سماعات خلفيه النترا 2012

[dr_sha2awa]

انا جبت النترا 2012 من تقريبا كده شهر
وانا من النوع اللى بيحب الموسيقى و الكاسيت اوى
وبصراحه sound system مش ممزجنى اوى
وطبعا ده اكييد عشان السماعات اللى موجوده كلها فى الابواب بس
ففكرت انى اركب سماعات فى النضاره الخلفيه خصوصا ان عندى سماعتين سونى جامدين جدا
بس المشكله ان انا هأضطر احفر فى الصاج بتاع العربيه وده مخوفنى
مش عارف ايه رأيكوا
وهل فى طريقه تانى غير الحفر؟؟؟؟؟؟؟؟

[dr_sha2awa]

...........................................

[yalahwy2010]

ممكن تركب بازوكا وصب فى الشنطة .......على جى أم طبعا
وتعتمد على نقاء الصوت من سماعات الأبواب
خسارة تحفر فى الصاج بصراحة

[mohamed_berlitz]

احفر يامعلم ولايهمك , هو انت بتحفر فى الشاسية
انا تانى يوم ماجبت العربية وكانت زيرو بكيسها حفرت 4 سماعات بيونير بيضاوى
بس نصيحة:
ما تحفرش فى الفبر اللى فوق الصاج واعمل زى ما انا عملت
1- بتشيل الفبر البلاستيك اللى فوق الصاج
2- بتشترى لوح خشب من بتاع الكاسيت اللى حتركب عندة ب (80 جنية كدة) mdf
3- بتحفر الصاج ولوح الخشب
4- بيركب لوح الخشب وبعدية السماعات علية
يبقى انت كدة حافظت على الفبر سليم عشان لو حبيت تشيل السماعات فى اى وقت , تبقى تركب الفبر ومنظر العربية حيرجع زى الاول ولا كأنك عملت حاجة
وربنا يوفقك , فعلا الصوت بيفرق جدا لما السماعات بترجع ورا

[HOSSAM99]

أولا مبروك علي حضرتك العربيه
ثانيا :أنا لو مكان حضرتك مستحيل إني ألعب في العربيه مهما كانت الأسباب و مهما كانت جودة الشغل اللي هايتم

حاول حضرتك تجيب سمات و تحطها في الشنطه أو تتثبت في أي مكان إلا اللعب في العربيه

أو تغير سماعات الفابريكه بسماعات قدره أفضل و جوده أعلي

[devil_storm]

السويند سيستم اساسا فى الالنترا الجديدة صوتة كويس جدا و مش مستهلة لعب فى العربية

[propagaanda]

السويند سيستم اساسا فى الالنترا الجديدة صوتة كويس جدا و مش مستهلة لعب فى العربية

+1111111111111111111111111

[AshTurbo]

صب محترم + شماسة تويترات + سماعات الأبواب الأصلية = ساوند سيستم محترم .

[SAMEH_FOUAD]

حرام تلعب فى العربية وهية لسة جديدة كمان الالنترا زجاجها الخلفى ضيق صعب ان اللى هيقطع فى الصاج يعرف يظبطة صح

وبعدين انت تقريبا ممكن تلاقى فتحتين متعلم عليهم بس على مقاس سماعات مدور مش بيضاوى

وخليك على كدة وركب صب او بازوكا وخلاص

[tameraast]

باشا الشعب المصرى غسر منطقى فى حجات كتيره و دى منها

ازاى تحفر فى عربيه جديده

هوا انا كده بعيبها ولا ايه هيا مده سعرها هيقل ولا هتبقى راشه دواخل

توصيل السمعات حتتين سلك مهش كميا و متقلقش من كلمه مش هتبقى فاريكا و غالبيتا هتلاقى الصاج مبينلك الحتت الى تخرم فيها

اعمل الى يرحك دى عربيتك

استمتع بيها دى فايدتها

مش تجيبها و تحرم نفسك

علشان تبفى قبركا !!!!

[dr_sha2awa]

الف شكر على الاهتمام......والردود
وانا بصراحه اقتنعت بحوار الحفر ده خصوصا دى فعلا حاجه ماتعيبش العربيه
وانا مش هبيع العربيه قبل اربع سنين
فامتع نفسى وخلاص وزى ماتيجى تيجى

[minicooper20]

والله عندك حق مبروك عليك السمعات

[bmw323]

هاتلك جي أم علشان يقوم السماعات وطالما هتحفر ركب 4 سماعات محترمين

[dr_sha2awa]

ان شاء الله

[Hussein_Ramdan]

انا معايا بردو النترا 2012
وعندى مشكلة رهيبة جدا
الاوكرة بتاعيت البابان بتزن معا الاغانى الى فيها بيز عالى
انا بعانى من المشكلة دى من ساعت ما جبتها انا مش عارف اعمل اية
انا عايز مكان كويس اروح فى يحل المشكلة دى
وكمان اركب سيستم سوند كويس يعنى يظبط الدنيا عندى