنب العربية فالحمد لله جت فى المرايا.

[mahmoud_afifi]

الله يسلمك يا غالى.

للاسف جريت وملحقتش اطلع من الشمال وكان اودامى الاختيار ما بين المرايا او جنب العربية فالحمد لله جت فى المرايا.

لا حول ولا قوة الا بالله. معلش يا جميل قدر الله وما شاء فعل والمهم انك كويس والعربيه كويسه.
المرايا أمرها محلول بإذن الله حتى لو جبت مرايا صيني (لو في) وتاخد منها الجزء الخلفي بس.

[Ayman-Ahmed]

الحمد لله على كل حال وربنا يسهل الامور والاقى اى مرايا ولو الشاسيه مفتفت واخد الفبرة بس.

[Ashraf_Ibrahim]

خير يا حج ايمن
بس بطل تجري بقا واهدا يا راجل
وانا اقول كان بيسخني اتاري دا العادي بتاعك :d
اهم حاججة ان المرايا نفسها سليمة لأن ابعاد المرايا الاصلية مختلفة عن اي مراية في السوق
الفبرة امرها هين وبسيط ان شاء الله

[mahmoud_afifi]

الحمد لله على كل حال وربنا يسهل الامور والاقى اى مرايا ولو الشاسيه مفتفت واخد الفبرة بس.

خير ان شاء الله. ولو تحب ندور معاك احنا تحت أمرك

[Ayman-Ahmed]

خير يا حج ايمن
بس بطل تجري بقا واهدا يا راجل
وانا اقول كان بيسخني اتاري دا العادي بتاعك :d
اهم حاججة ان المرايا نفسها سليمة لأن ابعاد المرايا الاصلية مختلفة عن اي مراية في السوق
الفبرة امرها هين وبسيط ان شاء الله

ههههه والله المرة دى كنت مستعجل شوية.

الفبرة لقيتلها حلين. ممكن صنايعى فايبر يصبها او اشترى مراية كورى ب 550 لان مفيش فبرة عدلة ابدا مع اننى لقيت واحدة بس وفى الوكالة وكان عاوز يبيعها ب 130.

خير ان شاء الله. ولو تحب ندور معاك احنا تحت أمرك

ربنا يخليك يا غالى.

[Ashraf_Ibrahim]

طب فايبر وتتصب هتتكلف كام تقريبا؟!

[Ayman-Ahmed]

من 30 ل 50 جنيه حسب الصنايعى يعنى على ما سمعت

[Ashraf_Ibrahim]

خلاص يبقا دوس وصبها يا ريس
ومبروك عليك :d

[Ayman-Ahmed]

الف شكر لاجدع شباب والحمد لله لقيت الكفر,وفى انتظار الرش بامر الله.