طقطقه فى الملفات النترا 2010

[Medicalist]

السلام عليكم
عربيتى النترا 2010 بقالى مده بسمع صوت طقطقه فى الملفات الكبيره وانا كاسر الدركسيون على الاخر المهم انا مكبر من يومها والصوت يمين وشمال واحد صاحبى ركب معايا النهارده بيقولى دول كبالن واستغرب لانى سواقتى هادديه وولا بخمس ولا بعرف اعمل اى عفرته بالعربيه
العربيه ماشيه 46 الف كيلو اعمل يه وهل فعلا دى كبالن ولا حاجه تانيه واسعارها ايه؟

[meno88]

جرب تشد عليها ف الطلعه لو سمعت تبقى كبالن
او جرب تشد وتكون لافف الدركسيون ع الاخر
لو سمعت الطقطقه تبقى كبالن

[Medicalist]

ما هى فى الطلعه فعلا وانا طالع من الجراج اكتر وقت باخد بالى لانى بلف من ادام الباب وانا طالع بشد مع لفه الدركسيون بسمع الطقطقه بس الى مستغربله ايه الى يعمل فى العربيه كده

[Hacker5]

دى تقريبا قطمة الدركسيون

[Ashraf_Ibrahim]

ايا ما كانت لو بتعمل صيانات في التوكيل يبقا اطلع عليهم
مبتعملش هناك يبقا روح للميكانيكي وخليه يشوف ايه القصة
وممكة تروح لأشرف يشوفلك الحكاية برده !

[Medicalist]

دى تقريبا قطمة الدركسيون

يعنى ايه قطمة الدركسيون ؟ معلش يا باشا

[Medicalist]

ايا ما كانت لو بتعمل صيانات في التوكيل يبقا اطلع عليهم
مبتعملش هناك يبقا روح للميكانيكي وخليه يشوف ايه القصة
وممكة تروح لأشرف يشوفلك الحكاية برده !

يا باشا التوكيل دول شويه نصابين
عايز يغيرلك كل حاجه وياخد منك فلوس باى شكل
اول ما روحت اسال على صيانه الاربعين قالى لازم تغير زيت الفتيس وتغير وتغير
واحد صاحبى لسه راجع من السعوديه بيقولى اوعى تغير زيت الفتس الاوتوماتيك وانه الانترا فى السعوديه و 2007 ماشيه 300 الف كيلو وما غيرتش حاجه وانه بيقعد لجد 5 سنين

[aymangouda]

اؤيد الاخ medhcalist وتقبل تحياتى

[mohamed_mohsen]

لا طبعاً لازم تغير زيت الفتيس و الفلتر بتاع الفتيس كمان
مع احترامي لصاحبك الكلام ده غلط و الفتيس كده هيبوظ

[ahmed643]

طقطقه يبقى احتمال كبير كبالن

[eng.m7md.ali]

كبالن زي ماالاخوة قالو ومدام انت لسة في الضمان يبقى تروح التوكيل يغيرولك الكوبلن البايظ
ولو بتحس ان الدريكسيون بيلعب في ايدك وانت بتاخد الملف بيكون متكسر يبقى كدة علبة دريكسيون